ဒဏ်ရာအခြေအနေစိုးရိမ်ရတာကြောင့် ၃ ပွဲလောက်နားရမယ့် ချဲလ်ဆီးစတား
ချဲလ်ဆီးနည်းပြ မာရက်စ်ကာက ကွင်းလယ်လူ ပယ်လ်မာတစ်ယောက် ဒဏ်ရာအခြေအနေစိုးရိမ်ရတာကြောင့် ၃ ပွဲလောက်နားရမယ်လို့ ပြောကြားလိုက်ပါတယ်။ ယူနိုက်တက်နဲ့ပွဲမှာ မိနစ် ၂၀ ကစားပြီးနောက် ပယ်လ်မာဟာ လူစားလဲခံခဲ့ရပြီး အခုတော့ လာမယ့်ဘရိုက်တန် ၊ ဘင်ဖီကာ ၊ လီဗာပူးတို့နဲ့ပွဲတွေကို လွဲချော်တော့မှာဖြစ်ပါတယ်။ ယူနိုက်တက်ကို ၂-၁ နဲ့ အရေးနိမ့်ခဲ့တဲ့ပွဲမှာ အင်္ဂလန်သားဟာ ပွဲကစားချိန် ၂၀ မိနစ်လောက်ကစားပြီးနောက် လူစားလဲခံခဲ့ရပါတယ်။
လူစားလဲခံခဲ့ရပြီးနောက် ပယ်လ်မာဟာ ဥမင်ထဲကို တန်းဝင်သွားခဲ့သလို အဲ့နောက် မကြာခင်မှာပဲ ပေါင်ခြံဒဏ်ရာအခြေအနေခံစားနေရတယ်လို့ ထုတ်ဖော်ပြောကြားခဲ့ပါတယ်။ အဆိုပါအခြေအနေကြောင့်ပဲ ပယ်လ်မာဟာ ဝက်စ်ဟမ်း ၊ ဖူလ်ဟမ်တို့နဲ့ပွဲတွေကို လွဲချော်ခဲ့ကာ ခွဲစိတ်မှုအတွက် ဆွေးနွေးနေပြီး တကယ်လို့ ခွဲစိတ်ဖြစ်ခဲ့ရင် ထပ်မံနားရနိုင်တာဖြစ်ပါတယ်။ မာရက်စ်ကာက ပယ်လ်မာကို အနားယူဖို့ အကြံပေးထားကြောင်း အတည်ပြုခဲ့သလို ခွဲစိတ်မှုလည်း လိုအပ်နိုင်တာဖြစ်ပါတယ်။
အဲ့အစား ပယ်လ်မာအနေနဲ့ ပရီးမီးယားလိဂ် ၂ ပွဲ နဲ့ ချန်ပီယံလိဂ် ၁ ပွဲကို လွဲချော်နိုင်ပြီး တူချယ်က လာမယ့်နိုင်ငံတကာရက်သတ္တပတ်အတွက် ပယ်လ်မာကို ရွေးချယ်မလားဆိုတာ မသိရသေးတာဖြစ်ပါတယ်။ “ကျွန်တော်တို့ ပယ်လ်မာကို ကာကွယ်တဲ့အနေနဲ့ အနားယူဖို့ ပြောထားပါတယ်။ သူ့အခြေအနေက ဆိုးဝါးလာနိုင်တာကြောင့်ပါ။ ကျွန်တော်တို့ သူ့ကို ၂ ပတ်ကနေ ၃ ပတ်လောက်အထိ နားခိုင်းထားပါတယ်။ ခွဲစိတ်ဖို့တော့ မလိုအပ်ပေမယ့် သူ့အခြေအနေကို စောင့်ကြည့်ရမှာပါ”လို့ မာရက်စ်ကာက ပြောကြားခဲ့ပါတယ်။ ပယ်လ်မာဟာ ချဲလ်ဆီးအသင်းမှာ ကမ္ဘာ့အကောင်းဆုံးကွင်းလယ်လူတွေထဲကတစ်ယောက်ဖြစ်လာခဲ့တာဖြစ်ပါတယ်။
နှစ်အစကတည်းက ပယ်လ်မာဟာ ရုန်းကန်ခဲ့ရပြီး ၂၀၂၄ - ၂၅ ရာသီဝက်မှာတုန်းက ပယ်လ်မာဟာ အသင်းအတွက် ၁၂ ဂိုးသွင်း ၊ ၆ ဂိုးဖန်တီးနိုင်ခဲ့ပါတယ်။ ၂၀၂၅ အစကတည်းက အင်္ဂလန်သားဟာ ၄ ဂိုးသွင်း ၊ ၃ ဂိုးသာ ဖန်တီးနိုင်ခဲ့သလို အခုလည်း ဒဏ်ရာရရှိခဲ့ပါတယ်။ မာရက်စ်ကာကတော့ မကြာခင်မှာ ပယ်လ်မာတစ်ယောက် အသန်မာဆုံးပြန်လာနိုင်ဖို့ မျှော်လင့်နေပါတယ်။ ပယ်လ်မာ နဲ့ ချဲလ်ဆီးတို့ကြား စာချုပ်သက်တမ်းက ၂၀၃၃ အထိရှိနေပြီး သူ့အနေနဲ့ ကွင်းထဲမှာ အချိန်အတော်ကြာရှိနိုင်သေးတာဖြစ်ပါတယ်။
ချဲလ်ဆီးကတော့ အခုရာသီအစ ပရီးမီးယားလိဂ် ၅ ပွဲမှာ ၂ ပွဲနိုင် ၊ ၂ ပွဲသရေ ၊ ၁ ပွဲအရေးနိမ့်ထားခဲ့ပါတယ်။ လာမယ့်ဘရိုက်တန်နဲ့ပွဲမှာတော့ ချဲလ်ဆီးအနေနဲ့ ရလဒ်ကောင်းတစ်ခုပြန်ယူနိုင်ဖို့ မျှော်လင့်နေပါတယ်။ ပယ်လ်မာအနေနဲ့ လာမယ့်အောက်တိုဘာ ၁၈ ရက်နေ့ နော်တင်ဟမ်နဲ့ပွဲမှာ ပြန်လာနိုင်ဖို့ မျှော်လင့်နေပါတယ်။
