ယူနိုက်တက်နှင့် အင်္ဂလန်လက်ရွေးစင်အသင်းတို့ရဲ့ ခံစစ်မှူးဟောင်းဟာ ဒီတစ်ပတ် စီးတီးဂရောင်းမှာ ကျင်းပမယ့်ပွဲစဉ်မှာ Sky Sports အတွက် ပါဝင်မှာဖြစ်ပါတယ်။ သို့သော်လည်း MailOnline ရဲ့ ဖော်ပြချက်အရ ဖောရက်စ်အသင်းရဲ့ တိုင်ကြားချက်ကြောင့် နဗီးလ်ဟာ ကွင်းအတွင်းသို့ ဝင်ရောက်ခွင့်ရရှိမှာ မဟုတ်ပါဘူး။ ဖောရက်စ်ရဲ့ ဆုံးဖြတ်ချက်ကြောင့် သူဟာ တနင်္ဂနွေနေ့မှာကျင်းပမယ့် ပွဲစဉ်မှာ ကွင်းအတွင်းသို့ ဝင်ရောက်ခွင့် ရရှိမှာ မဟုတ်ပါဘူးလို့ Sky Sports က ဖော်ပြထားပါတယ်။

ဒီလအစောပိုင်းက လက်စတာစီးတီးနှင့် ၂-၂ ဂိုးနဲ့ သရေကျခဲ့တဲ့ပွဲမှာ နည်းပြ နူနိုဆန်းတို့စ်အား ကွင်းအတွင်းသို့ ဝင်ရောက်ကာ ပြောဆိုမှုပြုလုပ်ခဲ့တဲ့ အသင်းပိုင်ရှင်ကို အပြင်းအထန်ဝေဖန်ခဲ့တာကြောင့် ဖောရက်စ်က နဗီးလ်ရဲ့ လုပ်ရက်ကို သဘောမကျဖြစ်နေတာပါ။ ခွဲစိတ်ဖို့လိုအပ်ခဲ့တဲ့ ဒဏ်ရာရရှိခဲ့သော်လည်း တိုက်စစ်မှူး အာဝိုနီယီကို ဆက်လက်ကစားစေခဲ့တဲ့ ဖောရက်စ်ရဲ့ ဆေးအဖွဲ့ကိုပါ အသင်းပိုင်ရှင်က ဒေါသထွက်ခဲ့သေးတာဖြစ်ပါတယ်။

အာဝိုနီယီသည် ဂိုးတိုင်နှင့်တိုက်မိပြီးနောက် အူကျွံသည့်ဒဏ်ရာ ရရှိခဲ့ကာ ဆေးရုံတွင် မေ့ဆေးပေးထားသည့် အခြေအနေဖြင့် ဆေးကုသမှု ခံယူခဲ့ရသည်။ အဲဒီအတောအတွင်း နူနိုနဲ့ ထိပ်တိုက်တွေ့ဆုံပြီး မကြာမီမှာပဲ နဗီးလ်ဟာ Sky Sports ကနေ အသင်းပိုင်ရှင် မာရီနာကစ်ကို ပြင်းပြင်းထန်ထန် ဝေဖန်ခဲ့ပါတယ်။ "နော်တင်ဟမ် ဖောရက်စ် အသင်းပိုင်ရှင်က စီးတီးဂရောင်းကွင်းထဲမှာ လုပ်ခဲ့တာဟာ လုံးဝ အရှက်ရစရာ ကောင်းတယ်ဆိုတာကို ကျွန်တော် မဖြစ်မနေ ထုတ်ပြောရမယ်လို့ ခံစားရပါတယ်" 

"ကျွန်တော်သာ နူနိုဆိုရင် တကယ်ကို ပြတ်ပြတ်သားသား ပြောဆိုမှာပါ။ ဒါဟာ လုံးဝကို အရှက်ရစရာ ကောင်းပါတယ်။ သူက အခုလေးတင်မှ အသင်းကို ဥရောပပြိုင်ပွဲဝင်ခွင့် ရအောင် လုပ်ပေးထားတာပါ" "ဒီကလပ် ဒီအဆင့်ရောက်လာတာတောင် ကိုယ့်ပရိသတ်တွေရှေ့မှာ ကွင်းထဲမှာ ဝေဖန်ခံနေရတာဟာ လုံးဝကို ဟာသတစ်ခုပါပဲ" "နူနိုဟာ ဒီညမှာပဲ သူ့ရဲ့ နုတ်ထွက်မှုကို သူ့နဲ့ သွားဆွေးနွေးသင့်တယ်။ ဖောရက်စ် ပရိသတ်တွေ၊ ကစားသမားတွေနဲ့ နည်းပြတို့ဟာ ဒီလိုမျိုး မခံထိုက်ပါဘူး" လို့ နဗီးလ်က သူ့ရဲ့ မှတ်ချက်ပေးချိန်မှာ ပြောကြားခဲ့ပါတယ်။

ဖောရက်စ်က နဗီးလ်ကို ပြန်လည်တုံ့ပြန်တဲ့ ထုတ်ပြန်ချက်မှာ အခုလို ဖော်ပြထားပါတယ်။ "ကျွန်တော်တို့ နည်းပြဟောင်းတွေနဲ့ ကစားသမားဟောင်းတွေ၊ ဒီဘောလုံးလောကက တခြား ထင်ရှားကျော်ကြားသူတွေကို အွန်လိုင်းပေါ်မှာ အမှန်တကယ် ဖြစ်ရပ်တွေနဲ့ နောက်ခံအခြေအနေအပြည့်အစုံ မသိဘဲ အလျင်စလို ဆုံးဖြတ်ခြင်းနဲ့ သတင်းအတုအယောင်တွေ မဖန်တီးကြဖို့ တိုက်တွန်းပါတယ်။ အထူးသဖြင့် ဒဏ်ရာရ ကစားသမားနဲ့ ပတ်သက်ရင်ပေါ့"

"ကိုယ်ပိုင် ဆိုရှယ်မီဒီယာမှာ အာရုံစိုက်မှု ရဖို့အတွက် အခြေအမြစ်မရှိဘဲ သတင်းအချက်အလက် မပြည့်စုံတဲ့ ဒေါသထွက်မှုတွေဟာ ဘယ်သူ့ကိုမှ အကျိုးမပြုပါဘူး။ အထူးသဖြင့် ဒဏ်ရာရ ကစားသမားကိုပေါ့" ဖောရက်စ်က သူ့ကို စီးတီးဂရောင်းသို့ ဝင်ရောက်ခွင့် ပိတ်ပင်ဖို့ ဆုံးဖြတ်ခဲ့တာကို တုံ့ပြန်တဲ့အနေနဲ့ နဗီးလ်က ပြောကြားခဲ့ပါတယ်။ "ဒီအပတ် အစောပိုင်းမှာ Sky Sports က ကျွန်တော့်ကို ဆက်သွယ်ခဲ့ပြီး တနင်္ဂနွေနေ့မှာ နော်တင်ဟမ် ဖောရက်စ်နဲ့ ချဲလ်ဆီးပွဲအတွက် စီးတီးဂရောင်းမှာ မှတ်ချက်ပေးရမယ်လို့ ပြောခဲ့ပါတယ်"

"နော်တင်ဟမ် ဖောရက်စ်က ကျွန်တော့်ကို အစီစဉ်တင်ဆက်သူအနေနဲ့ အသိအမှတ်ပြုခြင်း ဒါမှမဟုတ် အားကစားကွင်းထဲ ဝင်ခွင့်ပေးမှာ မဟုတ်ဘူးလို့ Sky Sports က မနေ့က ကျွန်တော့်ကို အကြောင်းကြားခဲ့ပါတယ်။ ကျွန်တော် ပွဲကိုတိုက်ရိုက်ထုတ်လွှင့်မှုကနေ နုတ်ထွက်ဖို့ကလွဲလို့ တခြားရွေးချယ်စရာ မရှိခဲ့ပါဘူး"

ဒီအလုပ်ကို လုပ်လာတဲ့ ၁၄ နှစ်အတွင်း ကျွန်တော် ဝေဖန်မှုတွေနဲ့ ချီးကျူးမှုတွေကို တရားမျှတစွာ ပေးခဲ့ပြီး ဒီလိုမျိုး မကြုံဖူးသေးတဲ့ လုပ်ရပ်မျိုးနဲ့ ဘယ်တုန်းကမှ မနီးစပ်ခဲ့ပါဘူး" "ပုဂ္ဂိုလ်ရေးအရတော့ နော်တင်ဟမ် ဖောရက်စ်လို ကြီးကျယ်တဲ့ ကလပ်တစ်ခု ဒီလိုမျိုး ဆုံးဖြတ်ချက်ချဖို့ အထိ ကျဆင်းသွားတာကို စိတ်ပျက်စရာ ကောင်းတယ်လို့ ထင်ပါတယ်။ သူတို့အနေနဲ့ သူတို့ရဲ့ ကွင်းထဲ ဘယ်သူ့ကို ဝင်ခွင့်ပြုမယ်ဆိုတာ ရွေးချယ်ပိုင်ခွင့် အပြည့်အဝ ရှိပေမယ့်၊ ဒါဟာ ကလပ်နဲ့ပတ်သက်ပြီး ပြီးခဲ့တဲ့ ၁၂ လအတွင်း ဖြစ်ပျက်ခဲ့တဲ့ အရာတွေရဲ့ လက္ခဏာတစ်ခုပါပဲ"

"ကလပ်ရဲ့ နည်းပြအဖွဲ့၊ ကစားသမားတွေနဲ့ ပရိသတ်တွေ ချန်ပီယံလိဂ် ဘောလုံးကစားခွင့် ရရှိဖို့ သူတို့ရဲ့ ကြိုးပမ်းမှုမှာ အကောင်းဆုံးတွေ ရရှိပါစေလို့ ကျွန်တော် ဆုတောင်းပေးပါတယ်" လို့ နဗီးလ်က ပြောပါတယ်။