ချဲလ်ဆီးအသင်းစတားဟောင်း ဂျိုကိုးလ်က အာဆင်နယ် နဲ့ ရီးရဲလ်အသင်းတို့ရဲ့ကွာတားဖိုင်နယ်ပွဲစဉ် ၁ ပွဲကို ခန့်မှန်းလိုက်ပါတယ်။ အာဆင်နယ်ဟာ ပီအက်စ်ဗွီကို ၂ ကျော့ပေါင်းရလဒ် ၉-၃ နဲ့ ကျော်ဖြတ်နိုင်ခဲ့ပြီးနောက် ကွာတားဖိုင်နယ်မှာ ရီးရဲလ်အသင်းနဲ့တွေ့ဆုံနေပါတယ်။
အခြားတစ်ဖက်မှာတော့ ရီးရဲလ်အသင်းက မြို့ခံပြိုင်ဘက် တီကိုအသင်းကို ပင်နယ်တီအဆုံးအဖြတ်နဲ့ကျော်ဖြတ်ကာ ကွာတားဖိုင်နယ်ကို တက်ရောက်နိုင်ခဲ့ပါတယ်။

အာဆင်နယ်ဟာ သူတို့အသင်းသမိုင်းတစ်လျှောက်ချန်ပီယံလိဂ်လုံးဝမရဖူးသေးပဲ ရီးရဲလ်အသင်းက ဆုဖလား ၁၅ လုံးအထိ ရယူထားနိုင်ခဲ့ပါတယ်။ ရီးရဲလ်အသင်းအနေနဲ့ အခုရာသီမှာ ချန်ပီယံလိဂ်သရဖူကို ကာကွယ်ရမှာဖြစ်ပြီး ပြီးခဲ့တဲ့ရာသီတုန်းက ဒေါ့မွန်ကိုအနိုင်ယူပြီး ချန်ပီယံလိဂ်ဆုဖလားကို ရယူထားနိုင်ခဲ့ပါတယ်။ လာလီဂါကလပ်က ဆီမီးဖိုင်နယ်ကို တက်ရောက်နိုင်ဖို့ သေချာသလောက်ရှိနေပေမယ့် ကိုးလ်က အာဆင်နယ်ဟာ ရီးရဲလ်ကို ဒုက္ခပေးနိုင်လိမ့်မယ်လို့ ယုံကြည်နေပါတယ်။

“ဒီအသင်း နဲ့ (အာဆင်နယ်)က ၂ ကျော့စလုံးမှာ ဘယ်သူမဆို အနိုင်ယူနိုင်ပါတယ်။ အာဆင်နယ်က လက်ရှိအချိန်မှာ တိုက်စစ်မှူးစစ်မရှိပါဘူး။ ဒါပေမယ့် သူတို့ တစ်ချို့အခြေအနေတွေမှာ လုပ်ပြထားနိုင်ပါတယ်။ တစ်ချို့အချိန်တွေမှာ တစ်စုံတစ်ခုလုပ်ပြနိုင်ပါလိမ့်မယ်။ မှန်ကန်တဲ့လူစာရင်းနဲ့ဆိုရင် သူတို့မှာလည်း အခွင့်အရေးရှိလာနိုင်ပါတယ်”လို့ ကိုးလ်က ပြောကြားခဲ့ပါတယ်။ အာဆင်နယ်စတားဟောင်း မာတင်ကီယွန်ကလည်း ပီအက်စ်ဗွီကို ၂ ကျော့ပေါင်းရလဒ် ၉-၃ နဲ့အနိုင်ယူနိုင်ခဲ့လို့ အံ့အားသင့်နေပါတယ်။

“သူတို့ ၂ ကျော့ပေါင်းရလဒ် ၉-၃ နဲ့ ကွာတားကို တက်ရောက်လာနိုင်ခဲ့ပါတယ်။ အဲ့တာက ဥရောပမှာ သူတို့လုပ်ပြနိုင်တယ်ဆိုတာ ပြသနေပါတယ်။ အာဆင်နယ်ကို လေးစားရပါမယ်။ ကစားသမားတွေ တစ်ယောက်ချင်းပြန်လာနေပါပြီ။ ဆာကာက တော်တော်လေးနီးစပ်နေသလို မာတီနယ်လီလည်း ပြန်လာပါပြီ။ အခြေအနေတွေက ပြောင်းလဲလာပါပြီ။ ကစားသမားတွေက ရီးရဲလ်နဲ့ပွဲအတွက် အဆင်သင့်ဖြစ်နေမှာပါ”လို့ မာတင်က ပြောကြားခဲ့ပါတယ်။
အာဆင်နယ်က အဖွင့်ဂိုးကို ဇင်ချန်ကိုက သွင်းယူပေးခဲ့ပြီး ဒုတိယမြောက်ဂိုးကို ဒီကလန်ရိုက်စ်က သွင်းယူပေးခဲ့ပါတယ်။ မာတင်ကီယွန်ကတော့ ပီအက်စ်ဗွီနဲ့ပွဲက စတာလင် နဲ့ ဇင်ချန်ကိုတို့ ခြေစွမ်းကို ချီးကျူးပြောကြားခဲ့ပါတယ်။