ဂျာမနီနဲ့ယှဉ်ပြိုင်ကစားမယ့် ပွဲစဉ်ကို ဒီဂျောင် လွဲချော်မယ်လို့ ဇာဗီ အတည်ပြု
ဒီည၊ ဂျာမနီနဲ့ ယှဉ်ပြိုင်ရမယ့် ဥရောပနေးရှင်းလိဂ်ပွဲစဉ်ကို ဒီဂျောင် လွဲချော်လိမ့်မယ်လို့ နယ်သာလန်နည်းပြဇာဗီက အတည်ပြုလိုက်ပါတယ်။
နယ်သာလန်က သောကြာနေ့၊ နေးရှင်းလိဂ်ပွဲစဉ်မှာတော့ ဂရိကို ၇-၀ ဂိုးဖြင့် အပြတ်အသတ် အနိုင်ယူခဲ့ပါတယ်။
ဂရိနဲ့ပွဲစဉ်မှာ ဒီဂျောင်က သာမန်ထိခိုက်ဒဏ်ရာ အနည်းငယ်ရရှိသွားဖွယ်ရှိပြီး ပထမပိုင်းအပြီးမှာတင် လူစားလဲထွက်ခွာလာခဲ့ပါတယ်။
ယာဂန်ကလော့ပ်ရဲ့ဂျာမနီအသင်းနဲ့ ရင်ဆိုင်ဖို့ ပြင်ဆင်နေချိန် ဇာဗီရဲ့အသင်းက ၅ ပွဲကစား ၁၁ မှတ်ဖြင့် အုပ်စု(A2) ရဲ့ထိပ်ဆုံးနေရာမှာ ရပ်တည်နေပါတယ်။
ပွဲစဉ်မတိုင်မီ သတင်းထောက်တွေနဲ့ တွေ့ဆုံချိန် ဇာဗီက ဒဏ်ရာကြောင့် အသက် ၂၉ နှစ်အရွယ်ကစားသမား ပါဝင်ကစားနိုင်ဖို့ မရှိဘူးလို့ အတည်ပြုခဲ့ပါတယ်။
ဘာစီလိုနာကစားသမားဟောင်းနဲ့ နည်းပြဟောင်း ဇာဗီက "ဒီဂျောင်ရဲ့ဒဏ်ရာ အရမ်းမပြင်းထန်ပါဘူး။ ဒါပေမဲ့ မနက်ဖြန်ပွဲစဉ်ကိုတော့ သူ မကစားနိုင်ပါဘူး။ သူ မကစားနိုင်ဘူးဆိုတာ ကျွန်တော့်ဆီ သတင်းပို့လာလို့ ဒီလောက်ပါပဲ" လို့ ပြောပါတယ်။
ဒါ့အပြင် ဇာဗီက ဘာစီလိုနာအတွက်လည်း စိတ်အေးသက်သာစေမယ့် စကားကို ချက်ချင်းပြောဆိုခဲ့ပြီး "ဘာစီလိုနာဆရာဝန် ဒေါက်တာရီကာ့ဒ်ပရူနာဆိုတာ ဘောလုံးလောကမှာ ကျွန်တော့်ရဲ့အချစ်ဆုံးသူငယ်ချင်းတွေအနက် တစ်ဦးဖြစ်ပါတယ်။ ဒါက အချင်းချင်းအဆက်သွယ်ပြုလုပ်ရုံသက်သက်ပါပဲ" လို့ ဖြည့်စွက်ပြောကြားသွားခဲ့ပါတယ်။