အာဆင်နယ်ကို အရေးနိမ့်ပြီးနောက် ဘိုင်ယန်မြူးနစ်အသင်းဖော်တွေကို အထိတ်တလန့်မဖြစ်ဖို့ တောင်းဆိုလိုက်တဲ့ ဟယ်ရီကိန်း
ဘိုင်ယန်မြူးနစ်တိုက်စစ်မှူး ဟယ်ရီကိန်းက အာဆင်နယ်ကို ချန်ပီယံလိဂ်ပွဲစဉ် ရှုံးနိမ့်ခဲ့ပြီးနောက် အသင်းဖော်တွေကို တည်တည်ငြိမ်ငြိမ်ရှိဖို့ တောင်းဆိုခဲ့ပါတယ်။ အာဆင်နယ်ဟာ ဗုဒ္ဓဟူးနေ့ညက အမ်းမရိတ်ကွင်းမှာ ဘိုင်ယန်မြူးနစ်ကို ၃-၁ နဲ့ အနိုင်ရရှိခဲ့ပြီး ချန်ပီယံလိဂ်မှာ ခိုင်မာတဲ့ခြေစွမ်းပြသခဲ့ပါတယ်။
အာဆင်နယ်အသင်းဟာ သမိုင်းတစ်လျှောက် ပထမဆုံးချန်ပီယံလိဂ်ဖလားကို ရယူဖို့ ရည်ရွယ်ချက်ကို ဥရောပပြိုင်ဘက်တွေကို ရှင်းရှင်းလင်းလင်း ပြသခဲ့ပါတယ်။ ဒီပွဲဟာ ဘိုင်ယန်မြူးနစ်ရဲ့ ဒီနှစ်ရာသီ ပထမဆုံးရှုံးပွဲဖြစ် ကိန်းက အသင်းအနေနဲ့ အာဆင်နယ်နဲ့ ထပ်မံတွေ့ဆုံဖို့ မျှော်လင့်ကြောင်း ပြောကြားခဲ့ပြီး ဆိုးရွားတဲ့ရလဒ်အတွက် စိတ်လှုပ်ရှားမနေဖို့ တောင်းဆိုခဲ့ပါတယ်။
ဟယ်ရီကိန်းက"ခက်ခဲတဲ့ပွဲတစ်ပွဲဖြစ်ခဲ့ပါတယ်။ ကျွန်တော်တို့ မျှော်လင့်ထားတဲ့အတိုင်းပါပဲ။ ပထမပိုင်းက အတော်လေးကောင်းမွန်တဲ့ တိုက်ပွဲဖြစ်ခဲ့ပြီး နှစ်ဖက်စလုံး ခြေညီခဲ့ပါတယ်။ ဒုတိယပိုင်းမှာတော့ အဲဒီလောက် စွမ်းအင်နဲ့ ပြင်းထန်မှုမျိုးမရှိတော့ဘဲ ထိပ်တိုက်တွေ့ဆုံမှုတွေ အများကြီးရှုံးခဲ့ပါတယ်။ ဒါဟာ ဒီရာသီရဲ့ ကျွန်တော်တို့ရဲ့ ပထမဆုံးရှုံးပွဲပါ။ ဒီအတွက် အရမ်းကြီး အထိတ်တလန့်ဖြစ်နေဖို့ မလိုပါဘူး။ ဒါပေမဲ့ ကျွန်တော်တို့ သေချာပေါက် သင်ယူသွားရမှာပါ။
သူတို့ ကွင်းတစ်လျှောက်လုံးမှာ လူတစ်ယောက်ချင်းစီကို ကာကွယ်ခဲ့ကြပါတယ်။ကျွန်တော်ပြောခဲ့သလိုပဲ အထိတ်တလန့်ဖြစ်ရမယ့် အချိန်မဟုတ်ပါဘူးလို့ ထင်ပါတယ်။ ကျွန်တော်တို့ ချဲလ်ဆီး၊ ပီအက်စ်ဂျီနဲ့ အာဆင်နယ်အဝေးကွင်းမှာ ကစားခဲ့ပြီးပါပြီ။ ကျွန်တော်တို့ ပွဲအများစုကို အနိုင်ရခဲ့ပါတယ်"လို့ ပြောခဲ့ပါတယ်။
