မန်ချက်စတာစီးတီးအသင်းဟာ ပပ်ဂွာဒီယိုလာရဲ့နေရာမှာ အစားထိုးဖို့အတွက် အန်ဇိုမာရက်စကာနဲ့ ဗင်းဆင့်ကွန်ပနီတို့ကို ဖြစ်နိုင်ခြေရှိတဲ့ နည်းပြလောင်းတွေအဖြစ် သတ်မှတ်ထားပါတယ်။

ဂွာဒီယိုလာကတော့ ၂၀၂၅ ခုနှစ်မှာ သူချုပ်ဆိုခဲ့တဲ့ နှစ်နှစ်သက်တမ်းစာချုပ်အတိုင်း ဆက်နေမလားဆိုတဲ့ ဆုံးဖြတ်ချက်နဲ့ပတ်သက်ပြီး အခုထိတော့ ဘာမှထုတ်မပြောသေးဘဲ လျှို့ဝှက်ထားဆဲဖြစ်ပါတယ်။

ဒါပေမဲ့ iPaper ရဲ့ ဖော်ပြချက်အရ မန်စီးတီးအသင်းဟာ ဇန်နဝါရီလတုန်းက ချယ်လ်ဆီးအသင်းကနေ ထုတ်ပယ်ခံလိုက်ရတဲ့ အန်ဇိုမာရက်စကာကို အစားထိုးဖို့အတွက် စတင်ဆက်သွယ်စုံစမ်းမှုတွေ လုပ်နေတယ်လို့ သိရပါတယ်။

၂၀၂၃ ခုနှစ်မှာ လက်စတာစီးတီးကို ပြောင်းရွှေ့ဖို့ အီတီဟတ်ကနေ ထွက်ခွာသွားခဲ့တဲ့ ဂွာဒီယိုလာရဲ့ လက်ထောက်ဟောင်းဟာ တကယ်လို့ ဂွာဒီယိုလာက ဒီနွေရာသီမှာ မန်ချက်စတာမှာ ဆယ်စုနှစ်တစ်ခုကြာ တာဝန်ယူခဲ့မှုကို အဆုံးသတ်ဖို့ ဆုံးဖြတ်ခဲ့ရင် ရေတိုဖြေရှင်းချက်တစ်ခုအနေနဲ့ မြင်တွေ့ရမှာဖြစ်ပါတယ်။

မာရက်စကာကို ခန့်အပ်နိုင်ခြေအပြင် နောက်ထပ်နှစ်အနည်းငယ်အတွင်းမှာ ဗင်းဆင့်ကွန်ပနီ မန်စီးတီးနည်းပြ ဖြစ်လာမှာကတော့ "မလွဲမသွေပဲ" လို့ ကလပ်အသင်းနဲ့ နီးစပ်တဲ့ သတင်းရင်းမြစ်တွေက ဆိုပါတယ်။

ကွန်ပနီဟာ စီးတီးတီးဇင်းတွေအတွက် အားကိုးရတဲ့ ဗဟိုနောက်ခံလူတစ်ဦးအဖြစ် ဂန္ထဝင်အဆင့်အတန်းကို ရရှိထားသူဖြစ်ပြီး ဘန်လေမှာ တစ်နှစ်ကြာ တာဝန်ယူပြီးနောက်ပိုင်း ဘိုင်ယန်မြူးနစ်မှာ ကမ္ဘာ့အကောင်းဆုံးနည်းပြတွေထဲက တစ်ယောက် ဖြစ်လာခဲ့ပါတယ်။

ဘိုင်ယန်မြူးနစ်ဟာ ချန်ပီယံလိဂ် ဆီမီးဖိုင်နယ်မှာ ပီအက်စ်ဂျီကို နှစ်ကျော့ပေါင်းရလဒ် ၆-၅ နဲ့ ကပ်ပြီး ရှုံးနိမ့်ခဲ့ပေမဲ့ ဘယ်လ်ဂျီယံလူမျိုးနည်းပြရဲ့ ဂုဏ်သတင်းကတော့ ဆက်လက်မြင့်တက်နေဆဲဖြစ်ပြီး နောက်ဆုံးမှာ မန်စီးတီးဆီ ပြန်လာနိုင်တာဟာ အကောင်းဆုံး ပုံပြင်တစ်ပုဒ်လို ဖြစ်လာမှာပါ။