ဖိုဒန်ရဲ့နောက်ကျသွင်းဂိုးကြောင့် လိဒ်စ်ကို ကပ်ပြီးအနိုင်ရခဲ့တဲ့ မန်စီးတီး
မန်စီးတီး ၃ - ၂ လိဒ်စ်ယူနိုက်တက် (ပွဲပြီးရလဒ်)
မန်စီးတီးအသင်းဟာ ပထမပိုင်းအတွင်း နှစ်ဂိုးအသာနဲ့ အေးအေးဆေးဆေး ဦးဆောင်ထားနိုင်ပေမဲ့ ဒုတိယပိုင်း လိဒ်စ်ရဲ့ ချေပဂိုးနှစ်ဂိုးကြောင့် နိုင်ပွဲရအောင် အသည်းအသန်ကစားခဲ့ရပါတယ်။
မိနစ်၉၀ကျော်မှာ ဖိုဒန်က တကိုယ်တော်စွမ်းဆောင်ရည်နဲ့အတူ အနိုင်ဂိုးသွင်းယူပေးခဲ့တာကြောင့် စီးတီးတို့ ရမှတ်နှစ်မှတ်ဆုံးရှုံးရမယ့် အခြေအနေကနေ လွတ်မြောက်ခဲ့ပါတယ်။
ယခုနိုင်ပွဲကြောင့် မန်စီးတီးဟာ ပွဲကြပ်ကစားရမယ့် အာဆင်နယ်ကို ၅မှတ်အကွာကနေ ဖိအားပေးနိုင်ခဲ့ပါတယ်။
