ဂျိုစလင် တာဘီဟာ ပြီးခဲ့တဲ့ တနင်္ဂနွေနေ့က အောက်စ်ဖို့ဒ် ယူနိုက်တက်ကို အနိုင်ရရှိခဲ့တဲ့ အက်ဖ်အေဖလား ပွဲစဉ်မှာ ဆန်းဒါးလန်းအသင်းအတွက် ပထမဆုံးအကြိမ် ပွဲဦးထွက် ကစားခွင့်ရခဲ့တဲ့အတွက် အလွန်ဝမ်းသာ စိတ်လှုပ်ရှားနေပါတယ်။ ၁ ဂိုး ဂိုးမရှိနဲ့ အနိုင်ရရှိခဲ့တဲ့ အဆိုပါ စတုတ္ထအဆင့် ပွဲစဉ်မှာ တာဘီဟာ ဒုတိယပိုင်းကျမှ လူစားဝင် ကစားသမားအဖြစ် ပါဝင်ခွင့်ရခဲ့တာပါ။

"ခံစားချက်က တကယ်ကို ကောင်းပါတယ်။ ကျွန်တော့်ရဲ့ ပထမဆုံးပွဲစဉ်ကို ကစားခွင့်ရခဲ့လို့ စိတ်လှုပ်ရှားခဲ့ရသလို အသင်းကလည်း နိုင်ပွဲရခဲ့တာကြောင့် ကျွန်တော့်အတွက်ရော အသင်းအတွက်ပါ တကယ်ကို ကောင်းမွန်ခဲ့ပါတယ်" လို့ သူက ဆိုပါတယ်။ "ဂိုးသွင်းခွင့် တစ်ကြိမ်ရခဲ့ပေမဲ့ လွဲချော်သွားခဲ့ပါတယ်။ ဒါပေမဲ့ အဆင်ပြေပါတယ်၊ ဒါတွေက ကျွန်တော် ဆက်ပြီး ကြိုးစားပြင်ဆင်သွားရမယ့် အချက်တွေပါ" လို့လည်း ဆက်ပြောပါတယ်။

ဇန်နဝါရီ အပြောင်းအရွှေ့ကာလမှာ မက္ကာဘီ နက်တန်ယာ အသင်းကနေ ပြောင်းရွှေ့လာခဲ့သူ တာဘီက "ဒီအင်္ကျီကို ကျွန်တော့်ရဲ့ တိုက်ခန်းမှာ သိမ်းထားမှာပါ။ မှန်ဘောင်အလှသွင်းပြီး နံရံမှာ ချိတ်ထားဖို့ အစီအစဉ်ရှိပါတယ်" လို့လည်း ပြုံးပြုံးလေး ပြောကြားခဲ့ပါတယ်။