နယ်သာလန်ကို ပယ်နယ်တီအဆုံးအဖြတ်ဖြင့် အနိုင်ယူပြီး နောက်တစ်ဆင့်တက်လှမ်းသွားတဲ့ မော်ရိုကို
နယ်သာလန် ၁-၁ မော်ရိုကို (သာမန်ပွဲချိန်အပြီးရလဒ်)(ပင်နယ်တီအဆုံးအဖြတ် ၂-၃)
အခုကမ္ဘာ့ဖလားပြိုင်ပွဲရဲ့ရှုံးထွက်အဆင့်ပွဲစဉ်အဖြစ် နယ်သာလန်နဲ့ မော်ရိုကိုတို့ ထိပ်တိုက်တွေ့ဆုံမှုမှာ အပြန်အလှန်တိုက်စစ်ဆင်ကစားမှုတွေနဲ့အတူ အကြိတ်အနယ်ရှိတဲ့ပွဲကြီးပွဲကောင်းတစ်ခု ဖြစ်လာခဲ့ပါတယ်။ အခုပွဲစဉ်အတွက် အဖွင့်ဂိုးကို ပွဲချိန်နှောင်းပိုင်းမှာ ဂတ်ပိုက နယ်သာလန်အတွက် သွင်းယူပေးခဲ့ပြီး ဒုတိယပိုင်းနာကျင်အချိန်ပိုမှာတော့ ဗဟိုခံစစ်မှူးဒီအုပ်က မော်ရိုကိုအတွက် အဖိုးတန်ချေပဂိုးကို သွင်းယူခဲ့ပါတယ်။ သာမန်ပွဲကစားချိန်အပြင် အချိန်ပိုမှာပါ ဒီနှစ်သင်းအကြား အနိုင်အရှုံးအဖြေမပေါ်ခဲ့လို့ ပင်နယ်တီအဆုံးအဖြတ်ခံယူချိန် ဂျပ်စတင်ကလွိုက်ဗက်၊ တင်ဘာ၊ ဆမ်မာဗီလီတို့ရဲ့လွဲချော်မှုနဲ့အတူ မော်ရိုကိုအသင်း အနိုင်ရရှိကာ ပူးတွဲအိမ်ရှင်ကနေဒါနဲ့ရင်ဆိုင်ရမယ့် ၁၆ သင်းရှုံးထွက်အဆင့်ဆီ တက်လှမ်းသွားပါတယ်။
