အာဆင်နယ်နည်းပြ အာတီတာက သူ့အနေနဲ့ ဂွါဒီယိုလာ နဲ့ အလွန်ဆိုတို့လမ်းစဉ်အတိုင်း ဘာကြောင့်လိုက်ရလဲဆိုတာကို ရှင်းပြလိုက်ပါတယ်။

မန်ဒိုသတင်းဌာနနဲ့အင်တာဗျူးမှာ အာတီတာက နည်းပြဟန် နဲ့ နည်းစနစ်ပိုင်းကို စပိန်သားတွေဖြစ်တဲ့ ဂွါဒီယိုလာ နဲ့ အလွန်ဆိုတို့ လမ်းစဉ်အတိုင်းလိုက်တာနဲ့ပတ်သက်ပြီး ပြောကြားခဲ့ပါတယ်။ အာတီတာက သူ့အနေနဲ့ အခုလိုလုပ်ဆောင်ခဲ့တာဟာ ၂ ဦးစလုံးကို ကောင်းကောင်းသိတာကြောင့်လို့ ပြောကြားလိုက်ပါတယ်။

“ကျွန်တော် သူတို့ကိုနည်းလမ်းများစွာ ပါဝင်ပတ်သက်ထားပါတယ်။ ပထမဆုံးအနေနဲ့ ဘာလို့လဲဆိုတော့ ကျွန်တော်တို့ တူညီတဲ့နေရာမှာကစားခဲ့တာကြောင့်ပါ။ ဒါ့အပြင် ကျွန်တော်သူတို့ ၂ ယောက်စလုံးကို ကောင်းကောင်းသိပါတယ်။

ကျွန်တော် ဇာဗီအလွန်ဆိုနဲ့တွဲကစားဖူးပါတယ်။ ကျွန်တော် ပက်နဲ့လည်း အသက် ၁၅ ကတည်းက သိပြီးသားပါ။ သူနဲ့ ၄ နှစ်လောက် အလုပ်တွဲလုပ်ဖူးပါတယ်။ သူ့ကစားဟန် ၊ သူ့ပွဲအစီအစဉ် ၊ သူ့အမြင် ၊ သူ့လုပ်ဆောင်နည်းအပြင် အရာအားလုံးကို ကျွန်တော်အတုယူပါတယ်။

အခြားသူတွေနဲ့ နှိုင်းယှဉ်ရတာမျိုးကို ကျွန်တော်မကြိုက်ပါဘူး။ သူတို့ ၂ ယောက်စိတ်ကူးနဲ့ဆင်တူပေမယ့် မတူညီပါဘူး။ ကျွန်တော့်မှာက ကျွန်တော့်လမ်းစဉ်အတိုင်းရှိပါတယ်”လို့ အာတီတာက ပြောကြားခဲ့ပါတယ်။ အာတီတာက ၂၀၀၄ နွေရာသီမှာ အလွန်ဆိုနဲ့အတူ ဆိုစီဒက်မှာကစားနိုင်ခဲ့မယ်လို့ ထင်ခဲ့ရပေမယ့် အလွန်ဆိုကို လီဗာပူးထံ အလျင်အမြန်ရောင်းထုတ်ခဲ့ပါတယ်။ 

အဲ့နောက် ၂၀၀၅ အစမှာ အဲဗာတန်ထံ အာတီတာက ပြောင်းရွှေ့ခဲ့ပါတယ်။ အာတီတာ နဲ့ ဂွါဒီယိုလာတို့ကြား ဆက်ဆံရေးက ၁၉၉၇ ခုနှစ် လာမာစီယာအကယ်ဒမီကို အာတီတာကပြောင်းလာချိန်မှာ ပိုရင်းနှီးလာခဲ့တာဖြစ်ပါတယ်။

၂ ယောက်သား အဆုံးသတ်မန်စီးတီးမှာ နည်းပြအဖွဲ့ဝင်အဖြစ် ပြန်လည်လက်တွဲခဲ့ပါတယ်။ ပရီးမီးယားလိဂ်နည်းပြတစ်ဦးအနေနဲ့ ၇ ရာသီဝင်လာချိန်မှာ အာတီတာအနေနဲ့  လာမယ့်စက်တင်ဘာ ၂၁ မှာ မန်စီးတီးနဲ့ ပြန်လည်ရင်ဆိုင်ရမှာဖြစ်ပြီး ဧပြီလ ၁၈ ရက်နေ့မှာ မန်စီးတီးကွင်းကို ပြန်လည်သွားရောက်ရမှာဖြစ်ပါတယ်။

အာတီတာအနေနဲ့ ချန်ပီယံလိဂ်မှာ ရီးရဲလ်နဲ့တွေ့ဆုံခဲ့မယ်ဆိုရင် လာမယ့်လတွေမှာလည်း အလွန်ဆိုနဲ့ ပြန်လည်တွေ့ဆုံနိုင်တာဖြစ်ပါတယ်။ မဲခွဲမှုကို လာမယ့်သြဂုတ်လ ၂၈ ရက်နေ့မှာ ပြုလုပ်မှာဖြစ်ပါတယ်။