ဘရာဇီး ဂန္ထဝင် ရာမာရီယိုက အန်းဒရစ်ကို ပြင်းပြင်းထန်ထန် ဝေဖန်လိုက်ပြီး နည်းပြ ကာလို အန်ဆလော့တီကိုလည်း ရာထူးကနေ ထုတ်ပယ်သင့်တယ်လို့ ပြောဆိုလိုက်ပါတယ်။

နော်ဝေအသင်းဟာ ပြီးခဲ့တဲ့အပတ်က မက်တ်လိုက်ဖ် အားကစားကွင်းမှာ ဘရာဇီးကို ၂ ဂိုး ၁ ဂိုးနဲ့ အနိုင်ယူပြီး ၂၀၂၆ ကမ္ဘာ့ဖလားရဲ့အကြီးမားဆုံး အံ့အားသင့်စရာရလဒ်ကို ဖန်တီးကာ ပြိုင်ပွဲကနေ နှင်ထုတ်ခဲ့သလို၊ ဒီအပတ်မှာ အင်္ဂလန်နဲ့ ကစားရမယ့် ကွာတားဖိုင်နယ် ပွဲစဉ်ကိုလည်း တက်လှမ်းသွားခဲ့ပါတယ်။

ဆီလီဆောင်း (ဘရာဇီး) အသင်းဟာ ၁၆ သင်းအဆင့်မှာတင် အာလင်း ဟာလန်းရဲ့ ပြောင်မြောက်တဲ့ သွင်းဂိုး ၂ ဂိုးကြောင့် ပြိုင်ပွဲကနေ လှည့်ပြန်ခဲ့ရတာဖြစ်ပြီး ဒါဟာ သန်းနဲ့ချီတဲ့ ပရိသတ်တွေရဲ့ နှလုံးသားကို ကြေကွဲစေခဲ့တာပါ။

ဒါပေမဲ့ အန်ဆလော့တီကတော့ ၂၀၃၀ အထိ ဘရာဇီးအသင်းမှာ ဆက်ရှိနေမယ့် စာချုပ်သက်တမ်းတိုးဖို့ သဘောတူညီမှု ရရှိထားတာကြောင့် နည်းပြအဖြစ် ဆက်ရှိနေဦးမယ်လို့ သိရပါတယ်။

၁၉၉၄ ကမ္ဘာ့ဖလားချန်ပီယံ ရိုမာရီယိုကတော့ ပွဲရလဒ်အပေါ် စိတ်ပျက်ဒေါသထွက်နေပြီး၊ ဒုတိယပိုင်း ၁၃ မိနစ်မှာ အန်းဒရစ်အနေနဲ့ ပွဲကို သရေကျစေမယ့် အပိုင်အခွင့်အရေး ရခဲ့ပေမဲ့ ဂိုးပေါက်လွဲချော်ခဲ့တာကို ယခုအပတ်မှာ အပြင်းအထန် ဝေဖန်ခဲ့ပါတယ်။

ရိုမာရီယိုက အန်းဒရစ်ရဲ့ အသက်အရွယ်က ဘာမှအကြောင်းပြချက် မဟုတ်ဘဲ ညံ့ဖျင်းခဲ့တာဖြစ်ကြောင်းနဲ့ အန်ဆလော့တီကိုလည်း ချက်ချင်း ရာထူးက ထုတ်ပစ်သင့်တယ်လို့ ပြောကြားခဲ့ပါတယ်။

"လူအများစုက 'အာ... သူက ငယ်သေးလို့ပါ' လို့ ပြောနေကြတယ်။ အသက်ငယ်တာတွေ လာမပြောနဲ့၊ အဲဒီအပိုင်ဂိုးကို သူ သွင်းရမှာပေါ့။ ငယ်တာ၊ ညံ့တာ၊ ကြီးတာတွေ ဂရုမစိုက်ဘူး။

သူ အဲဒီနေရာမှာ ရှိနေရင် ဂိုးသွင်းဖို့ တာဝန်ရှိတယ်၊ အကြောင်းပြချက် ပေးလို့မရဘူး။ အန်းဒရစ် ဂိုးလွဲချော်ခဲ့တာက သူ့အမှားပဲ။ အဲဒီနေရာကို ရောက်ရင် ဂိုးဝင်အောင် အာရုံစိုက်ရမယ်၊ ဘာလို့လဲဆိုတော့ ဒါက ပွဲရလဒ်ကို အဆုံးအဖြတ်ပေးမယ့် အရေးကြီးတဲ့ ဘောလုံးဖြစ်လို့ပဲ။

ကျွန်တော် သူ့ကို သဘောကျပါတယ်၊ ကျွန်တော်တို့ကို ပျော်ရွှင်မှုတွေ ပေးနိုင်မယ့် ကစားသမားတစ်ယောက် ဖြစ်လာမယ်လို့လည်း ထင်ပါတယ်၊ ဒါပေမဲ့ (တနင်္ဂနွေနေ့က) သူ တကယ် ဆိုးရွားခဲ့ပါတယ်" လို့ ရိုမာရီယိုက ပြောပါတယ်။

သူက ဆက်လက်ပြီး "အခုလို အရှက်ရစရာ ညံ့ဖျင်းတဲ့ ရလဒ်မျိုး ဖြစ်အောင်လုပ်ခဲ့ပြီးနောက် အန်ဆလော့တီအနေနဲ့ ဘရာဇီးလက်ရွေးစင်အသင်းရဲ့ နည်းပြအဖြစ် ဆက်ရှိနေဖို့ လုံးဝ မဖြစ်နိုင်ပါဘူး။ ကျွန်တော်သာဆို အဲဒီစာချုပ်ကို ဆုတ်ဖြဲပစ်ပြီး ကျွန်တော့်ကို တရားစွဲချင်ရင် စွဲလိုက်လို့ပဲ ပြောလိုက်မယ်" လို့ ဆိုခဲ့ပါတယ်။

ပရိသတ်တွေက နောက်ထပ် နိုင်ငံတကာပြိုင်ပွဲကို မျှော်လင့်နေချိန်မှာတော့ ဘရာဇီးအသင်းဟာ ကလပ်နဲ့ လက်ရွေးစင် ကစားသမားဘဝတစ်လျှောက် ပြိုင်ပွဲစုံ ၂၆၈ ပွဲကစား၊ ၁၅၃ ဂိုးသွင်းယူပေးခဲ့ပြီး ၂၀၁၁ ကိုပါ လီဘာတေးဒိုးရက်စ်ဖလား အပါအဝင် ဆုဖလား ၆ လုံး ရရှိခဲ့တဲ့ နေမာမပါဘဲ ဖြတ်သန်းရတော့မှာ ဖြစ်ပါတယ်။