သတင်းတွေအရ ဘိုင်ယန်စတား မူလာတစ်ယောက် အခုရာသီအကုန်မှာ အသင်းကနေထွက်တော့မယ်လို့ သိရပါတယ်။ကစားသမားဘဝတစ်လျှောက်လုံးဘိုင်ယန်မှာပဲ အချိန်ကုန်ဆုံးခဲ့တဲ့ မူလာဟာ ဘိုင်ယန်နဲ့ စာချုပ်သက်တမ်းက လအနည်းငယ်သာကျန်တော့တာဖြစ်ပါတယ်။ ဘိုင်ယန်ဟာ မူလာကို စာချုပ်သက်တမ်းတိုးဖို့ ၂ ကြိမ်တိုင်ကမ်းလှမ်းခဲ့ပေမယ့် ကစားသမားဘက်က သဘောမတူခဲ့တာဖြစ်ပါတယ်။

အခုချိန်မှာတော့ ဂျာမန်သားဟာ အသင်းကနေထွက်ခွာတော့မှာဖြစ်တယ်လို့ သိရပါတယ်။ ပြီးခဲ့တဲ့လအနည်းငယ်တုန်းက ဘိုင်ယန်ဟာ အယ်လ်ဖွန်ဆိုဒေးဗီးစ် ၊ မူစီယာလာ နဲ့ ကင်မစ်ချ်တို့ကို စာချုပ်သက်တမ်းတိုးနိုင်ခဲ့ပါတယ်။ ဒါ့အပြင် ဂိုးသမား နူအာကိုလည်း စာချုပ်သက်တမ်းတိုးဖို့ ဆွေးနွေးနေပေမယ့် မူလာကိုတော့ ဆက်ထိန်းနိုင်ချေမရှိတော့တာဖြစ်ပါတယ်။

မူလဟာ အခုနွေရာသီမှာ ဘိုင်ယန်ကနေထွက်ခွာမှာဖြစ်ပြီး မေဂျာလိဂ်က ချိတ်ဆက်နေပါတယ်။ ဂျာမန်သားဟာ ဘိုင်ယန်ကနေထွက်ခွာပြီးချိန်မှာ ကစားသမားဘဝကနေ အနားယူဖွယ်ရှိနေပါတယ်။ ကွန်ပနီရဲ့အသင်းဟာ ချန်ပီယံလိဂ်ကွာတားဖိုင်နယ်ပထမအကျော့မတိုင်ခင် အော့စ်ဘတ်အသင်းနဲ့ရင်ဆိုင်ရမှာဖြစ်ပါတယ်။