သရေတစ်မှတ်စီ ခွဲဝေယူခဲ့တဲ့ စတမ်းဖို့ဒ်ဘရစ်ချ်တိုက်ပွဲ
ချဲလ်ဆီး ၁-၁ အာဆင်နယ် (ပွဲပြီးရလဒ်)
လန်ဒန်မြို့ခံပရီးမီးယားလိဂ်ထိပ်သီးကလပ်အသင်းနှစ်ခုရဲ့ထိပ်တိုက်ရင်ဆိုင်မှုမှာ အကြိတ်အနယ်ယှဉ်ပြိုင်ကစားမှုနဲ့အတူ စည်းကမ်းပိုင်းဆိုင်ရာအရေးယူမှုများစွာကို မြင်တွေ့ခဲ့ရပါတယ်။ အခုပွဲစဉ်ရဲ့ပထမပိုင်းပွဲချိန်အတွင်း ကွင်းလယ်လူကိုင်စီဒို တိုက်ရိုက်အနီကတ်ပြထုတ်ပယ်ခံရလို့ အိမ်ရှင်တို့ ကစားသမားတစ်ဦးလျော့နဲ့ လက်ကျန်ပွဲကစားချိန်တွေကို ကျော်ဖြတ်သွားခဲ့ပါတယ်။ ဒုတိယပိုင်းစတင်လာချိန်မှာပဲ ချဲလ်ဆီးအတွက် ဦးဆောင်ဂိုးကို ချာလိုဘာက ခေါင်းတိုက်သွင်းယူခဲ့သလို သိပ်မကြာခင်မှာပဲ မီရီနိုက အာဆင်နယ်အတွက် ချေပဂိုးကို ခေါင်းတိုက်သွင်းယူခဲ့ပါတယ်။ အခုပွဲစဉ်ရလဒ်ပိုင်းကြောင့် ဂန်းနားတွေက အနီးဆုံးပြိုင်ဘက်ဖြစ်လာတဲ့ မန်စီးတီးကို ငါးမှတ်ဖြတ်ကာ ပရီးမီးယားလိဂ်အမှတ်ပေးဇယားထိပ်ဆုံးနေရာမှာ ဆက်လက်ရပ်တည်နေပါတယ်။
