ယူနိုက်တက်နောက်ခံလူဟောင်း ဖာဒီနန်က အာဆင်နယ်ဟာ ချန်ပီယံလိဂ်ဖိုင်နယ်ရောက်မှာမဟုတ်သလို ပီအက်စ်ဂျီက အခုပြိုင်ပွဲကို ဗိုလ်စွဲမယ်လို့ ခန့်မှန်းလိုက်ပါတယ်။ ရီးရဲလ်ကို အနိုင်ရပြီးနောက် အာဆင်နယ်ဟာ ချန်ပီယံလိဂ်ဖလားရနိုင်ချေအရှိဆုံးအသင်းအဖြစ် ရပ်တည်လာခဲ့ပါတယ်။

အာဆင်နယ်ဟာ ဆီမီးဖိုင်နယ်မှာ ပီအက်စ်ဂျီနဲ့ရင်ဆိုင်ရမှာဖြစ်ပြီး အခြားတစ်ဖက်မှာတော့ ဘာစီလိုနာက အင်တာနဲ့ရင်ဆိုင်ရမှာဖြစ်ပါတယ်။ ပီအက်စ်ဂျီဟာ ယခင်အုပ်စုတွင်းမှာတုန်းက အာဆင်နယ်ကို ၂-၀ နဲ့အရေးနိမ့်ထားခဲ့တာဖြစ်ပါတယ်။ ဒါပေမယ့်လည်း အခုနောက်ပိုင်းမှာတော့ ပီအက်စ်ဂျီရဲ့စွမ်းဆောင်ရည်က တိုးတက်လာခဲ့ပြီး ချန်ပီယံလိဂ်ဖလားရနိုင်လောက်တဲ့အထိ ရေပန်းစားလာခဲ့ပါတယ်။ “ကျွန်တော် ပီအက်စ်ဂျီကို အင်တာမီလန်နဲ့ဖိုင်နယ်မှာ တွေ့မယ်လို့ ထင်ပါတယ်။ အဲ့တာက ကျွန်တော်တွေးနေတာပါ။ ပီအက်စ်ဂျီပဲ ဒီဆုဖလားရမယ်လို့ ကျွန်တော်ထင်ပါတယ်။ 

ဘာစီလိုနာ နဲ့ ပီအက်စ်ဂျီ ဖိုင်နယ်ကိုလည်း မြင်ချင်ပါတယ်။ အဲ့တာက ကျွန်တော်မြင်ချင်တဲ့ဖိုင်နယ်တွေပါ။ အင်တာကတော့ ဖိုင်နယ်ကိုတက်မှာပါ။ ဒါပေမယ့် ဘာစီလိုနာ ၊ ပီအက်စ်ဂျီက လူတွေကို စိတ်လှုပ်ရှားစေနိုင်ပါတယ်။ အာဆင်နယ်ကတော့ ဖိုင်နယ်ကိုတက်မယ်မထင်ပါဘူး။ ကျွန်တော် အရိုးသားဆုံးပြောပါမယ်။ ကစားသမားတွေကို ကြိုက်ပါတယ်။ ဆာကာ ၊ ဒီကလန် ၊ အိုဒီဂတ် ၊ တင်းဘား ၊ စကယ်လီ ၊ ဆာလီဘာ ၊ ဂါဘရီရယ်တို့အပြင် အခြားကစားသမားတွေကိုလည်း ကြိုက်ပါတယ်”လို့ ဖာဒီနန်က ပြောကြားခဲ့ပါတယ်။