တော့တင်ဟမ်ပစ်မှတ်ရော်ဘတ်ဆန်ကို အသင်းမှာဆက်ထိန်းထားဖို့ ဆုံးဖြတ်ခဲ့တဲ့ လီဗာပူး
လီဗာပူးက ရော်ဘတ်ဆန်ရဲ့တော့တင်ဟမ်ဆီပြောင်းရွှေ့မယ့်အဆိုပြုချက်ကို ပိတ်ပင်ဖို့ ဆုံးဖြတ်ခဲ့တယ်လို့ သတင်းတွေထွက်ပေါ်နေပါတယ်။ တော့တင်ဟမ်နဲ့ ပရီးမီးယားလိဂ်လက်ရှိချန်ပီယံလီဗာပူးက လွန်ခဲ့တဲ့သီတင်းပတ်အတွင်း အသက်-၃၁ နှစ်အရွယ်ကစားသမားအတွက် လှုပ်ရှားမှုတစ်ခုပြုလုပ်ဖို့ ဆွေးနွေးခဲ့ကြပါတယ်။
ရော်ဘတ်ဆန်က ကာကက်ဇ်ရောက်ရှိလာပြီးနောက်ပိုင်း ပွဲထွက်ခွင့်ဆုံးရှုံးသွားပြီး အခုရာသီ၊ ပရီးမီးယားလိဂ် ၁၄ ပွဲကစားထားရာမှာ လေးပွဲသာ ပွဲထွက်ခွင့်ရရှိခဲ့ပါတယ်။ ဒါပေမဲ့ ဘုန်းမောက်ကိုအရေးနိမ့်ခဲ့တဲ့ပရီးမီးယားလိဂ်ပွဲစဉ်အပြီး နည်းပြအန်းစလော့နဲ့ ကပ္ပတိန်ဗန်ဒိုက်တို့က စကော့တလန်သားရဲ့အပြောင်းအရွှေ့နဲ့ပတ်သက်လို့ ဆန့်ကျင်ပြောဆိုခဲ့ပါတယ်။
အခုတော့ The Times ရဲ့အဆိုအရ လီဗာပူးက ရော်ဘတ်ဆန်ရဲ့တော့တင်ဟမ်ဆီပြောင်းရွှေ့မယ့် ပေါင် ၅ သန်းတန်အစီအမံကို ပိတ်ပင်လိုက်လို့ ကြိုးကြာနီတွေရဲ့အဓိကပုဂ္ဂိုလ်နှစ်ဦးစိတ်ဆန္ဒ ပြည့်ဝသွားပြီလို့ သိရပါတယ်။
