ဂျာမနီကို ၂-၁ ဂိုးဖြင့် အရေးနိမ့်ခဲ့တဲ့ အီတလီရဲ့နေးရှင်းလိဂ်ပွဲစဉ်၊ ပွဲချိန်နောက်ဆုံးမိနစ်အပိုင်းအခြားမှာ ဒဏ်ရာနဲ့အတူနာကျင်နေဟန်ရှိတဲ့ အာဆင်နယ်နောက်ခံလူကာလာဖီအိုရီအတွက် စိုးရိမ်မှုတွေ ရှိလာခဲ့ပါတယ်။ ဆန်စီရိုမှာကစားတဲ့ပွဲစဉ်ရဲ့နာကျင်အချိန်ပိုမှာ ဗဟိုခံစစ်မှူးက ပြေးအားကို အစွမ်းကုန်အသုံးချဖို့ ကြိုးစားပြီးနောက် ဟန်ချက်ပျက်ကာ ချော်လဲသွားခဲ့ပါတယ်။

ကာလာဖီအိုရီက သူ့ရဲ့ဘယ်ဘက်ဒူးကို ဆေးကုသမှုခံယူပြီးနောက် လက်ကျန်ပွဲကစားချိန်တွေကို ဆက်လက်ဖြတ်သန်းခဲ့ပါတယ်။ ရိုးမားလူငယ်ကစားသမားဘဝမှာ ဘယ်ဘက်ဒူးဒဏ်ရာပြင်းပြင်းထန်ထန်ရရှိဖူးတဲ့ ကာလာဖီအိုရီအတွက် လတ်တလောအခင်းအကျင်းတွေက အထူးစိုးရိမ်စရာဖြစ်လာခဲ့ပါတယ်။

ပွဲပြီးသတင်းစာရှင်းလင်းပွဲမှာ အီတလီနည်းပြစပယ်လက်တီက “ ကာလာဖီအိုရီက သူ့ရဲ့ဒူးမှာ ထူးထူးဆန်းဆန်းဖြစ်နေတယ်ဆိုပြီး ပြောလာခဲ့ပါတယ်။ ဒါပေမယ့် အခုထက်ပိုပြီး အတိအကျပြောပြနိုင်ဖို့တော့ မရှိသေးပါဘူး။ ဒါကြောင့် ကျွန်တော်တို့ သူ့ရဲ့အခြေအနေကို စောင့်ကြည့်သွားဖို့လိုအပ်ပါတယ်”လို့ ပြောပါတယ်။

ဒါကြောင့် ကာလာဖီအိုရီရဲ့ဒဏ်ရာက ကြွက်သားပြဿနာလား (သို့မဟုတ်) ပြင်းထန်ဒူးဒဏ်ရာလားဆိုတာကို ဆက်လက်စောင့်ကြည့်သွားရပါမယ်။ အီတလီလက်ရွေးစင်အသင်းက နေးရှင်းလိဂ်ကွာတားဖိုင်နယ်ဒုတိယအကျော့ပွဲစဉ်ကို လာမယ့်တနင်္ဂနွေနေ့၊ ဒေါ့မွန်မြို့မှာ ယှဉ်ပြိုင်ကစားရဖို့ရှိနေပြီး ဒီပွဲစဉ်အတွက် အသင်းလူစာရင်းမှာ ကာလာဖီအိုရီပါဝင်လာဖို့ ရှိ၊မရှိ အတိအကျမသိရှိရသေးပါဘူး။