ပြီးခဲ့တဲ့အောက်တိုဘာလတုန်းက ဗီနီစီယပ်စ်ဂျူနီယာဟာ ၂၀၂၄ ခုနှစ်အတွက် ဘော်လွန်းဒီအော် ဆုရှင်မဟုတ်ကြောင်း သိရှိပြီးနောက် ရီးရဲလ်မက်ဒရစ်ဟာ ဒေါသအမျက်ထွက်ခဲ့တာဖြစ်ပါတယ်။ အဲ့ဒီအကြောင်းကို သိလိုက်ရချိန်မှာတော့ ရီးရဲလ်မက်ဒရစ်ဟာ ပဲရစ်မြို့က အခမ်းအနားကို သပိတ်မှောက်ဖို့ ဆုံးဖြတ်ခဲ့ပါတယ်။
ပီရက်ဇ်ဟာ ထိုဆုံးဖြတ်ချက်ကို ဦးဆောင်ခဲ့ပြီး ရီးရဲလ်မက်ဒရစ်ရဲ့အိုင်ကွန်ဖြစ်သူ ရော်နယ်ဒိုနာဇာရီယိုက ကလပ်ရဲ့ဥက္ကဌဖြစ်သူဟာ သူရခဲ့သောအောင်မြင်မှုများကြောင့် ဘော်လွန်းဒီအော်ရဲ့ တကယ့်ဆုရှင်ဖြစ်တယ်လို့ ပြောကြားလိုက်ပါတယ်။
"ရိုဒရီကို ဖယ်ရှားလိုက်ခြင်းမပြုဘဲ ဗီနီစီယပ်စ်ဂျူနီယာက ဘော်လွန်းဒီအော်ဆုကိုရရှိရမှာပါ။ ဒါဟာ ကမ္ဘာ့အကောင်းဆုံးကစားသမားအဖြစ် ဗီနီစီယပ်စ်ဂျူနီယာက ဆုရရှိဖို့ အခွင့်အရေးကောင်းကို လက်လွတ်ဆုံးရှုံးခဲ့ရတာပါ။ ရိုဒရီနဲ့ ဘာမှမဆိုင်ပါဘူးလို့ ရှင်းရှင်းလေးပြောချင်ပါတယ်။ ဒါပေမယ့် ဗီနီစီယပ်စ်ဂျူနီယာဟာ ပြီးခဲ့တဲ့ရာသီကထက် အများကြီး ပိုပြတ်သားခဲ့ပါတယ်"
"တကယ်လို့ ဘော်လွန်းဒီအော်ဆုရှင်က ဖလော်ရန်တီနိုပီရက်ဇ်ဆိုရင် သူကကျွန်တော့်အတွက် ဖခင်တစ်ယောက်ပါ။ သူက ကျွန်တော့်ကို အများကြီး သင်ပေးခဲ့ပြီး ဘောလုံးလောကထဲက အရာအားလုံးကို ပေးခဲ့ပါတယ်" လို့ ဘရာဇီးသားက ပြောပါတယ်။
ရော်နယ်ဒိုဟာ ၇ ရက်အတွင်း ပင်နယ်တီနှစ်ကြိမ်လွဲချော်ပြီးနောက် ခက်ခဲသောအချိန်ကာလတစ်ခုကြုံတွေ့နေရတဲ့ အမ်ဘာပေရဲ့ လက်ရှိအခြေအနေနှင့်ပတ်သက်၍ ပြောဆိုခဲ့ပါတယ်။
"ဘောလုံးမှာ ဘာမဆို ဖြစ်သွားနိုင်တယ်။ ကောင်းတာတွေရော မကောင်းတာတွေရော ရှိနိုင်ပါတယ်။ အသေးစိတ်အချက်လေးတွေကို အများကြီးကြည့်စရာမလိုပါဘူး။ အမ်ဘာပေဟာ ရီးရဲလ်မက်ဒရစ်အတွက် အများကြီး ကိုယ်စားပြုပြီး သူက အရမ်းအရေးပါလာမှာပါ။ ရီးရဲလ်မက်ဒရစ်နဲ့ အမ်ဘတ်ပီတို့နှစ်ယောက်လုံးက ချီးကျူးစရာတွေ အများကြီးရှိပါတယ်" လို့ ပြောပါတယ်။