ပိုချက်တီနိုဟာ ၂၀၁၄ ခုနှစ်မှ ၂၀၁၉ ခုနှစ်အထိ ငါးနှစ်ခွဲကြာ တော့တင်ဟမ်ကို ဦးဆောင်ခဲ့ပြီး သူရဲ့နောက်ဆုံးနှစ်တွင် ချန်ပီယံလိဂ်ဗိုလ်လုပွဲသို့ ပို့ဆောင်ပေးနိုင်ခဲ့ပါတယ်။ အာဂျင်တီးနားနိုင်ငံသား နည်းပြဟာ ချန်ပီယံလိဂ်ဗိုလ်လုပွဲတွင် လီဗာပူးကို ရှုံးနိမ့်ပြီးနောက် ၅ လအကြာတွင် ရာထူးမှ ထုတ်ပယ်ခြင်းခံခဲ့ရပြီးနောက် လန်ဒန်ပြိုင်ဘက် ချဲလ်ဆီးကို ကိုင်တွယ်ခဲ့ပါတယ်။ ပြီးခဲ့တဲ့ စက်တင်ဘာလမှတော့ သူဟာ အမေရိကန်လက်ရွေးစင်အသင်းကို ကိုင်တွယ်ရန် ခန့်အပ်ခံခဲ့ရပါတယ်။

သို့သော်လည်း တော့တင်ဟမ်အပေါ် သူ့ရဲ့ချစ်ခင်မှုက ပျောက်ကွယ်မသွားခဲ့ဘဲ ယခုထိတိုင် တော့တင်ဟမ်ရဲ့ ပွဲစဉ်များကို ကြည့်ရှုနေဆဲဖြစ်ကြောင်း ဝန်ခံခဲ့ပါတယ်။ အမေရိကသို့ ပြောင်းရွှေ့သွားပြီးနောက် ပရီးမီးယားလိဂ်ပွဲစဉ်များကို ကြည့်နေဆဲလားလို့ မေးမြန်းရာတွင် ပိုချက်တီနိုက "ကျွန်တော်က ကြည့်နိုင်သမျှ ပွဲစဉ်အားလုံးကို ကြည့်ပါတယ်။ ပြီးတော့ အမြဲကြည့်တဲ့အသင်းကတော့ တော့တင်ဟမ်ဖြစ်ပါတယ်" လို့ The Sun သို့ ပြောကြားခဲ့ပါတယ်။

ပိုချက်တီနိုလက်ထက်တွင် တော့တင်ဟမ်ဟာ ပရီးမီးယားလိဂ်ဇယားရဲ့ ထိပ်ပိုင်းတွင် မကြာခဏယှဉ်ပြိုင်ခဲ့ပြီး ၂၀၁၅-၁၆ ရာသီတွင် တတိယနေရာတွင်ရှိခဲ့ပြီး နောက်တစ်နှစ်တွင် ချဲ့လ်ဆီးနောက်မှ ဒုတိယနေရာမှာ ရပ်တည်ခဲ့ပါတယ်။ လက်ရှိရာသီ ပိုစတီကိုဂလူရဲ့ ဦးဆောင်မှုအောက်မှာတော့ အသင်းရဲ့အခြေအနေတွေက လုံးဝကွဲပြားခဲ့ပါတယ်။ တော့တင်ဟမ်က ယခုအခါ  အဆင့် ၁၄ တွင် ရှိနေပြီး ပရီးမီးယားလိဂ်ပွဲစဉ် ၂၄ ပွဲကစားပြီး ၁၃ ပွဲရှုံးနိမ့်ခဲ့ကာ တန်းဆင်းဇုန်ရဲ့အထက် ၁၀ မှတ်အကွာမှာ ရှိနေပါတယ်။

မြောက်လန်ဒန်အသင်းဟာ ပြီးခဲ့တဲ့ရက်သတ္တပတ်က ကာရာဘာဘောင်ဖလား နှင့် အက်ဖ်အေဖလားပွဲမှ ထွက်ခွာခဲ့ရပြီး နည်းပြ ပို့စ်တီကိုဂလူအပေါ် ဖိအားများ တိုးလာခဲ့ပါတယ်။သို့သော်လည်း ပိုချက်တီနိုက ဩစတြေးလျနိုင်ငံသားနည်းပြက အသင်းရဲ့ အခြေအနေများကို ပြန်လည်တည့်မတ်နိုင်မယ်လို့ ယုံကြည်ထားပါတယ်။

"သူက ကောင်းတဲ့ မန်နေဂျာတစ်ဦးပါ။ ကြီးမားတဲ့ ကလပ်တစ်ခု၊ ကြီးမားတဲ့ ပရိသတ်များရှိနေပါတယ်။ ဒီနေရာရှိ လူတိုင်းအကြောင်း ကောင်းမွန်တဲ့အရာများကိုသာ ပြောရမှာဖြစ်ပါတယ်" လို့ ပိုချက်တီနိုက ပို့စ်တီကိုဂလူနှင့် တော့တင်ဟမ်အကြောင်း ပြောကြားခဲ့ပါတယ်။ ပိုစတီကိုဂလူရဲ့ အခက်အခဲများကို ပြန်လည်သုံးသပ်ရာတွင် ပိုချက်တီနိုက "ဒါက ဘောလုံးဖြစ်ပြီး ဘဝလည်း ဖြစ်ပါတယ်။ တစ်ခါတစ်ရံ အဆင်ပြေသလို တစ်ခါတစ်ရံ အဆင်မပြေတာလည်း ရှိမှာပါ။ ဒါတွေက အမြဲဖြစ်ပျက်နေကျပါ"

"ကျွန်တော်တို့က လုပ်ဖော်ကိုင်ဖက် မန်နေဂျာတွေ ဖြစ်ပါတယ်။ ကျွန်တော်တို့က အမြဲတမ်း ကိုယ့်ကိုယ်ကို အာရုံစိုက်ရန်လိုအပ်ပြီး ကမ္ဘာပေါ်ရှိဘယ်မန်နေဂျာမဆို သူတို့ရဲ့အတွေးအခေါ်များနှင့် အရာများကို ပြောင်းလဲနိုင်စွမ်းရှိပါတယ်" လို့ ဖြေကြားထားပါတယ်။