အမ်ဘာပေဟာ ရီးရဲလ်ဆိုစီဒက်စ် နှင့်ကစားမယ့် ကိုပါဒဲရေး ပွဲစဉ်အတွက် မပါဝင်ခဲ့ပါဘူး။အန်ဆယ်လော့တီက မနေ့က သတင်းစာရှင်းလင်းပွဲတွင် သူကလိုက်နိုင်မှာပါလို့ အတိအလင်းပြောခဲ့သော်လည်း ထိုအရာက မှားယွင်းတဲ့ ပြောဆိုမှုတစ်ခုဖြစ်ခဲ့ပြီး ခဏတာ ထိတ်လန့်မှုကို ဖြစ်စေခဲ့ပါတယ်။ သို့သော် အမ်ဘာပေ က အချိန်မီ ပြန်လည်နာလန်ထူနိုင်ခြင်းမရှိသေးပါဘူး။ သူဟာ မကြာသေးမီက သွားနှင့်ခံတွင်းခွဲစိတ်မှု ခံယူခဲ့ပြီး ယခုထိတိုင် နာကျင်မှုကို ခံစားနေရဆဲဖြစ်ပါတယ်။

ဘက်တစ်နှင့်ပွဲ အက်သလက်တီကိုမက်ဒရစ်နှင့်ကစားမည့် ချန်ပီယံလိဂ်ပွဲစဉ်များမှသာ ပါဝင်နိုင်မှာဖြစ်သော်လည်း ကိုပါဒဲရေးပွဲတွင် ပါဝင်နိုင်မှာတော့ မဟုတ်ပါဘူး။ သူက ညဘက်တွင် နာကျင်မှုကြောင့် အနားယူရန် ခက်ခဲခဲ့ကြောင်း ကလပ်ထံ ပြောကြားခဲ့ပြီး အခြေအနေကို အကဲဖြတ်ပြီးနောက် ဆန်ဆယ်လော့တီက ကစားသမားကိုခေါ်ဆောင်သွားမှာ မဟုတ်ကြောင်းကို သဘောတူခဲ့ပါတယ်။ သူ့အား အနားယူခွင့်ပေးခဲ့ပြီး ဆိုလိုတာကတော့ အမ်ဘာပေဟာ ရီးရဲလ်ဆိုစီဒက်စ်နှင့်ပွဲမှာ ပါဝင်မှာ မဟုတ်ပါဘူး။

ဗယ်လ်ဗာဒီကလည်း ပါဝင်နိုင်မှာ မဟုတ်ပါဘူး။ သူဟာ မနေ့က လေ့ကျင့်မှုပြုလုပ်ခဲ့သော်လည်း အန္တရာယ်အနည်းငယ် ရှိနေဆဲဖြစ်ပါတယ်။ ကစားသမားက ဘယ်ဘက်ပေါင်ရင်းတွင် နာကျင်မှုကို ခံစားနေရပြီး မန်စီးတီး နှင့် ဒုတိယအကျော့ပွဲမှာလည်း ဆေးထိုးပြီး ကစားခဲ့ရတာဖြစ်ကာ ပြင်းထန်သော ပြဿနာမဟုတ်သော်လည်း အနားယူရန် လိုအပ်နေပါတယ်။

ဂီရိုနာနှင့်ပွဲတွင် သူ့အား အနားယူခွင့်ပေးခဲ့ပြီး ယနေ့ညပွဲတွင်လည်း ပါဝင်နိုင်မှာမဟုတ်ပါဘူး။ ဒါကြောင့် ဥရုဂွေးနိုင်ငံသားဟာ ချန်ပီယံလိဂ်ပွဲစဉ်အတွက် ၁၀၀% ပြန်လည်နာလန်ထူနိုင်ရန် တစ်ပတ်လုံး အနားယူခွင့် ရမှာဖြစ်ပါတယ်။ ဒါဟာ အကောင်းဆုံးဖြစ်နိုင်ခြေ မဟုတ်သော်လည်း လိုအပ်တဲ့ အရာဖြစ်ပါတယ်။