သတင်းတွေအရ ယူနိုက်တက်နည်းပြ အာမိုရင်တစ်ယောက် တပည့်ဟောင်းဖြစ်သူ ထရင်ကာအိုကို ပစ်မှတ်ထားနေတယ်လို့ သိရပါတယ်။ လာမယ့်နွေရာသီမှာ ယူနိုက်တက်ဟာ အသင်းကိုအပြောင်းအလဲလုပ်ဖို့ ပြင်ဆင်နေပြီး ရက်ရှ်ဖို့ဒ် နဲ့ ဆန်ချိုတို့ကို အသုံးပြုဖွယ်မရှိတော့တာဖြစ်ပါတယ်။ အဆိုပါအခြေအနေရ အာမိုရင်တစ်ယောက် တပည့်ဟောင်းဖြစ်သူ ထရင်ကာအိုကို ခေါ်ယူဖို့ မျက်စိကျနေပါတယ်။ 

သတင်းတွေအရ စပို့တင်းစတားကို နယူးကာဆယ် နဲ့ အာဆင်နယ်တို့အပြင် ဘာစီလိုနာကလည်း စိတ်ဝင်စားနေတယ်လို့ သိရပါတယ်။ ဘာစီလိုနာအနေနဲ့ စာချုပ်ထဲမှာ ထရင်ကာအိုကို ပေါင်သန်း ၂၀ အထက်နဲ့ပြန်လည်ခေါ်ယူခွင့်ထည့်သွင်းချုပ်ဆိုထားတာဖြစ်ပါတယ်။ အဆိုပါအခြေအနေကြောင့် အသင်းဟောင်း ဘာစီလိုနာက အားသာနေပေမယ့် အာမိုရင်ကတော့ သူနဲ့ကစားသမားကြားက ဆက်ဆံရေးအခြေအနေကို အသုံးချဖို့ ပြင်ဆင်နေပါတယ်။

ထရင်ကာအိုဟာ ဘယ်ခြေအားသန်ကစားသမားဖြစ်ပေမယ့် တောင်ပံ ၂ ဖက်မှာကော အလယ်မှာပါ ကစားနိုင်တာဖြစ်ပါတယ်။ ယူနိုက်တက်ဟာ လာမယ့်ဧပြီလ ၁ ရက်နေ့မှာ ပရီးမီးယားလိဂ်ပွဲစဉ်အဖြစ် နော်တင်ဟမ်ဖောရက်စ်နဲ့ရင်ဆိုင်ရမှာဖြစ်ပါတယ်။