အာဆင်နယ်နဲ့ စာချုပ်သစ်အတွက် ဆွေးနွေးမှုပြုလုပ်သွားမယ့် အာတီတာ
အာဆင်နယ်အသင်းဟာ လာမယ့်နွေရာသီမှာ နည်းပြဖြစ်သူ အာတီတာကို စာချုပ်သစ်အတွက် စတင်ဆွေးနွေးသွားဖို့ ရှိနေတယ်လို့ သတင်းတွေအရ သိရပါတယ်။ မြောက်လန်ဒန်ကလပ်ဟာ အခုရာသီမှာ ချန်ပီယံလိဂ်နဲ့ ပရီးမီးယားလိဂ် ဖလားနှစ်လုံးစလုံးကို သိမ်းပိုက်နိုင်ဖို့ အခြေအနေကောင်းနေတာပါ။ အက်သလက်တီကိုမက်ဒရစ်အသင်းကို နှစ်ကျော့ပေါင်းရလဒ် ၂ ဂိုး ၁ ဂိုးနဲ့ အနိုင်ယူပြီးနောက် အာဆင်နယ်ဟာ နှစ်ပေါင်း ၂၀ အတွင်း ပထမဆုံးအကြိမ်အဖြစ် ချန်ပီယံလိဂ်ဗိုလ်လုပွဲကို တက်လှမ်းနိုင်ခဲ့တာဖြစ်ပြီး ဗိုလ်လုပွဲမှာတော့ ဘိုင်ယန်မြူးနစ် ဒါမှမဟုတ် ပီအက်စ်ဂျီအသင်းနဲ့ ရင်ဆိုင်ရမှာ ဖြစ်ပါတယ်။
သတင်းထောက် ဖာဘရီဇီယိုရိုမန်နိုရဲ့ အဆိုအရ အာဆင်နယ်အသင်းဟာ အသက် ၄၄ နှစ်အရွယ် အာတီတာကို လာမယ့်နွေရာသီမှာ စာချုပ်သစ်ချုပ်ဆိုပြီး ဆုချီးမြှင့်ဖို့ အလေးအနက်ထားနေပါတယ်။ လက်ရှိမှာတော့ အာတီတာက ဒီရာသီကို အကောင်းဆုံးအဆုံးသတ်နိုင်ဖို့ပဲ အာရုံစိုက်နေပေမဲ့ သူဟာ အာဆင်နယ်မှာ ပျော်ရွှင်နေတာကြောင့် စာချုပ်သစ်ကိစ္စက သိပ်ပြီး ခက်ခဲမှာမဟုတ်ဘူးလို့ သိရပါတယ်။
