သတင်းတွေအရ ရီးရဲလ်အသင်းဟာ လာမယ့် ၂၀၂၅ အပြောင်းအရွှေ့အတွက် ကြိုတင်ပြင်ဆင်နေပြီး အဓိက ၂ နေရာကို အားဖြည့်မယ်လို့ သိရပါတယ်။ ရီးရဲလ်အသင်းဘက်က ညာနောက်ခံလူနေရာ နဲ့ ကွင်းလယ်နေရာကို အားဖြည့်မယ်လို့ အေအက်စ်သတင်းဌာနက ဖော်ပြခဲ့ပါတယ်။ ကွင်းလယ်နေရာကိုတော့ တိုနီခရူးစ်နေရာကို အစားထိုးမှာဖြစ်ပြီး နောက်ထပ်နေရာကတော့ ကာဗာဂျယ်နေရာဖြစ်တယ်လို့ သိရပါတယ်။

ရီးရဲလ်ဟာ ညာနောက်ခံလူနေရာအတွက် အာနိုးလ်ကို ခေါ်ယူဖို့ လီဗာပူးအသင်းနဲ့ဆွေးနွေးနေပြီး အလွတ်နဲ့ခေါ်ယူနိုင်မယ်လို့ အကောင်းမြင်နေပါတယ်။ဒါ့အပြင် ဘိုင်ယန်စတား အယ်လ်ဖွန်ဆိုဒေးဗီးစ်နဲ့လည်း ဆွေးနွေးနေကာ တစ်ယောက်ကိုတော့ အရခေါ်ယူဖွယ်ရှိနေပါတယ်။ ဗဟိုခံစစ်နေရာအတွက်တော့ အရေးမကြီးပေမယ့် မီလီတာအိုနေရာအတွက်တော့ စဉ်းစားနေတယ်လို့ သိရကာ ချူအာမီနီကို ယာယီအသုံးပြုနိုင်တာဖြစ်ပါတယ်။

အန်ဆယ်လော့တီကတော့ ဒီရာသီဒဏ်ရာပြဿနာတွေ ခံစားနေရပြီး အလာဘာပြန်လာနိုင်ခဲ့ပါက အနည်းငယ်အဆင်ပြေနိုင်မှာဖြစ်ပါတယ်။ အန်ဆယ်လော့တီက နောက်ခံလူနေရာအတွက် အဆန်စီယိုထက် ချူအာမီနီကိုသာ ပိုမိုယုံကြည်နေပါတယ်။