ပီအက်စ်ဂျီဟာ လိုင်လီမှ ပြောင်းရွှေ့လာတဲ့ ဂိုးသမားသစ် လူကတ်စ် ချယ်ဗာလီယာကို တရားဝင်ကြေညာရန် ပြင်ဆင်နေပြီး ပြောင်းရွှေ့ကြေးမှာ ယူရို သန်း ၄၀ (ပေါင် ၃၄.၆ သန်း) နှင့် အပိုဆုကြေး ယူရို ၁၅ သန်း (ပေါင် ၁၂.၉ သန်း) ဖြစ်ပါတယ်။

တစ်ချိန်တည်းမှာပင် ဒွန်နာရမ်မာဟာ ပီအက်စ်ဂျီနှင့် တစ်ပတ်လျှင် ပေါင် ၁၈၅,၀၀၀ ရရှိတဲ့ စာချုပ်သက်တမ်းမှာ တစ်နှစ်သာ ကျန်ရှိတော့ပြီး စာချုပ်သစ်အတွက် သဘောတူညီမှု မရရှိသေးပါဘူး။

အီတလီလက်ရွေးစင်ဟာ ပြီးခဲ့တဲ့ရာသီက လူးဝစ် အန်းနရစ်ရဲ့ပြင်သစ်လိဂ်နှင့် ဖလားနှစ်ခုစလုံးအပြင် ချန်ပီယံလိဂ်ကိုလည်း ဆွတ်ခူးခဲ့တဲ့ ပီအက်စ်ဂျီရဲ့ အောင်မြင်မှုတွင် အဓိကနေရာမှ ပါဝင်ခဲ့ပါတယ်။

ESPN ရဲ့ ဖော်ပြချက်အရ ချယ်ဗာလီယာကို ခေါ်ယူပြီးနောက် ပီအက်စ်ဂျီဟာ ဒွန်နာရမ်မာကို ရောင်းချရန် စိတ်ဝင်စားနေပါတယ်။

အဆိုပါသတင်းက ယူနိုက်တက် ၊ ချဲလ်ဆီး ၊ အေစီမီလန် နှင့် အင်တာမီလန် တို့ဟာ ဒွန်နာရမ်မာရဲ့ အေးဂျင့် အန်ဇို ရိုင်ယိုလာ နှင့် ဆက်သွယ်ခဲ့ကြကြောင်း ထပ်လောင်းဖော်ပြထားပါတယ်။

ထို့အပြင် talkSPORT ရဲ့ သတင်းများအရ ဒွန်နာရမ်မာဟာ ပရီးမီးယားလိဂ် သို့ ပြောင်းရွှေ့ရန် စိတ်ဝင်စားနေပြီး ယူနိုက်တက်သို့ ပြောင်းရွှေ့လိုနေပါတယ်။

ရူဘင် အမ်မိုရင်ရဲ့ အသင်းဟာ ပြီးခဲ့တဲ့ ရာသီက အသက် ၂၉ နှစ်အရွယ် အန်ဒရီ အိုနာနာ ရဲ့ လက်စွမ်းမတည်ငြိမ်မှုများကြောင့် ယခုနွေရာသီတွင် သူ့ရဲ့နေရာကို အစားထိုးရန် စဉ်းစားခဲ့ပါတယ်။

အိုနာနာဟာ ယခုနွေရာသီတွင် မိုနာကိုရဲ့ စိတ်ဝင်စားမှုကို ခံခဲ့ရသော်လည်း လီဂူးဝမ်းသို့ ပြောင်းရွှေ့ရန် ငြင်းပယ်ခဲ့ပါတယ်။ ယူနိုက်တက်ဟာ အီမီလီယာနို မာတီနက်ဇ်ကို ခေါ်ယူရန် ဆွေးနွေးခဲ့သော်လည်း အက်စတွန်ဗီလာက ပရီးမီးယားလိဂ် ပြိုင်ဘက်များထံမှ အငှားကမ်းလှမ်းမှုကို ပယ်ချခဲ့ပါတယ်။

ချဲလ်ဆီးဟာလည်း ယခုနွေရာသီတွင် ဂိုးသမားသစ်တစ်ဦး ခေါ်ယူရန် ကြိုးပမ်းခဲ့သော်လည်း စာချုပ်သက်တမ်း တစ်နှစ်သာ ကျန်ရှိတော့တဲ့ မိုက်ခ် မိုင်နန်အတွက် ပြောင်းရွှေ့ကြေးနှင့်ပတ်သက်၍ အေစီမီလန်နှင့် သဘောတူညီမှု မရရှိခဲ့ပါဘူး။