မန်စီးတီးစတား အစ်နိုရီတစ်ယောက် စနေနေ့က တော့တင်ဟမ်ကို အရေးနိမ့်ခဲ့တဲ့ပွဲမှာ ခြေကျင်းဝတ်ဒဏ်ရာရရှိခဲ့တယ်လို့ သိရပါတယ်။

အသက် ၂၄ နှစ်သားဟာ ပွဲကစားချိန် ၁၅ မိနစ်မှာ တော့တင်ဟမ်စတား ကူဒက်စ်နဲ့ထိခိုက်မိခဲ့ပြီး ဘယ်ဘက်ခြေကျင်းဝတ်လည်ခဲ့ကာ စီးတီးဆေးအဖွဲ့ရဲ့ကုသမှုခံယူခဲ့ရပါတယ်။ အစ်နိုရီတစ်ယောက် ဆက်ကစားဖို့ လုပ်ဆောင်ခဲ့ပေမယ့် အဆင်မပြေခဲ့တာကြောင့် အကီနဲ့လူစားလဲခဲ့ရပါတယ်။ 

အစ်နိုရီအနေနဲ့ လာမယ့် ဘရိုက်တန်နဲ့ပွဲကို ပါဝင်နိုင်ဖို့ မသေချာတော့တာဖြစ်ပါတယ်။ “ကျွန်တော် သူ့အခြေအနေကို မသိသေးပါဘူး။ ဆရာဝန်တွေနဲ့ ကျွန်တော်စကားမပြောရသေးပါဘူး”လို့ အစ်နိုရီအခြေအနေကို ဂွါဒီယိုလာက ပြောကြားခဲ့ပါတယ်။

စီးတီးဟာ ပရီးမီးယားလိဂ်ရာသီအစ ဒုတိယမြောက်ပွဲမှာတင် တော့တင်ဟမ်ကို အိမ်ကွင်းမှာ အရေးနိမ့်ခဲ့တာဖြစ်ပါတယ်။ တော့တင်ဟမ်အတွက်ဂိုးတွေကို ဘရီနန်ဂျွန်ဆင် နဲ့ ပယ်လင်ဟာတို့က သွင်းယူပေးခဲ့ပါတယ်။ စီးတီးဘက်ကလည်း အခွင့်အရေးတွေရခဲ့ပေမယ့် အသုံးမချနိုင်ခဲ့တာကြောင့် ချေပဂိုးတွေတော့ မရခဲ့တာဖြစ်ပါတယ်။