အင်္ဂလန်နည်းပြဟောင်း ကာပယ်လိုက ကမ္ဘာ့အကောင်းဆုံးနည်းပြနာမည်ကို ထုတ်ဖော်ပြောကြားလိုက်ပါတယ်။တော်တော်များများကတော့ ဂွါဒီယိုလာဟာ လက်ရှိကမ္ဘာ့အကောင်းဆုံးနည်းပြအဖြစ် သတ်မှတ်နေကြပေမယ့် ကာပယ်လိုက စီးတီးနည်းပြအထက်မှာ နောက်တစ်ယောက်ရှိနေတယ်လို့ ယုံကြည်နေပါတယ်။

အင်တာဗျူးတစ်ခုမှာ ကာပယ်လိုက “ကားလို့စ် ၊ အန်ဆယ်လော့တီက ကမ္ဘာ့အကောင်းဆုံးနည်းပြပါ။ သူက ဘယ်နေရာမှာနည်းပြလုပ်လုပ် အောင်မြင်မှုရယူနိုင်ပါတယ်။ ကျွန်တော် သူ့ကို ကြိုက်ပါတယ်။ ဘာလို့လဲဆိုတော့ သူက မတူညီတဲ့ကစားသမားတွေအပြင် မတူညီတဲ့နည်းစနစ်တွေနဲ့ ကစားနိုင်ပါတယ်။ သူက တကယ့်ကို ဉာဏ်ကောင်းတဲ့သူပါ။ ဒါ့အကြင် မတူညီတာတွေကိုလည်း လုပ်ပြနိုင်ပါတယ်”လို့ ဖြေကြားခဲ့ပါတယ်။

အန်ဆယ်လော့တီဟာ ဆယ်စုနှစ် ၃ ခုလောက်အထိ နည်းပြလုပ်ခဲ့တာဖြစ်ပြီး အေစီမီလန် ၊ ပီအက်စ်ဂျီ ၊ ဘိုင်ယန် ၊ ရီးရဲလ်စတဲ့အသင်းတွေမှာ နည်းပြလုပ်ခဲ့တာဖြစ်ပါတယ်။ အီတလီသားဟောင်းဟာ အင်္ဂလန် ၊ ပြင်သစ် ၊ အီတလီ ၊ ဂျာမနီ နဲ့ စပိန်မြေတွေမှာ အောင်မြင်မှုတွေရယူထားနိုင်ပါတယ်။ ရီးရဲလ်အသင်းမှာတော့ လာလီဂါ ၂ ကြိမ် နဲ့ ချန်ပီယံလိဂ် ၃ ကြိမ်အပါအဝင် ဆုဖလား ၁၅ လုံးအထိရယူထားနိုင်ခဲ့ပါတယ်။

ရီးရဲလ်ဟာ လက်ရှိရာသီမှာ လာလီဂါ နဲ့ ချန်ပီယံဆုဖလားအောင်မြင်မှုရယူနိုင်ဖို့ ရေပန်းစားနေပြီး လာလီဂါအမှတ်ပေးဇယားထိပ်ဆုံး နဲ့ ချန်ပီယံလိဂ်မှာ ကွာတားဖိုင်နယ်အထိ တက်ရောက်ထားနိုင်ပါတယ်။ ကာပယ်လိုက အန်ဆယ်လော့တီဟာ ကမ္ဘာ့အကောင်းဆုံးနည်းပြဖြစ်သလို လီဗာပူးနည်းပြ စလော့ကိုလည်း အားကျမိတယ်လို့ ထုတ်ဖော်ပြောကြားခဲ့ပါတယ်။

“ကလော့ပ်အပြီးမှာ စလော့က အကောင်းဆုံးစွမ်းဆောင်ပြနေပါတယ်။ ကျွန်တော့်တုန်းကလည်း အေစီမီလန်ကို ဆာချီအပြီးမှာ ရောက်သွားခဲ့ပြီး အသင်းက ပြီးဆုံးသွားပြီလို့ သတ်မှတ်ခဲ့ကြတာပါ။ သူတို့အလုပ်လုပ်ရတာကို မကြိုက်တော့ပါဘူး။ သူတို့ဆုဖလားအောင်မြင်မှုတွေရယူနိုင်ခဲ့ပါတယ်။ နည်းတာ နဲ့ များတာပဲကွာမှာပါ”လို့ ကာပယ်လိုက ပြောကြားခဲ့ပါတယ်။

အန်ဆယ်လော့တီရဲ့ရီးရဲလ်အသင်းဟာ ချန်ပီယံလိဂ်ကွာတားဖိုင်နယ်မှာ အာဆင်နယ်အသင်းနဲ့ရင်ဆိုင်ရမှာဖြစ်ပါတယ်။ အာဆင်နယ်အသင်းခေါင်းဆောင် အိုဒီဂတ်ကတော့ မိမိတို့အနေနဲ့ ကွာတားဖိုင်နယ်ထက်ပိုသွားနိုင်အောင် ကြိုးစားသွားမယ်လို့ ပြောကြားလိုက်ပါတယ်။