အာဂျင်တီးနားရဲ့ အငြင်းပွားဖွယ် ကိုပါအမေရိကဖလားအောင်ပွဲအပြီးတွင် အန်ဇိုဖာနန်ဒက်ဇ်အား ဆိုရှယ်မီဒီယာတွင် ဝေဖန်မှုအတွက် ဖိုဖာနာအား ဒီပေါလ်က ပြစ်တင်ဝေဖန်လိုက်ပါတယ်။

ဖာနန်ဒက်ဇ်ဟာ အာဂျင်တီးနားရဲ့ကိုပါအမေရိက အောင်ပွဲအပြီးတွင် အခမ်းအနားတစ်ခုအတွင်း ချဲလ်ဆီးအသင်းဖော်များထံမှ ပြင်းထန်တဲ့ တုံ့ပြန်မှုများနှင့် ရင်ဆိုင်ခဲ့ရပါတယ်။ ကစားသမားက သူ့ရဲ့လုပ်ရပ်အတွက် လူသိရှင်ကြား တောင်းပန်ခဲ့ပေမယ့် ပြဿနာကို ပြေလည်အောင်မလုပ်နိုင်ခဲ့တဲ့အပြင် ချဲလ်ဆီးအသင်းကလည်း ကလပ်အတွင်းစည်းကမ်းပိုင်းဆိုင်ရာ အရေးယူမှုတွေကို လုပ်နေပြီဖြစ်ပါတယ်။

အဆိုပါ အငြင်းပွားဖွယ်အဖြစ်အပျက်က ဖာနန်ဒက်ဇ်ရဲ့ ချဲလ်ဆီးအသင်းဖော်များကြားတွင် သိသိသာသာ ဖြစ်ပျက်သွားခဲ့ပါတယ်။ အာဂျင်တီးနားရဲ့ သီချင်းသီဆိုမှုကို ဖိုဖာနာက "တားမြစ်ထားတဲ့ လူမျိုးရေးခွဲခြားမှု" လို့ ပြောဆိုခဲ့ပြီး မယ်လိုဂက်စ်တို၊ ဒီဆာစီ၊ ဘက်ဒီယာရှိုင်း နှင့် အုဂျိုချာကူတို့ အပါအဝင် ချဲလ်ဆီးကစားသမားအများအပြားက ဖာနန်ဒက်ဇ်ကို အင်စတာဂရမ်တွင် follow လုပ်ထားခြင်းကို ရပ်ဆိုင်းခဲ့ကြပါတယ်။

အဆိုပါဝေဖန်မှုကို တုံ့ပြန်တဲ့အနေဖြင့် ဒီပေါလ်က ဖာနန်ဒက်ဇ်အား ထောက်ခံပြောဆိုခဲ့ပြီး သီချင်းသီဆိုခဲ့မှုများဟာ စာသားအတိုင်းလုပ်ဆောင်ရန် မရည်ရွယ်ကြောင်း အလေးပေးပြောကြားခဲ့ပါတယ်။ "သီချင်းတွေကိုတော့ ဒီလောက်အထိ ခွဲခြမ်းစိတ်ဖြာလို့အဆင်မပြေပါဘူး။ လူမျိုးရေးခွဲခြားမှုခံရပြီး မကြိုက်တဲ့သူတွေကို ကျွန်တော် နားလည်နိုင်ပါတယ် ဒါပေမယ့် အရာအားလုံးအတွက် နေရာတစ်ခုဆိုတာရှိပါတယ်" "အန်ဇိုရဲ့အသင်းဖော်တစ်ယောက်ယောက် ဒါမှမဟုတ် တစ်ယောက်ယောက်က စိတ်အနှောင့်အယှက်ဖြစ်တယ်ဆိုရင် သူ့ကိုခေါ်ပြီးပြောလိုက်ပါ ဆိုရှယ်မီဒီယာမှာ တင်ဖို့မဟုတ်ဘဲ တခြားနည်းနဲ့ဖြေရှင်းစရာတော့ ရှိပါတယ်။သူနဲ့ ဘာမှမဆိုင်တဲ့ နေရာမှာ မီးလောင်ရာလေပင်ဖို့ မလိုပါဘူး" လို့ Diario AS ကတစ်ဆင့် ဒီပေါလ်က ပြောကြားလိုက်ပါတယ်။

အခြားအာဂျင်တီးနားကစားသမားဖြစ်တဲ့ မက်အလစ္စတာကကလည်း အာဂျင်တီးနားက Urbana Play FM နှင့် အင်တာဗျူးတွင် ဖာနန်ဒက်ဇ်နှင့်ပတ်သက်ပြီး သူ့ရဲ့အမြင်ကို ထုတ်ဖော်ပြောဆိုခဲ့ပါတယ်။ အာဂျင်တီးနားဆိုတာဥရောပမှာလို လူမျိုးရေးခွဲခြားမှုကို ကျယ်ကျယ်ပြန့်ပြန့် ပြောဆိုလေ့မရှိကြောင်းနှင့် "ကျွန်တော်တို့ဟာ လူမျိုးရေးခွဲခြားတဲ့နိုင်ငံမဟုတ်ကြောင်း" လီဗာပူးကြယ်ပွင့်က အခိုင်အမာပြောဆိုခဲ့ပါတယ်။

အဆိုပါပြဿနာတွင် ဖာနန်ဒက်ဇ်ရဲ့ ပါဝင်ပတ်သက်မှုနှင့်ပတ်သက်ပြီး အငြင်းပွားမှုတွေက ဘောလုံးလောကရှိ လူမျိုးရေးခွဲခြားမှုနှင့် ခွဲခြားဆက်ဆံမှုဆိုင်ရာ ကိစ္စရပ်များအတွက် ပိုမိုသိရှိနားလည်ဖို့အတွက် လိုအပ်ကြောင်း အလေးပေးဖော်ပြထားပါတယ်။ အဆိုပါဖြစ်ရပ်သည် စတန်းဖို့ဒ်ဘရစ်ချ်ရှိ အ၀တ်လဲခန်းအတွင်း သိသိသာသာအကွဲအပြဲဖြစ်စေခဲ့ပြီး မာရက်စ်ကာအနေနဲ့ ကွင်းတွင်းမီးကို တတ်နိုင်သမျှအမြန်ဆုံး ငြိမ်းသတ်ရမှာဖြစ်ကာ ကွင်းအတွင်း နည်းဗျူဟာများကို အာရုံစိုက်လုပ်ဆောင်ရမှာလည်းဖြစ်ပါတယ်။