ပဲလေ့စ်ကို နောက်ကလိုက်ကစားပြီး နိုင်ပွဲပြန်လည်ရရှိခဲ့တဲ့ ယူနိုက်တက်
ပဲလေ့စ် ၁-၂ ယူနိုက်တက် (ပွဲပြီးရလဒ်)
မာတီတာ ၃၆' (P)
ဇက်ခ်ဇီ ၅၄'
မေဆင်မောင့် ၆၃'
ပထမပိုင်းမှာ ဘောလုံးပိုင်ဆိုင်မှုအသာရခဲ့ပေမယ့် ပဲလေ့စ်ကို ဦးဆောင်ဂိုးခွင့်ပြုခဲ့ရတဲ့ယူနိုက်တက်ဟာ ဒုတိယပိုင်းမှာတော့ ရလာတဲ့အခွင့်အရေးတွေကိုအကောင်းဆုံးအသုံးချပြီး အနိုင်ရလဒ်ကို ပြန်လည်ဖော်ဆောင်နိုင်ခဲ့တာဖြစ်ပါတယ်။ ယူနိုက်တက်အနေနဲ့အခွင့်အရေးတွေကို အသုံးချနိုင်ခဲ့မယ်ဆိုရင် အခုထက်ပိုပြီး ဂိုးပြတ်နိုင်ချေရှိပေမယ့် တိုက်စစ်ပိုင်းဖြုန်းတီးမှုတွေကြောင့် ၂ ဂိုးနဲ့သာကျေနပ်ခဲ့ရပါတယ်။ ပဲလေ့စ်ကတော့ ဒုတိယပိုင်းမှာ အပိုင်အခွင့်အရေးတွေထပ်မံမရခဲ့လို့ ချေပဂိုးပြန်လည်သွင်းယူနိုင်ခဲ့ခြင်းမရှိဘဲ အိမ်ကွင်းမှာရှုံးပွဲကြုံတွေ့ခဲ့ရတာဖြစ်ပါတယ်။ နိုင်ပွဲပြန်ရခဲ့တဲ့ယူနိုက်တက်ဟာ ယခုအခါမှာ အမှတ်ပေးဇယားရဲ့ အဆင့် ၆ နေရာသို့ ခေတ္တတက်လှမ်းလာနိုင်ခဲ့ပါတယ်။
