အီဆက်ဟာ လီဗာပူးအား ပရီးမီးယားလိဂ်တွင် ရှုံးနိမ့်ခဲ့တဲ့ပွဲမှာ ပေါင်ခြံဒဏ်ရာကြောင့် ပါဝင်ကစားခွင့် မရခဲ့ပေမယ့် တနင်္ဂနွေနေ့မှာ ဘရိုက်တန်နဲ့ ပွဲမှာတော့ အယ်ဒီဟောင်းရဲ့ ပွဲထွက် ၁၁ ဦးထဲ ပြန်လည် ပါဝင်ခဲ့ပါတယ်။ အသက် ၂၅ နှစ်အရွယ် ဆွီဒင်သားဟာ ပထမပိုင်းမှာ ပင်နယ်တီကနေ ဖွင့်ဂိုး သွင်းယူခဲ့ပြီး စိန့်ဂျိမ်းစ်ပါ့ခ်မှာ ကစားခဲ့တဲ့ အက်ဖ်အေဖလား ပဉ္စမအဆင့် ပွဲစဉ်မှာ သူ့ရဲ့အကောင်းဆုံး စွမ်းရည်တချို့ကို ပြသနိုင်ခဲ့ပါတယ်။

ဒါပေမယ့် ဆွီဒင်နိုင်ငံသားဟာ ၈၆ မိနစ်မှာ ကွင်းထဲကနေ ထွက်သွားခဲ့ပြီး ဝီလ်ဆန်နဲ့ လူစားလဲခံခဲ့ရပါတယ်။ အချိန်ပိုမှာ ဒန်နီ ဝဲလ်ဘက်ခ်က ဂိုးသွင်းခဲ့တာကြောင့် ငှက်ကျားတွေကို ကွာတားဖိုင်နယ် မရောက်ခဲ့ပါဘူး။ ဒီရက်ပိုင်းကတော့ နယူးကာဆယ်အတွက် ခက်ခဲတဲ့ ရက်တွေပဲ ဖြစ်ခဲ့ပါတယ်။ လူးဝစ် ဟောလ်က ခြေထောက်ဒဏ်ရာကြောင့် ရာသီကုန်ထိ အနားယူရမှာဖြစ်ပြီး အန်တိုနီဂေါ်ဒန်ကလည်း ပွဲပယ်ပြစ်ဒဏ်ကြောင့် လီဗာပူးနဲ့ ကာရာဘောင်ဖလား ဖိုင်နယ်မှာ ပါဝင်နိုင်မှာ မဟုတ်ပါဘူး။

နယ်သာလန်ဗဟိုခံစစ်မှုး ဘော့မန်က ဒူးခွဲစိတ်ကုသမှု လိုအပ်တာကြောင့် လာမယ့်ပွဲစဉ်တွေမှာ ဒက်ဒီဟိုဝီက သူ့ကို အသုံးပြုလို့ ရမှာ မဟုတ်ပါဘူး။ "သူ့မှာ ခန္ဓာကိုယ်မှာ တင်းမာမှုတချို့ ရှိခဲ့ပေမယ့် ဒဏ်ရာတော့ မဟုတ်ပါဘူး" လို့ ဟောင်းက ဘရိုက်တန်ကို ရှုံးနိမ့်ပြီးနောက် အီဆက်ရဲ့ အခြေအနေကို မေးမြန်းတဲ့အခါ သတင်းထောက်တွေကို ပြောခဲ့ပါတယ်။

"ပွဲကြာလာလေလေ အန္တရာယ် ပိုများလာလေလေပဲ။ ဒါကြောင့် ဘာပြဿနာမှ မဖြစ်ခင် သူ့ကို လူစားလဲလိုက်တာပါ" "ကျွန်တော်တို့ တစ်ပတ်လောက် အနားယူပြီး ပြန်လည် စုစည်းဖို့ လိုပါတယ် ဘာလို့လဲဆိုတော့ ကျွန်တော်တို့ စမ်းသပ်ခံနေရပါတယ်။ ကျွန်တော်တို့မှာ ကစားသမား အနည်းငယ်ပဲ ရှိပါတယ်။ ဘော့မန်ကို ကြံ့ခိုင်မှုပြည့်အောင် မလုပ်နိုင်ခဲ့ပါဘူး ကျွန်တော်တို့ ဘာမှမတက်နိုင်ခဲ့ပါဘူး"

"ဒါက လွဲချော်သွားတဲ့ အခွင့်အရေးတစ်ခုပါ ကျွန်တော်ကတော့ အဲဒီလို ခံစားရပါတယ်။ ဒါက ခက်ခဲပြီး အရမ်း စိတ်ပျက်စရာပါ ဒါပေမယ့် ကျွန်တော်တို့ ဘာမှ လုပ်လို့ မရပါဘူး" လို့ အက်ဒီဟောင်းက ပြောပါတယ်။ အက်ဒီဟိုဝီအနေနဲ့ သောကြာနေ့ ဝက်စ်ဟမ်းနှင့် အဝေးကွင်းမှာ ကစားမယ့် ပွဲမတိုင်ခင် သတင်းစာ ရှင်းလင်းပွဲမှာ အီဆက်ရဲ့ အခြေအနေကို ထပ်မံပြောပြဖို့ မျှော်လင့်ရပါတယ်။

ဒါပေမယ့် နယူးကာဆယ်ရဲ့ အဓိက ကစားသမားနဲ့ ထိပ်တန်း ဂိုးသွင်းသူ အီဆက်ဟာ ဒီရာသီမှာ ၃၁ ပွဲကစား ၂၂ ဂိုး သွင်းထားကာ လာမယ့် တနင်္လာနေ့မှာ လန်ဒန် အားကစားကွင်းမှာ ကစားဖို့ အဆင်သင့် ဖြစ်နိုင်တယ်ဆိုတဲ့ အားတက်စရာ လက္ခဏာတွေ ရှိနေပါတယ်။ ဗုဒ္ဓဟူးနေ့က နယူးကာဆယ်ရဲ့ ဒါစလီပါခ့် လေ့ကျင့်ရေးကွင်းက ဓာတ်ပုံတွေမှာ အီဆက်ဟာ ကောင်းမွန်စွာနဲ့ မြက်ခင်းပေါ်မှာ ပြေးလွှားမှုနဲ့ ဘောလုံး ထိန်းချုပ်မှု လေ့ကျင့်ခန်းတွေ လုပ်ဆောင်နေတာ တွေ့ရပါတယ်။

အီဆက်ရဲ့ ညာဒူးအောက်မှာ အနာကျင်မှု ထိန်းသိမ်းတဲ့ ပတ်တီး တပ်ထားတာ ရှိပေမယ့် ဒါဟာ ဒီရာသီအများစုမှာ ဖြစ်ခဲ့တဲ့ အခြေအနေဖြစ်ပြီး ရီးရဲလ် ဆိုစီဒတ်ကနေ ပြောင်းလာတဲ့ တိုက်စစ်မှူးအတွက် နယူးကာဆယ် ပရိသတ်တွေ အလွန်အမင်း စိုးရိမ်စရာ မလိုပါဘူး။ နယူးကာဆယ်ဟာ ပရီးမီးယားလိဂ်နောက်ဆုံး ၃ ပွဲမှာ ၂ ပွဲ ရှုံးနိမ့်ခဲ့ပြီး လာမယ့် ၄ ရက်အတွင်း ဝက်စ်ဟမ်းကို အနိုင်ယူပြီး ထိပ်ဆုံး ၄ သင်းနဲ့ အမှတ်ကွာဟချက်ကို လျှော့ချဖို့ ကြံရွယ်နေပါတယ်။

အက်ဒီဟိုဝီအနေနဲ့ ၇၀ နှစ်ကြာအထိ အဓိကဆုဖလားတစ်ခုရဖို့ မျှော်လင့်နေတဲ့ အသင်းအတွက် ဝင်ဘလေမှာ ကစားမယ့် ကာရာဘောင်ဖလား ဖိုင်နယ်မတိုင်ခင် ဒဏ်ရာထပ်မရအောင် ဆုတောင်းနေရမှာပါ။