၃၇ နှစ်အရွယ်ရှိပြီဖြစ်တဲ့ မန်ချက်စတာယူနိုက်တက် တိုက်စစ်မှူးကြီး ခရစ္စတီယာနိုရော်နယ်ဒိုဟာ ၂၀၁၇ တုန်းက ရီးရဲလ်မက်ဒရစ်အတွက် ကစားရင်း အသင်းဖော်ဂျိမ်းစ်ရိုဒရီဂွက်ဇ်ကို ရုရှားဖော်ချွတ်အလှမယ်လေး ဟယ်လ်ဂါလပ်ဗ်ကေတီနဲ့ ပါတီတစ်ခုမှာ မိတ်ဆက်ပေးခဲ့ဖူးပါတယ်။

ရော်နယ်ဒိုနဲ့ ရိုဒရီဂွက်ဇ်တို့ဟာ ၂၀၁၄ ကနေ ၂၀၁၇ ထိ စပိန်မြေမှာ အတူတွဲကစားခဲ့ကြပြီး ကိုလံဘီယာစတားဟာ စိန့်ပီတာစ်ဘက်သူ အလှလေးနဲ့ အလျင်အမြန်ပဲ ရင်းနှီးသွားခဲ့တယ်လို့ သိရပါတယ်။ နှစ်ယောက်သား အင်စတာဂရမ် ဓာတ်ပုံတွေတောင် လဲခဲ့ကြပြီး ပိုမိုရင်းနှီးလာခဲ့ကြပါတယ်။ အဆိုပါအဖြစ်အပျက်ဟာ ရိုဒရီဂွက်ဇ်နဲ့ အာဆင်နယ် ဂိုးသမားဟောင်း ဒေးဗစ်အော့စပင်နာရဲ့ ညီမ ဒန်နီရယ်လာအော့စပင်နာတို့ ကွာရှင်းပြီး မကြာခင်မှာ ဖြစ်ခဲ့တာပါ။

ဘီကီနီမော်ဒယ်လေး လပ်ဗ်ကေတီရဲ့ ဇာတိနိုင်ငံ ရုရှားမှာကျင်းပခဲ့တဲ့ ၂၀၁၈ ကမ္ဘာ့ဖလားမှာတော့ ကိုလံဘီယာအသင်း အတွက် ဂျိမ်းစ်တစ်ယောက် ခြေစွမ်းမပြနိုင်ဖြစ်ခဲ့ပြီး ဒါဟာ လပ်ဗ်ကေတီကြောင့် ဖြစ်တာဆိုပြီး ပစ်မှတ်ထား တိုက်ခိုက်ခံခဲ့ရပါသေးတယ်။ ဆိုရှယ်မီဒီယာမှာလည်း “ဝက်မ”“ဂျိမ်းစ်က နင့်ကိုမချစ်ဘူး”စသဖြင့် ဆိုးရွားလှတဲ့ မှတ်ချက်တွေပေးပြီး တိုက်ခိုက်ခဲ့ကြပါတယ်။ လပ်ဗ်ကေတီဟာ ၂၀၁၃ ကစတင်ပြီး အင်စတာဂရမ် မော်ဒယ်အဖြစ် လုပ်ကိုင်ခဲ့တာဖြစ်ပြီး အချိန်တိုအတွင်းမှာတင် follower ၄.၁ သန်းကျော် ရရှိခဲ့သူဖြစ်ပါတယ်။

ဒါပေမယ့် ဒီကိစ္စတွေဖြစ်ပြီးနောက် ဂျိမ်းစ်နဲ့ ဆက်တွဲခဲ့ခြင်း မရှိတော့ပါဘူး။ အဲဗာတန်ကြယ်ပွင့်ဟောင်းကလည်း မကြာသေးမီကမှ ဗင်နီဇွဲလားအလှမယ် ရှနွန်ဒီလီမာနဲ့ တွဲနေပြီဖြစ်ကြောင်း ထုတ်ဖော်ပြသခဲ့ပါတယ်။ ဒါပေမယ့် သားတစ်ယောက်ရပြီးနောက် ဂျိမ်းစ်နဲ့ ဒီလီမာတို့လည်း ၂၀၂၁ မှာ လမ်းခွဲခဲ့ပြီး ဂျိမ်းစ်ကလည်း အင်္ဂလန်ကနေ ထွက်ခွာခဲ့ပါတယ်။ ကွင်းလယ်ဖန်တီးရှင်ဟာ အဲဗာတန်မှာ တစ်နှစ်သာ ကစားခဲ့တာ ဖြစ်ပါတယ်။

မာဆေးဆိုက်မှာ ၉ ဂိုးဖန်တီးပြီး ၆ ဂိုးသွင်းနိုင်ခဲ့သော်လည်း နည်းပြဘင်နီတက်ဇ်နဲ့ အဆင်မပြေ ဖြစ်ခဲ့တာကြောင့် အသင်းကနေ ထွ့်ဖို့ဖိအားပေးခံခဲ့ရပါတယ်။ ကာတာကလပ် အယ်ရေယန်ကို မဖော်ပြတဲ့ ပြောင်းရွှေ့ကြေးနဲ့ ပြောင်းရွှေ့ခဲ့ပြီး တစ်နှစ်ကို ပေါင် ၁၀.၁ သန်းထိ ရရှိနေပါတယ်။ ဒါပေမယ့် သတင်းတွေအရတော့ ဂျိမ်းစ်ဟာ ဥရောပကိုပြန်လာချင်နေပြီး  စူပါအေးဂျင့် ဂျော့မန်းဒက်စ်ကလည်း ဂျိမ်းစ်ရဲ့အသင်းသစ်ကို စတင်ရှာဖွေလျက်ရှိပါတယ်။