The network connection is lost.

Banner Image

ဖီဖာဥက္ကဋ္ဌရာထူးနဲ့ပတ်သက်လို့ အပြောင်းအလဲတစ်ခု ရှိလာတာ သင့်တော်မယ်လို့ ယာဂန်ကလော့ပ် ယူဆ

ကမ္ဘာ့ဘောလုံးအဖွဲ့ချုပ်(ဖီဖာ)ရဲ့ ဥက္ကဋ္ဌရာထူးနေရာမှာ အပြောင်းအလဲတစ်ခု လိုအပ်နေပြီလို့ ယာဂန်ကလော့ပ်က လူသိရှင်ကြား ထုတ်ဖော်ပြောဆိုလိုက်ပါတယ်။

ဂျာမနီလက်ရွေးစင်အသင်းနည်းပြ ယာဂန်ကလော့ပ်မှာ အင်ဖန်တီနိုရဲ့နေရာကို မျက်နှာသစ်တစ်ဦးနဲ့ အစားထိုးသွားဖို့ လိုအပ်နေပြီဆိုတဲ့ အမြင်သဘောထား ရှိနေပါတယ်။

နယ်သာလန်နဲ့ရင်ဆိုင်ရမယ့် ပွဲစဉ်မတိုင်မီ ဂျာမနီရဲ့သတင်းစာရှင်းလင်းပွဲမှာ ကလော့ပ်က "အခုအချိန်မှာ အပြောင်းအလဲတစ်ခုလုပ်ဖို့ သင့်တော်မယ်ဆိုတာ လူအများစုရဲ့ သဘောထား ဖြစ်နေပါပြီ" လို့ ပြောပါတယ်။

"ဥက္ကဋ္ဌဟောင်း ဆပ်ဘတ္တလာနောက်ပိုင်း ဒီထက်ပိုဆိုးတာမျိုး မဖြစ်လာနိုင်တော့ဘူးလို့ လူတွေ ထင်မှတ်ခဲ့ကြပေမဲ့ အခုတော့ ဒါမျိုးကို ကျွန်တော်တို့ ရရှိနေပါပြီ"

"ဘောလုံးကိစ္စကိုပဲ အမှန်တကယ်စိတ်ဝင်စားပြီး ဘဏ္ဍာရေးအကျိုးအမြတ်တွေကို ဦးစားမပေးသူတွေ အပြင်မှာ သေချာပေါက် ရှိနေပါတယ်"

"သူတို့ထဲက တစ်ဦးဦးသာ ဥက္ကဋ္ဌ ဖြစ်လာခဲ့ရင် ဒါ လုံးဝကို အထောက်အကူ ဖြစ်စေပါလိမ့်မယ်" လို့ ကလော့ပ်က ပြောကြားခဲ့ပြီး အပြောင်းအလဲအတွက် တောင်းဆိုမှုတွေ ပိုမိုမြင့်တက်လာနေတယ်လို့ သူ ခံစားရတဲ့ အချက်ကို အလေးပေး ဖော်ပြခဲ့ပါတယ်။

ကလော့ပ်ရဲ့စကားတွေကြောင့် မကြာသေးမီက ပြင်းထန်တဲ့ ဝေဖန်မှုတွေနဲ့ စီမံအုပ်ချုပ်မှုဆိုင်ရာ ဖိအားတွေ ကြုံတွေ့နေရတဲ့ အင်ဖန်တီနိုအပေါ် ဖိအားတွေ ပိုမိုမြင့်တက်လာစေပါတယ်။

ဆွစ်ဇာလန်နိုင်ငံသား အင်ဖန်တီနိုက ဥရောပ ဘောလုံးခေါင်းဆောင်တွေ၊ ဖီဖာ ကောင်စီဝင်တွေနဲ့ တာဝန်ရှိပုဂ္ဂိုလ်ဟောင်းတွေရဲ့ ပြင်းထန်တဲ့ဝေဖန်မှုကို ရင်ဆိုင်နေရပါတယ်။