အန်းစလော့ လီဗာပူးနည်းပြဘဝကို ကယ်တင်ဖို့ တစ်ပတ်သာအချိန်ရတော့ကြောင်း ကာရေဂါပြောကြား
လီဗာပူးနောက်ခံလူဟောင်း ဂျေမီကာရေဂါက အန်းစလော့ဟာ နည်းပြရာထူးကို ကယ်တင်ဖို့အတွက် တစ်ပတ်သာအချိန်ရှိပြီး လာမယ့်ရက်တွေအတွင်း နောက်ထပ်အရှုံးမခံနိုင်တော့ဘူးလို့ ပြောကြားခဲ့ပါတယ်။ ပရီးမီးယားလိဂ်ဖလားရရှိခဲ့ပြီး ခြောက်လအကြာမှာ လီဗာပူးအသင်းဟာ ပြိုင်ပွဲစုံ နောက်ဆုံး ၁၂ ပွဲအတွင်း ၉ ပွဲ ရှုံးနိမ့်ခဲ့တာကြောင့် အန်းစလော့ဟာ အနာဂတ်အတွက် စိုးရိမ်နေရပါတယ်။
ဒတ်ခ်ျလူမျိုးနည်းပြဟာ တနင်္ဂနွေနေ့မှာ ဝက်စ်ဟမ်းနဲ့ပွဲမတိုင်ခင် ကောလာဟလတွေရှိနေပေမဲ့ ကလပ်ထိပ်ပိုင်းခေါင်းဆောင်တွေနဲ့ အတူတူဆွေးနွေးနေပါတယ်လို့ ရဲရဲဝံ့ဝံ့ထုတ်ဖော်ပြောကြားခဲ့ပါတယ်။ ဒါပေမဲ့ ကာရေဂါက လီဗာပူးဟာ ဝက်စ်ဟမ်း၊ အခုမှ တန်းတက်လာတဲ့ ဆန်းဒါးလန်း၊ လိဒ်စ်တို့နဲ့ သုံးပွဲကနေ အနည်းဆုံး ၇ မှတ်ယူရမယ်လို့ သတိပေးခဲ့ပြီး အဲဒီထက်နည်းရင် အန်းစလော့ရဲ့အနာဂတ်ဟာ မတည်မငြိမ်ဖြစ်သွားလိမ့်မယ်လို့ သတိပေးခဲ့ပါတယ်။
ကာရေဂါက "နည်းပြမှာ ဘယ်လောက်ပဲ ကောင်းမွန်တဲ့စိတ်နေစိတ်ထားရှိပါစေ၊ ပြီးခဲ့တဲ့သုံးလအတွင်း မြင်တွေ့ခဲ့ရတဲ့ စံနှုန်းကျဆင်းမှုကို လီဗာပူးက ဆက်လက်ထိန်းထားနိုင်မှာ မဟုတ်ပါဘူး။ အကြီးအကျယ်အောင်မြင်မှုတွေ ယူဆောင်လာပေးတဲ့နည်းပြတွေကို လီဗာပူးက လွယ်လွယ်နဲ့ အလုပ်ထုတ်လေ့မရှိဘူးဆိုတာ ကျွန်တော့်ထက်ပိုသိတဲ့သူ မရှိပါဘူး။"လို့ ပြောခဲ့ပါတယ်။
