အသက် ၂၄ နှစ်အရွယ် ခဗာရက်စ်ခီလီယာဟာ နာပိုလီမှ ပီအက်စ်ဂျီသို့ ဆောင်းရာသီအပြောင်းအရွှေ့တွင် ရောက်ရှီလာပြီးနောက် ချန်ပီယံလိဂ်တွင် ပထမဆုံးအကြိမ်အဖြစ် စတင်ကစားခဲ့ပါတယ်။ ဂျော်ဂျီယာနိုင်ငံသားဟာ ပွဲကစားချိန် ၃၉ မိနစ်တွင် ဂိုးသွင်းခဲ့ပြီး ပီအက်စ်ဂျီဟာ ဘရက်စ်ကို နှစ်ကျော့ပေါင်း ၁၀-၀ ဂိုးဖြင့် အနိုင်ရရှိခဲ့ပါတယ်။ သူ့ရဲ့နည်းပြအသစ်ဖြစ်တဲ့ အင်းနရစ်က ကစားသမားအပေါ် မျှော်လင့်ချက်များကို လျှော့ချရန် အားထုတ်နေပြီး အသင်းဖော်များနှင့် လိုက်လျောညီထွေဖြစ်ရန်နှင့် ပြင်သစ်မြို့တော်တွင် အချိန်လိုအပ်ကြောင်း ထောက်ပြခဲ့ပါတယ်။

ခဗာရက်စ်ခီလီယာက Get French Football News အင်တာဗျူးတွင် အဆိုပါအချက်ကို သဘောတူပုံ ရပါတယ်။ "ဟုတ်ပါတယ် ကျွန်တော်က ဒီမှအသားကျဖို့အတွက် အချိန်လိုအပ်ပါတယ်။ ကျွန်တော် အရာအားလုံးကို မပြသေးပါဘူး။ အချိန်ယူပြီး ကြိုးစားရုံပါပဲ၊ အားလုံးကောင်းမွန်သွားမှာပါ။ ဒါက ဘောလုံးရဲ့ ဇာတ်လမ်းပါပဲ" လို့ ပြောပါတယ်။

ပီအက်စ်ဂျီနှင့် ချန်ပီယံလိဂ်အနိုင်ရရန် အလားအလာနှင့်ပတ်သက်ပြီး မေးမြန်းတဲ့အခါ ခဗာရက်စ်ခီလီယာက "ဟုတ်ပါတယ်၊ အရာအားလုံးဖြစ်နိုင်ပါတယ်။ ကျွန်တော်တို့ အာရုံစိုက်ပြီး ကွင်းပေါ်မှာ အရာအားလုံးကို ထည့်သွင်းရုံပါပဲ" လို့ ပြန်လည်ပြောကြားခဲ့ပါတယ်။ ပီအက်စ်ဂျီဟာ ချန်ပီယံလိဂ် ၁၆ သင်းအဆင့်တွင် ဘာစီလိုနာ သို့မဟုတ် လီဗာပူး နှင့် ရင်ဆိုင်ရမည်ဖြစ်ပြီး၊ သောကြာနေ့တွင် ကျင်းပမည့် မဲခွဲပွဲတွင် မည်သည့်အသင်းနှင့် ကစားရမည်ကို သိရှိရမှာဖြစ်ပါတယ်။