အင်္ဂလန်အသင်းနည်းပြ တူချယ်ကတော့ ပထမဆုံးအင်္ဂလန်အသင်းလူစာရင်းကို ရွေးချယ်လိုက်ပြီး ဒန်ဘန်း ၊ ရက်ရှ်ဖို့ဒ်တို့ ပြန်လည်ပါဝင်လာခဲ့ကာ မက်ဂွါရီ နဲ့ ဂရီးလစ်ချ်တို့ လွဲချော်ခဲ့ပါတယ်။ ချဲလ်ဆီး နဲ့ ပီအက်စ်ဂျီနည်းပြတူချယ်က ဇန်နဝါရီ ၁ ရက်နေ့မှာ အင်္ဂလန်အသင်းကို တရားဝင်ကိုင်တွယ်ခဲ့တာဖြစ်ပါတယ်။

တူချယ်အနေနဲ့ လာမယ့် အယ်လ်ဘေးနီးယား နဲ့ လက်ဗီးယားပွဲတွေမှာ စတင်ကိုင်တွယ်ရမှာဖြစ်ပြီး ၁၈ လစာချုပ်ချုပ်ဆိုထားခဲ့ပါတယ်။ အင်္ဂလန်အသင်းလူစာရင်းကို ကနဦး ၄၄ ဦးရွေးချယ်ခဲ့ပြီး အဲ့ထဲမှာ နယူးကာဆယ်နောက်ခံလူ ဒန်ဘန်းလည်း ပါဝင်ခဲ့တာဖြစ်ပါတယ်။
ဒါ့အပြင် ဗီလာအသင်းမှာ စွမ်းဆောင်ရည်ကောင်းတွေပြန်လည်ပြသနိုင်ခဲ့တဲ့ ရက်ရှ်ဖို့ဒ်လည်း ပါဝင်လာခဲ့ပါတယ်။  အခြားတစ်ဖက်မှာတော့ မန်စီးတီးကနေ အေစီမီလန်ထံ အငှားထွက်ကစားခဲ့တဲ့ ကိုင်လီဝေါ်လ်ကာလည်း ပါဝင်လာခဲ့သလို ဟန်ဒါဆန် ၊ ထရက်ဖို့ဒ် ၊ ရိစ်ဂျိမ်းစ် ၊ ဆိုလန်ကီတို့လည်း ပါဝင်လာခဲ့ပါတယ်။

မက်ဂွါရီ ၊ ဂရီးလစ်ချ် ၊ အာနိုးလ် ၊ လုခ်ရှော ၊ ဆာကာ ၊ ဂျွန်စတုန်း ၊ မာဒူကီ ၊ ဝက်တ်ကင်း ၊ ဟော နဲ့ ကိုဘီမီနူးတို့ကတော့ လွဲချော်ခဲ့ပါတယ်။ ဒါ့အပြင် နော်တင်ဟမ်နဲ့အတူ ခြေစွမ်းပြနေတဲ့ မော်ဂန် ၊ အိုဒွိုင်းလ် ၊ မက်ဒီဆင် ၊ တိုနေးတို့လည်း လွဲချော်ခဲ့ပါတယ်။ တူချယ်ရဲ့အင်္ဂလန်အသင်းဟာ မတ်လ ၂၁ ရက်နေ့မှာ အယ်လ်ဘေးနီးယားနဲ့ကန်ရမှာဖြစ်ပြီး အဲ့နောက် ၃ ရက်အကြာမှာ လက်ဗီးယားနဲ့ရင်ဆိုင်ရမှာဖြစ်ပါတယ်။