လိဒ်စ်ယူနိုက်တက်နဲ့ပွဲမတိုင်ခင် အာဆင်နယ်အသင်းအပေါ် စိုးရိမ်မှုကို ထုတ်ဖော်ပြောကြားလာတဲ့ ပက်ဂွါဒီယိုလာ
မန်စီးတီးနည်းပြ ပက်ဂွါဒီယိုလာက ဒီသီတင်းပတ်ကုန် လိဒ်ယူနိုက်တက်နဲ့ ရင်ဆိုင်ဖို့ ပြင်ဆင်နေချိန် အာဆင်နယ်အပေါ် စိုးရိမ်မှုကို ထုတ်ဖော်ပြောကြားလာခဲ့ပါတယ်။ ဂွါဒီယိုလာရဲ့ နည်းပြဘဝ ပွဲ ၁၀၀၀ မြောက်ဟာ အင်္ဂါနေ့ညက အိမ်ကွင်းမှာ ဘေယာ လေဗာကူဆင်ကို ၂-၀ နဲ့ ရှုံးနိမ့်ခဲ့ပြီး စိတ်ပျက်စရာ ရလဒ်နဲ့ အဆုံးသတ်ခဲ့ပါတယ်။ ယနေ့ည ရင်ဆိုင်ရမယ့် လိဒ်စ်နဲ့ ပရီးမီးယားလိဂ် နောက်ဆုံး ၄ ကြိမ် တွေ့ဆုံမှုတိုင်းမှာတော့ မန်စီးတီးက အနိုင်ရထားတာပါ။
အမှတ်ပေးဇယားကို ဦးဆောင်နေတဲ့ အာဆင်နယ်ကတော့ ဒီအပတ်မတိုင်ခင် မန်စီးတီးကို ၇ မှတ် ဖြတ်ထားပါတယ်။ အာဆင်နယ် ပိုအားကောင်းလာတာက စီးတီးအတွက် စိုးရိမ်စရာ လက္ခဏာတစ်ခုလို့ ဂွါဒီယိုလာက ယုံကြည်နေပါတယ်။ ဂွါဒီယိုလာက"နောက်သီတင်းပတ်တွေနဲ့ နောက်ပွဲတွေအကြောင်းကတော့ ကျွန်တော်က နောက်တစ်ပွဲအကြောင်းပဲ ပြောလေ့ရှိပါတယ်။ အဲဒီနောက်မှ ကြည့်ကြတာပေါ့။ ကွာဟချက် ရှိနေပြီဆိုတာ ကျွန်တော် သိပါတယ်။ အာဆင်နယ်က အရမ်း တောင့်တင်းပါတယ်၊ ပွဲတိုင်းမှာ ကျွန်တော်တို့ မြင်နေရပါတယ်။ သူတို့ အသင်းလိုက် ပိုပိုကောင်းလာနေတာ ခင်ဗျားတို့ မြင်လာရမှာပါ" လို့ သတိပေးခဲ့ပါတယ်။
