ရီးရဲလ်အသင်းကို ပင်နယ်တီနဲ့အရေးနိမ့်ခဲ့တဲ့ချန်ပီယံလိဂ် ၁၆ သင်းအဆင့်ပွဲစဉ်အတွင်းဖြစ်ပျက်ခဲ့တဲ့ အငြင်းပွားဖွယ် ပင်နယ်တီနဲ့ပတ်သက်ပြီး တီကိုတိုက်စစ်မှူး အယ်လ်ဗာရက်ဇ်က တုံ့ပြန်လာပါတယ်။ ပင်နယ်တီအဆုံးအဖြတ်ခံယူရာမှာ တီကိုတိုက်စစ်မှူး အယ်လ်ဗာရက်ဇ်ရဲ့ပင်နယ်တီကန်သွင်းမှုက ၂ ချက်ထိခဲ့တယ်ဆိုပြီး ပယ်ဖျက်ခံခဲ့ရတာဖြစ်ပါတယ်။

တီကိုအသင်းက အဆိုပါဖြစ်ရပ်နဲ့ပတ်သက်ပြီး ဒေါသထွက်ခဲ့သလို ကွင်းတွေကြောင့်အပြင် စည်းမျဥ်းတွေလည်း ပြောင်းလဲဖို့ လိုအပ်နေတာဖြစ်ပါတယ်။ အယ်လ်ဗာရက်ဇ်က အင်တာဗျူးမှာ သူ့အနေနဲ့ ဘယ်ဘက်ခြေထောက်က ဘောလုံးကိုထိခဲ့သလိုမခံစားရဘူးလို့ ပြောကြားခဲ့သလို ယူအီးအက်ဖ်အေ နဲ့ ဖီဖာဘက်က စည်းမျည်းကိုပြောင်းလဲသင့်တယ်လို့ ဆိုပါတယ်။

“ကျွန်တော် အဲ့ပင်နယ်တီကို အကြိမ်ရေတော်တော်များများ ကြည့်ဖြစ်ခဲ့ပါတယ်။ နေရာတိုင်းမှာလည်း ဗီဒီယိုတွေရှိနေပါတယ်။ အမှန်တရားက ကျွန်တော်ထိခဲ့သလို မခံစားရပါဘူး။ ဘာလို့လဲဆိုတော့ တကယ်လို့ ၂ ချက်ထိခဲ့တယ်ဆိုရင်တောင် ထိချက်က အနည်းငယ်လောက်ပါပဲ။  အဲ့တာက သက်သေပြဖို့ အရမ်းခက်ခဲပါတယ်။ စည်းမျည်းတွေက အနည်းငယ်ရှင်းလင်းပါတယ်။ ဘာလို့လဲဆိုတော့ ကျွန်တော် ဘာအကျိုးအမြတ်မှယူဖို့ မကြိုးစားချင်ပါဘူး။ တကယ်လို့ ဂိုးသမားက စည်းကျော်ပြီး ကာကွယ်မှုပြုလုပ်ခဲ့တယ်ဆိုရင် ပင်နယ်တီပြန်ကန်ရမှာပါ။

ဒါကြောင့် ဘာအကျိုးအမြတ်မှမယူနိုင်ခဲ့ပါဘူး။ ဘာဖြစ်လဲဆိုတာပြောဖို့က အဲ့တာက ရှက်စရာပါ”လို့ အယ်လ်ဗာရက်ဇ်က ပြောကြားခဲ့ပါတယ်။ တီကိုအနေနဲ့ မြို့ခံပြိုင်ဘက်ကို နောက်တစ်ကြိမ်အရေးနိမ့်ခဲ့တာကြောင့် ပြောစရာတော့ဖြစ်ခဲ့တာဖြစ်ပါတယ်။ ချန်ပီယံလိဂ်ကနေထွက်ခွာခဲ့ရပြီဖြစ်တာကြောင့် တီကိုအနေနဲ့ လာလီဂါ နဲ့ ကိုပါဒယ်ရေးဖလားတွေကိုသာ အာရုံစိုက်ရတော့မှာဖြစ်ပါတယ်။