ပရီးမီးယားလိဂ်မှာ အထင်ကြီးစရာကောင်းလောက်အောင် ခြေစွမ်းပြသလာနိုင်တဲ့ အက်စတွန်ဗီလာကြယ်ပွင့်မော်ဂန်ရိုဂျာစ်နဲ့ ဥရောပရဲ့ထိပ်တန်းကလပ်အသင်းကြီးတွေဖြစ်တဲ့ ဘာစီလိုနာ (သို့မဟုတ်) ရီးရဲလ်မက်ဒရစ်အသင်းတို့နဲ့ စိတ်လှုပ်ရှားစရာ အပြောင်းအရွှေ့သတင်းထွက်ပေါ်လာဖို့ ရေပန်းစားနေပါတယ်။

အသက် ၂၃ နှစ်အရွယ်ကစားသမားက နည်းပြအူနိုင်းအမ်မရီရဲ့လက်အောက်မှာ သူ့ရဲ့နာမည်ဂုဏ်သတင်းကို ဆက်လက်မြှင့်တင်နေပြီး သူ့ရဲ့ရုန်းအား၊ နေရာစုံကစားနိုင်စွမ်းနဲ့ တိုက်စစ်ပိုင်းစွမ်းဆောင်ရည်တွေကြောင့် ဥရောပတစ်ဝှမ်း စိတ်ဝင်စားမှုကို ရရှိနေပါတယ်။

အက်စတွန်ဗီလာကွင်းလယ်လူဟောင်းတောင်ဆန်က ရိုဂျာစ်မှာ အမြင့်မားဆုံးအဆင့်ဆီ ရောက်ရှိနိုင်တဲ့စွမ်းဆောင်ရည် ပိုင်ဆိုင်ထားပြီး နောက်ဆုံးမှာတော့ ကမ္ဘာ့အကြီးကျယ်ဆုံးကလပ်အသင်းတွေအနက် တစ်ခုအတွက် ပါဝင်ကစားခွင့်ရရှိလိမ့်မယ်လို့ ယုံကြည်နေပါတယ်။

"ရိုးရိုးသားသားပြောရရင် ရိုဂျာစ်က ဘယ်အသင်းအတွက်မဆို သွားရောက်ကစားပေးနိုင်တဲ့ ကစားသမားမျိုး ဖြစ်ပါတယ်"

"ရိုဂျာစ်လိုကစားနိုင်မယ့်သူမျိုး အများကြီးမရှိလို့ သူက ရီးရဲလ်မက်ဒရစ်၊ ဘာစီလိုနာတို့အပါအဝင် ဘယ်ကလပ်အသင်းအတွက်မဆို သွားရောက်ကစားပေးနိုင်ပါတယ်။ ပြီးခဲ့တဲ့ရာသီက အက်စတွန်ဗီလာအတွက် သူ့ရဲ့အကောင်းဆုံးရာသီမဟုတ်ခဲ့ရင်တောင် အသင်းအတွက် အလွန်အကျိုးပြုခဲ့ပါတယ်"လို့ တောင်ဆန်က ပြောကြားပါတယ်။