မိုဟာမက်ဆာလက်က လီဗာပူးအတွက် သူ့ရဲ့ အကောင်းဆုံးရာသီ ကို ဖြတ်သန်းနေစဉ် အာစင်ဝင်းဂါး မှ ပေးခဲ့သော အကြံပေးချက်ကို ပြောကြားလိုက်တာပါ။ အီဂျစ်လက်ရွေးစင်က လက်ရှိရာသီတွင် လီဗာပူးအတွက် ပြိုင်စုံ ကစားပွဲ ၃၈ ပွဲကစားပြီး ဂိုး ၃၀ သွင်းထားကာ ဂိုးဖန်တီးမှု ၂၁ ကြိမ် ပြုလုပ်ထားပါတယ်။ လီဗာပူးတွင် သူ့ရဲ့ ၈ နှစ်မြောက် ကစားသမားဘဝသို့ ရောက်ရှိနေပြီဖြစ်တဲ့ ဆာလက်က အာဆင်နယ်ဂန္တဝင်နည်းပြ အာစင်ဝင်းဂါးမှ ပေးခဲ့တဲ့ အကြံပေးချက်များကို မျှဝေလိုက်ပါတယ်။

TNT Sports နှင့် အင်တာဗျူးတွင် ကြီးကျယ်ခမ်းနားတဲ့ ကစားသမားတွေက ၎င်းတို့ရဲ့ ပွဲအနိုင်ရရှိမှု စွမ်းရည်ဖြင့် ခွဲခြားနိုင်သလားလို့ မေးခံရတဲ့အခါ ဆာလက်က "ကျွန်တော်ကတော့ အဲ့ဒီလိုထင်ပါတယ်" လို့ ပြန်လည်ဖြေကြားခဲ့ပါတယ်။ "ကျွန်တော်က အာစင်ဝင်းဂါး ဆီက အကြံပေးချက်ကို ရခဲ့တယ်လို့ ထင်ပါတယ်။ ကျွန်တော်က သူ့ကို အဲဒီမေးခွန်းကိုပဲ မေးခဲ့ပါတယ် ဘာလို့လဲဆိုတော့ သူ့မှာ ကြီးကျယ်ခမ်းနားတဲ့ ကစားသမားတွေ ရှိခဲ့လို့ပါ"

"သူက ကျွန်တော့်ကို ကြီးကျယ်ခမ်းနားတဲ့ ကစားသမားတွေက သူတို့ဘယ်လိုကစားကစား ဘာမှမဖြစ်ဘူး။ သူတို့က အမြဲတမ်း အာရုံစိုက်နေပြီး အခွင့်အရေးကို စောင့်နေတယ်။ သူတို့က အမြဲတမ်း ပွဲထဲမှာ ရှိနေတယ်လို့ ပြောခဲ့ပါတယ်" "ကျွန်တော်က ဒါကို နှစ်အနည်းငယ်ကြာပြီးနောက် ထည့်သွင်းစဉ်းစားခဲ့ပါတယ်။ ကစားသမားတွေရဲ့ စိတ်ခံစားမှုတွေက တက်လိုက်ကျလိုက်ဖြစ်တယ် ဒါပေမယ့် ကျွန်တော့်ရဲ့ စိတ်ခံစားမှုတွေကို ဒီလိုမျိုး မဖြစ်ချင်ပါဘူး" "ကျွန်တော်က တည်ငြိမ်အောင် ကြိုးစားပြီး ပွဲတိုင်းမှာ အကောင်းဆုံးပွဲကို ကစားနိုင်မှာ မဟုတ်ဘူးဆိုတာ နားလည်ထားပါတယ်။ မင်းက အာရုံစိုက်နေမယ်ဆိုရင် မင်းမှာ အခွင့်အရေးတစ်ခု ရနိုင်ပါတယ်" လို့ ဆာလက်က ပြောပါတယ်

ဆာလက်ဟာ တနင်္ဂနွေနေ့က မန်စီးတီးကို ၂-၀ ဂိုးဖြင့် အနိုင်ရခဲ့တဲ့ပွဲတွင် ပရီးမီးယားလိဂ်ရာသီရဲ့ အကြိမ် ၄၀ နှင့် ၄၁ ကြိမ်မြောက် ဂိုးပါဝင်ပတ်သက်မှုကို လုပ်ဆောင်နိုင်ခဲ့ပါတယ်။အသက် ၃၂ နှစ်အရွယ် ဆာလက်က ပရီးမီးယားလိဂ် သမိုင်းတွင် တစ်ရာသီထက်တစ်ရာသီမှာ ပိုများတဲ့ ကစားပွဲများတွင် ဂိုး ၄၀ သို့မဟုတ် ထို့ထက်ပိုပြီး တိုက်ရိုက်ပါဝင်ခဲ့တဲ့ တစ်ဦးတည်းသော ကစားသမားဖြစ်ပါတယ်။

"ဒါက ကျွန်တော့်ရဲ့ အကောင်းဆုံးရာသီလို့ထင်ပါတယ်" လို့ လီဗာပူးကစားသမားဟောင်း မက်နားမန်း နှင့် အင်တာဗျူးတွင် ဆာလက်က ထပ်လောင်းပြောကြားခဲ့ပါတယ်။ "ဒါက ကျွန်တော့်ရဲ့ အကောင်းဆုံးရာသီလို့ ကျွန်တော်ထင်တယ် ဘာလို့လဲဆိုတော့ ကျွန်တော်က ကျွန်တော့်ပတ်ဝန်းကျင်က ကစားသမားတွေကို ပိုကောင်းအောင် လုပ်ပေးနိုင်တယ် ဒါက ကျွန်တော် ခံစားရတဲ့အရာပါ"

"သူတို့ရဲ့ ကစားပုံတွေကို ကျွန်တော်သိတယ်။ ကစားသမားတွေရဲ့ ကိန်းဂဏန်းတွေကို ကြည့်မယ်ဆိုရင် အခြားရာသီတွေထက် ပိုမြင့်နေပါမယ်" "ပြီးတော့ ကျွန်တော့်ရဲ့ ဂိုးဖန်တီးမှုတွေက ပိုများနေတယ် ဒါကြောင့် ကျွန်တော်က သူတို့ကို တကယ်ကူညီပေးတယ်လို့ ဆိုလိုတာပါ။ ဂတ်ပို၊ ဒီးယက်ဇ်နဲ့ အခြားကစားသမားတွေကလည်း သူတို့ရဲ့ ရာသီက အကောင်းဆုံးပါပဲ"

"ဒါကြောင့် ဒါက ကျွန်တော့်ရဲ့ အကောင်းဆုံးရာသီလို့ထင်ပါတယ် ဘာလို့လဲဆိုတော့ ကျွန်တော်က ကျွန်တော့်ပတ်ဝန်းကျင်က ကစားသမားတွေကို ပိုကောင်းအောင် လုပ်ပေးနိုင်လို့ပါ" လို့ ဆာလက်က ပြောပါတယ်။ လီဗာပူးဟာ လက်ရှိချန်ပီယံ မန်စီးတီးကို အနိုင်ရပြီးနောက် ပရီးမီးယားလိဂ်ထိပ်တန်းတွင် ဒုတိယနေရာရှိ အာဆင်နယ်ကို ၁၁ မှတ် ဖြတ်ကာ ဦးဆောင်နေပါတယ်။

၂၀၁၉-၂၀ ရာသီရဲ့ နောက်ဆုံးနေ့တွင် ဒုတိယနေရာနှင့် ၁၈ မှတ်ကွာခြားခဲ့ပြီးနောက် လီဗာပူးရဲ့ ဒုတိယနေရာနှင့် အကြီးမားဆုံး ကွာခြားမှုဖြစ်ပါတယ်။ စလော့ရဲ့ အသင်းဟာ ချန်ပီယံလိဂ်တွင် ၁၆ သင်းအဆင့်သို့ ရောက်ရှိခဲ့ပြီး ပီအက်စ်ဂျီနှင့် ရင်ဆိုင်ရမှာဖြစ်ကာ ကာရာဘောင်ဖလားဖိုင်နယ်တွင် နယူးကာဆယ်နှင့် ကစားရမှာဖြစ်ပါတယ်။ ဆာလက်က ဒီရာသီကို ဆုဖလား ၃ လုံးဖြင့် အဆုံးသတ်နိုင်နေပြီး ၂၀၂၅ ခုနှစ်အတွက် ဘော်လွန်းဒီအောဆုကို ရရှိရန် ထိပ်ဆုံးမှ ပါဝင်နေသူလည်း ဖြစ်ပါတယ်။

ဘောလုံးလောကရဲ့ အမြင့်ဆုံးတစ်ဦးချင်းဆုကို ပထမဆုံးအကြိမ် ရရှိရန် ဖြစ်နိုင်ခြေနဲ့ပတ်သက်ပြီး‌ မေးမြန်းတဲ့အခါ ဆာလက်က "ပရီးမီးယားလိဂ် နဲ့ ချန်ပီယံလိဂ်ကို ရရှိအောင် ကြိုးစားကြရအောင် ပြီးရင် ကျွန်တော်တို့ ဆက်ကြည့်ရအောင်ပါ" လို့ ပြောကြားခဲ့ပါတယ်။