ပီအက်စ်ဂျီအသင်းဟာ ဘိုင်ယန်မြူးနစ်စတား ကင်မစ်ချ်ကို ခေါ်ယူဖို့ ပစ်မှတ်ထားလာတယ်လို့ သိရပါတယ်။ ကင်မစ်ချ် နဲ့ ဘိုင်ယန်တို့ကြား စာချုပ်သက်တမ်းက ၁၂ လသာကျန်တော့တာဖြစ်ပြီး မကြာခင်မှာ အလွတ်နဲ့လက်လွှတ်ရဖို့များနေပါတယ်။

ဘိုင်ယန်အသင်းမှာအရေးပါတဲ့ကစားသမားအဖြစ်ရှိနေပေမယ့် စာချုပ်သစ်အတွက် သဘောတူညီမှုမရသေးပဲ အသင်းတော်တော်များများက အလိုရှိနေကြပါတယ်။ ရိုမာနိုရဲ့အဆိုအရ ပီအက်စ်ဂျီဟာ ကင်မစ်ချ်ကိုခေါ်ယူဖို့ ဆုံးဖြတ်ထားပြီး ဘိုင်ယန်က ဘင်ဖီကာစတား ဂျာအိုနီဗက်စ်ကို ခေါ်ယူသွားနိုင်တယ်လို့ ဆိုပါတယ်။

အင်းနရစ်ကတော့ ဂျာမန်သားကို ခေါ်ယူချင်နေတာဖြစ်ပြီး စွယ်စုံရတဲ့အနေအထားကြောင့် ပိုပြီးအလိုရှိနေပါတယ်။ ဘာစီလိုနာကလည်း ကင်မစ်ချ်ကို ချိတ်ဆက်နေပြီး အခြားတစ်ဖက်မှာလည်း နီကိုဝီလီယံကို ချိတ်ဆက်နေပါတယ်။ ဘိုင်ယန်ဟာ မကြာခင်မှာ ဖူလ်ဟမ်ကွင်းလယ်လူ ပယ်လင်ဟာကို ခေါ်ယူနိုင်ဖို့ မျှော်လင့်နေပြီး ကင်မစ်ချ်နေရာမှာ အစားထိုးဖွယ်ရှိနေပါတယ်။

ဘိုင်ယန်ဘက်က ကင်မစ်ချ်ကိုရောင်းချရမှုကနေ ဖူလ်ဟမ်စတားကို ခေါ်ယူဖို့ အသုံးပြုသွားဖွယ်ရှိနေပါတယ်။ ပီအက်စ်ဂျီက အသည်းအသန်စိတ်ဝင်စားနေပေမယ့် ဂျာမန်သားကိုခေါ်ယူနိုင်ဖို့ မန်စီးတီးလိုအသင်းတွေနဲ့အားပြိုင်ရဖွယ်ရှိနေပါတယ်။

ကင်မစ်ချ်ကို ဥရောပအသင်းတော်တော်များများက အလိုရှိနေပြီး လာမယ့်အပြောင်းအရွှေ့ရက်တွေမှာ ထိပ်တန်းသတင်းအဖြစ် ဆက်ရှိနေဖွယ်ရှိနေပါတယ်။