ခံစစ်မာဂုဏ်ပြသပြီး ဆွစ်ဇာလန်နဲ့ တစ်မှတ်စီခွဲဝေယူခဲ့တဲ့ ကာတာ
ကာတာ ၁-၁ ဆွစ်ဇာလန် (ပွဲပြီးရလဒ်)
အုပ်စု(B)ရဲ့အဖွင့်ပွဲစဉ်အဖြစ် ထိပ်တိုက်ရင်ဆိုင်မှုမှာ ဥရောပရဲ့နာမည်ကြီးဆွစ်ဇာလန်က ပြိုင်ဘက်ကို ပွဲချိန်တလျှောက်လုံးဖိအားပေးကစားခဲ့ပေမဲ့ ကာတာဂိုးသမားအဘူနာဒါရဲ့လက်စွမ်းပြမှုအပါအဝင် ကာတာရဲ့ခံစစ်ပိုင်းကို မကျော်ဖြတ်နိုင်ခဲ့လို့ သရေတစ်မှတ်နဲ့ပဲ ကျေနပ်လိုက်ရပါတယ်။ အခုပွဲစဉ်ရဲ့ပွဲချိန်အစောပိုင်းမှာ ဆွစ်ဇာလန်အတွက် ဦးဆောင်ဂိုးကို ပင်နယ်တီမှတဆင့် အမ်ဘိုလိုက သွင်းယူပေးခဲ့ပြီး ဒုတိယပိုင်းနာကျင်အချိန်ပိုနောက်ဆုံးမိနစ်မှာတော့ အသင်းခေါင်းဆောင်ခူခီက ကာတာအတွက် ချေပဂိုးကို ခေါင်းတိုက်သွင်းယူခဲ့ပါတယ်။ အစောပိုင်းမှာ အိမ်ရှင်ကနေဒါနဲ့ ဘော့စနီးယားတို့လည်း သရေကျထားလို့ ဒီအုပ်စုမှာ နောက်တစ်ဆင့်တက်ရောက်နိုင်ရေးအတွက် အကြိတ်အနယ်ယှဉ်ပြိုင်ရမယ့် အလားအလာတွေ မြင်တွေ့လာရပါတယ်။
