ထင်တာထက်ပိုမိုက်တဲ့ ယူနိုက်တက်ကစားသမားသစ် မာတီနက်ဇ်ရဲ့ ချစ်သူ မူရီလိုပက်
မန်ချက်စတာယူနိုက်တက်ကစားသမားသစ် လီဆန်ဒရိုမာတီနက်ဇ်အကြောင်းကိုတော့ အတော်များများသိလိမ့်မယ်ထင်ပါတယ်။ ဒါပေမယ့် လီဆန်ဒရိုရဲ့ချစ်သူ မူရီလိုပက်ဇ်ဘင်နီတက်ဇ်ရဲ့ အကြောင်းကတော့ သိသူနည်းပါတယ်။ ၂၄ နှစ်အရွယ် အာဂျင်တီးနားရေကူးဝတ်စုံ မော်ဒယ်လေးဟာ ပေါင် ၅၅ သန်းတန်ကစားသမားနဲ့အတူ အင်္ဂလန်ကိုရောက်လာဖို့ ရှိနေပါတယ်။
ဟော်လန်သတင်းတွေအရ လီဆန်ဒရိုတို့နှစ်ယောက်ဟာ အသက် ၁၄ နှစ်အရွယ်ကတည်းက ဆုံခဲ့ကြတာဖြစ်လို့ အခုဆိုရင် အတူတူရှိခဲ့တာ ဆယ်စုနှစ်တစ်ခုစာ ကြာမြင့်ခဲ့ပါပြီ။ မူရီလိုပက်ဇ်ဟာလည်း ဆိုရှယ်မီဒီယာမှာ ကျော်ကြားသူတစ်ဦးဖြစ်ပြီး အင်စတာဂရမ် follower ၃၀၀၀၀ ကျော် ရှိပါတယ်။ အမြဲလိုလိုလည်း ဓာတ်ပုံနဲ့ ဗီဒီယိုအသစ်တွေကို တင်ပေးလေ့ရှိပြီး မကြာသေးမီကမှ မော်လ်ဒိုက်ကပုံတွေကို တင်ထားပါသေးတယ်။ ထူးခြားတာကတော့ မူရီလိုပက်ဇ်ရဲ့ ဗိုက်ကြွက်သားတွေက မာတီနက်ဇ်ရဲ့အသင်းဖော်ဖြစ်လာနိုင်တဲ့ ခရစ္စတီယာနိုရော်နယ်ဒိုထက်တောင် ပိုပြီးကြည့်ကောင်းနေပါတယ်။
မာတီနက်ဖ်ဟာ လက်ရှိယူနိုက်တက်နည်းပြ အဲရစ်တန်ဟတ်လက်အောက် အေဂျက်စ်အသင်းမှာ ၃ နှစ်ကစားခဲ့ဖူးပြီး အခုဆိုရင် ယူနိုက်တက်ကစားသမားပါ ဖြစ်လာခဲ့ပါပြီ။ နယ်သာလန်အသင်းဟာ ယူနိုက်တက်ရဲ့ ပေါင် ၄၆.၈ သန်းနဲ့ ကမ်းလှမ်းမှုကိုလက်ခံခဲ့ပြီး အပိုဆုကြေးတွေနဲ့ဆိုရင် ပေါင် ၅၅ သန်းထိ မြင့်တက်လာမှာဖြစ်ပါတယ်။ မာတီနက်ဇ်ဟာ တိုင်ရယ်မာလာစီယာနဲ့ ခရစ္စတီယန်အဲရစ်ဆင်တို့ရဲ့နောက် ၃ ယောက်မြောက်ကစားသမား ဖြစ်ပါတယ်။
