လီဗာပူးဂန္ထဝင်ဟောင်း အိုဝင်က နွေရာသီမှာ အာဆင်နယ်ပစ်မှတ် အီဆက်ကို လီဗာပူးအသင်းအပြိုင်ခေါ်ယူနိုင်လိမ့်မယ်လို့ ယုံကြည်နေပါတယ်။ ဆွီဒင်သားဟာ ဒီရာသီနယူးကာဆယ်အသင်းနဲ့အတူ စွမ်းဆောင်ရည်ကောင်းတွေပြသနေပြီး မကြာသေးခင်က ကာလရှည်စောင့်ဆိုင်းနေရတဲ့ဆုဖလားလက်မဲ့ဖြစ်မှုကို အဆုံးသတ်ပေးနိုင်ခဲ့ပါတယ်။

နယူးကာဆယ်ဟာ အသက် ၂၅ နှစ်သားကို ကာလရှည်စာချုပ်သစ်ချုပ်ဆိုဖို့ ပြင်ဆင်နေပေမယ့် ကစားသမားဘက်က အလျင်စလို စာချုပ်သစ်မချုပ်ဆိုလိုနေတာဖြစ်ပါတယ်။ အာဆင်နယ်ဟာ ဆိုစီဒက်စတားဟောင်းကို ထိပ်တန်းပစ်မှတ်အဖြစ် သတ်မှတ်ထားပြီး အိုဝင်က လီဗာပူးအသင်းအနေနဲ့လည်း အီဆက်ကို အပြိုင်ခေါ်ယူနိုင်မယ်လို့ ယုံကြည်နေပါတယ်။

“အီဆက်ကိုခေါ်ယူခွင့်ရမယ်ဆိုရင် လီဗာပူးအသင်းအနေနဲ့ သူတို့လက်ထဲမှာရှိသမျှအရာအားလုံးနဲ့လုပ်ဆောင်နိုင်မယ်လို့ ကျွန်တော်ထင်ပါတယ်။ အာဆင်နယ်က သူ့လိုကစားသမားမျိုးလိုအပ်တာပါ။ ဘယ်အသင်းက ဒီလိုကစားသမားမျိုးမလိုချင်ပဲရှိပါ့မလဲ။ နယူးကာဆယ်ဘက်ကကြည့်ရင်တော့ အီဆက်ကို သူတို့လွယ်လွယ်နဲ့လက်လွှတ်မှာမဟုတ်ပါဘူး။ ကျွန်တော် ဘဏ္ဍာရေးစည်းမျည်းအကြောင်းပြောတာကြားမိပါတယ်။ အီဆက်က ထိပ်တန်းအဆင့်တိုက်စစ်မှူးမျိုးပါ။

ခင်ဗျား ထူးရှယ်ကစားသမားမျိုးလိုအပ်ပါတယ်။ လီဗာပူးအသင်းကိုကြည့်လိုက်ပါ။ သူတို့ ဒီနှစ်မှာ အကောင်းဆုံးအစုအဖွဲ့ကိုရရှိထားပါတယ်။ ဆာလက်ဆိုရင်လည်း တိုက်စစ်မှာ အားထားရပါတယ်။ နောက်တန်းမှာဆိုရင်လည်း အကောင်းဆုံးဂိုးသမား နဲ့ ခံစစ်ရှိနေပါတယ်။ အီဆက်ကိုသာ ခေါ်ယူပြီး အသင်းတည်ဆောက်လိုက်မယ်ဆိုရင် လုံးဝပြီးပြည့်စုံမှာပါ။

ဒါဝင်တစ်ယောက် လာမယ့်ရာသီလီဗာပူးအသင်းမှာဆက်ရှိနေမယ်လို့ ကျွန်တော်မမြင်ပါဘူး။ သူ့ကိုစိတ်ဝင်စားတဲ့အသင်းတွေရှိနေပါတယ်။ ပရီးမီးယားလိဂ်က ၁ သင်း ဒါမှမဟုတ် ၂ သင်းလောက်ရှိနေပါတယ်။ ကျန်တာက ပြည်ပကလပ်အသင်းတွေပါ”လို့ အိုဝင်က ပြောကြားခဲ့ပါတယ်။