ယူရိုပြိုင်ပွဲဝင် အင်္ဂလန်လက်ရွေးစင်အသင်းလူစာရင်းကို ထုတ်ပြန်လိုက်တဲ့ ဂါရတ်ဆောက်ဂိတ်
ဂျာမနီနိုင်ငံမှာ ကျင်းပမယ့် ဥရောပချန်ပီယံရှစ်ပြိုင်ပွဲကြီးဆီ ဝင်ရောက်ယှဉ်ပြိုင်မယ့် အင်္ဂလန်လက်ရွေးစင်အသင်း ကစားသမား ၂၆ ဦးစာရင်းကို နည်းပြဂါရတ်ဆောက်ဂိတ်က ထုတ်ပြန်ကြေညာလိုက်ပါတယ်။
ဒီစကာတင်လူစာရင်းမှာ ပဏာမလက်ရွေးစင်ကစားသမား ၃၃ ဦးစာရင်းဝင် ဂရီးလစ်ရှ်၊ မက်ဂွါရီ၊ မက်ဒီဆင်တို့လို နာမည်ကြီးကစားသမားတွေ မပါဝင်လာခဲ့သလို ကာတစ်ဂျုံးစ်၊ ကွန်ဆာ၊ ဘရန့်ဝိတ်နဲ့ ဂျိမ်းစ်ထရက်ဖို့ဒ်တို့လည်း ဂျာမနီနိုင်ငံဆီလိုက်ပါခွင့်နဲ့ လွဲချော်ခဲ့ပါတယ်။
ယူရို-၂၀၂၄ ပြိုင်ပွဲဝင် အင်္ဂလန်လက်ရွေးစင်ကစားသမား ၂၆ ဦးစာရင်းမှာ- ဂိုး - ဒင်းဟန်ဒါဆန်(ခရစ္စတယ်ပဲလေ့စ်)၊ ပစ်ခ်ဖို့ဒ်(အဲဗာတန်)၊ ရမ့်စ်ဒေး(အာဆင်နယ်)
နောက် - လီဝစ်ဒန့်ခ်(ဘရိုက်တန်)၊ ဂျိုးဂိုးမက်ဇ်(လီဗာပူး)၊ ဂူဟီ(ခရစ္စတယ်ပဲလေ့စ်)၊ ကွန်ဆာ(အက်စတွန်ဗီလာ)၊ လုခ်ရှော(မန်ချက်စတာယူနိုက်တက်)၊ ဂျွန်စတုန်းစ်(မန်စီးတီး)၊ ထရစ်ပီယာ(နယူးကာဆယ်)၊ ဝေါ်လ်ကာ(မန်စီးတီး)
လယ် - အာနိုးလ်(လီဗာပူး)၊ ဂလယ်ဟာ(ချဲလ်ဆီး)၊ မိုင်နူး(မန်ချက်စတာယူနိုက်တက်)၊ ဝါတန်(ခရစ္စတယ်ပဲလေ့စ်)၊ ဒီကလန်ရိုက်စ်(အာဆင်နယ်)
ရှေ့ - ဘယ်လင်ဟမ်(ရီးရဲလ်မက်ဒရစ်)၊ ဘိုဝင်(ဝက်စ်ဟမ်း)၊ အီဇီ(ခရစ္စတယ်ပဲလေ့စ်)၊ ဖိုဒန်(မန်စီးတီး)၊ ဂေါ်ဒွန်(နယူးကာဆယ်)၊ ဟယ်ရီကိန်း(ဘိုင်ယန်မြူးနစ်)၊ ပယ်လ်မာ(ချဲလ်ဆီး)၊ ဆာကာ(အာဆင်နယ်)၊ တိုနေး(ဘရန့်ဖို့ဒ်)၊ ဝက်ကင်းစ်(အက်စတွန်ဗီလာ) တို့ဖြစ်ပါတယ်။
အင်္ဂလန်အသင်းက ယူရိုပြိုင်ပွဲမတိုင်ခင် နောက်ဆုံးသွေးပူလေ့ကျင့်ခန်းအဖြစ် အခုလာမယ့်သောကြာနေ့၊ ဝင်ဘာလေကွင်းအတွင်း အိုက်စလန်အသင်းနဲ့ ခြေစမ်းပွဲစဉ်ကို ဧည့်ခံကစားသွားပါလိမ့်မယ်။ ဒီနောက်မှာတော့ သူတို့က အုပ်စုအဖွင့်ပွဲစဉ်အဖြစ် ဇွန် ၁၅ ရက်မှာ ဆာဘီးယားနဲ့ စတင်ယှဉ်ပြိုင်ကစားပြီး ဇွန် ၂၀ နဲ့ ဇွန် ၂၅ ရက်တို့မှာ ဒိန်းမတ်၊ ဆလိုဗေးနီးယားတို့နဲ့ ဆက်လက်ယှဉ်ပြိုင်ကစားသွားရပါမယ်။
