ယူနိုက်တက်အမှုဆောင် ဆာဂျင်မီက အသင်းကစားသမားတွေဟာ ခြေစွမ်းမကောင်းသလို လုပ်ခလစာအများအပြားပေးချေနေရတယ်ဆိုတဲ့ပြောကြားချက်ကို နောက်ခံလူ ဒါလော့တ်က တုံ့ပြန်လိုက်ပါတယ်။

ဆာဂျင်မီက ယူနိုက်တက်ကစားသမားတွေရဲ့စွမ်းဆောင်ရည်ကို ဝေဖန်ခဲ့ပြီး ဒါလော့တ်က အဆိုပါဝေဖန်မှုအပေါ် ပြန်လည်တုံ့ပြန်လာခဲ့တာဖြစ်ပါတယ်။ သတင်းထောက်တွေကို ပေါ်တူဂီသားက ပြောကြားရာမှာ “ဒီအသင်းရဲ့သမိုင်းကြောင်းက အနစ်နာခံမှု နဲ့ ကမ္ဘာကိုဆန့်ကျင်တိုက်ခိုက်တာ်လို့ ကျွန်တော်ထင်ပါတယ်။ အဲ့တာက ခင်ဗျားကိုယ်ခင်ဗျား အနစ်နာခံတာ နဲ့ အခြားသူတစ်ဦးချင်းအပေါ် အနစ်နာခံတာပါ။ ကွင်းထဲက အခိုက်အတန့်တိုင်းမှာ ကျွန်တော်တို့ ပရိသတ်တွေနဲ့အတူ ခံစားချက်ကောင်းတွေဖန်တီးပါတယ်။

အဲ့တာက အသင်းရဲ့သမိုင်းကြောင်းပါ။ တကယ်လို့ ခင်ဗျားအောင်မြင်ချင်တယ်ဆိုရင် ကွင်းထဲမှာ ခင်ဗျားအရာအားလုံးလုပ်ဆောင်ဖို့ လိုအပ်ပါတယ်။ ခင်ဗျားကြိုက်သည်ဖြစ်စေ မကြိုက်သည်ဖြစ်စေ ဒီအသင်းအတွက် အာရုံစူးစိုက်ရပါမယ်။ ကျွန်တော်တို့ အဆင့် ၁၄ ဒါမှမဟုတ် အဆင့် ၁၅ ရောက်နေချိန် ခင်ဗျားဘာမှမလုပ်ဘူးဆိုရင် အဲ့တာက ရှင်းလင်းပါတယ်။ 

တကယ်လို့ ခင်ဗျားယူနိုက်တက်ကို ထိပ်တန်းအဆင့်ကို ပြန်တင်ချင်တယ်ဆိုရင် ခင်ဗျားအများကြီးပိုလုပ်ဖို့ လိုအပ်ပါတယ်။ ကျွန်တော်တို့ ကွင်းထဲမှာ ဘာလုပ်နေလဲဆိုတာက ဒီအသင်းတိုးတက်လာလားဆိုတာ ပြသနေပါတယ်။ ပြီးတော့ ဒီအသင်း အနာဂတ်နဲ့ အရှိန်အဟုန်က ကျွန်တော်တို့မှာ တာဝန်ရှိပါတယ်။ကျွန်တော်တို့မှာ တာဝန်ရှိတယ်ဆိုတာ သိပါတယ်။ ဒါပေမယ့် ကျွန်တော်တို့ အဲ့တာကို ယူချင်ပါတယ်။ ဖိအားက များလာပါတယ်။ ဒါပေမယ့် ကျွန်တော်တို့ကယူနိုက်တက်မှာကန်နေတာပါ။

ခင်ဗျားက ထိပ်တန်းဘောလုံးသမားတစ်ဦးဆိုရင် ဒီအရာတွေကို အလျင်အမြန်ပြောင်းလဲဖို့ လိုအပ်ပါတယ်။ ဒါပေမယ့် ယေဘုယျအားဖြင့် အဲ့တာက အချိန်ယူရပါတယ်။ ဘာလို့လဲဆိုတော့ ကျွန်တော်တို့ ပြီးခဲ့တဲ့နှစ်အနည်းငယ်မှာ မတူညီတဲ့နည်းလမ်းတွေနဲ့ ကစားရပါတယ်။

ဒီအပြောင်းအလဲကာလကို ခင်ဗျားမြင်နိုင်ပါတယ်။ အထူးသဖြင့် INEOS ဝင်လာပြီးကတည်းပါ။ အသင်းက ဦးတည်ချက်တစ်ခုကို သွားချင်နေပါတယ်။ သူတို့ ယူနိုက်တက်ကို ပြန်လည်တည်ဆောက်ချင်သလို အသင်းကိုလည်း ထိပ်တန်းအဆင့်ဆီ ပြန်လည်တွန်းပို့ချင်နေပါတယ်။ လာမယ့်နှစ်အနည်းငယ်အတွင်းမှာ ကျွန်တော်တို့ လိုချင်တဲ့နေရာကိုသွားနိုင်မယ်လို့ မျှော်လင့်ပါတယ်။ ပြီးခဲ့တဲ့လတွေက အသင်းက အနည်းငယ်ပိုကောင်းလာတယ်လို့ ကျွန်တော်ထင်ပါတယ်။ 

အချိန်အကြောင်းပြောပေမယ့် ကျွန်တော်တို့ အချိန်ကိုဝယ်ဖို့ ပြောနေတာမဟုတ်ပါဘူး။ အဲ့တာက တစ်စုံတစ်ခုဖြစ်လာမယ်လို့ ကျွန်တော်ထင်ပါတယ်။ ဒီလိုအသင်းမျိုးမှာကန်ရတာက ခက်ခဲပါတယ်။ ဘာလို့လဲဆိုတော့ ခင်ဗျားအနိုင်ကန်ဖို့ လိုအပ်သလို တိုးတက်ဖို့လည်း လိုအပ်ပါတယ်။ ပွဲတိုင်းအနိုင်ရဖို့ဆိုတာက ဖိအားက မြင့်ပါတယ်။
 
တိုးတက်လာမှုကို ပြသဖို့ ခက်ခဲပါတယ်။ ဒါပေမယ့် ပြီးခဲ့တဲ့ပွဲအနည်းငယ်တုန်းက ကျွန်တော်တို့ မတူညီတာတွေလုပ်ပြထားနိုင်ပါတယ်။ အားလုံးခြုံကြည့်ရင် ကျွန်တော်တို့ တိုးတက်လာပါတယ်။ အဲ့တာကို လူတိုင်းမြင်နိုင်မယ်လို့ ကျွန်တော်ထင်ပါတယ်။ ဒါပေမယ့် ရလဒ်တွေက ကျွန်တော်တို့အဆင့်ကို ပြသနေပါတယ်”လို့ ဒါလော့တ်က ပြောကြားခဲ့ပါတယ်။ ယူနိုက်တက်ဟာ ဒီနေ့ညမှာ လက်စတာနဲ့ အဝေးကွင်းပွဲကန်ရမှာဖြစ်ပါတယ်။