တစ်ယောက်လျော့တော့တင်ဟမ်ကို အိမ်ကွင်းမှာ သက်တောင့်သက်သာအနိုင်ယူခဲ့တဲ့ ယူနိုက်တက်
အမ်ဘွေမို ၃၈'
ဖာနန်ဒက်စ် ၈၁'
ယခုပွဲစဉ်အစမှာ ၂ သင်းစလုံးအပြန်အလှန်ထိုးဖောက်မှုတွေမြင်တွေ့ခဲ့ရပေမယ့် တော့တင်ဟမ်အသင်းခေါင်းဆောင် ရိုမဲရိုး တိုက်ရိုက်အနီကတ်ပြသခံလိုက်ရချိန်မှာတော့ ပွဲက တဖက်စောင်းနင်းဖြစ်ခဲ့ပြီး ယူနိုက်တက်က အနိုင်ဂိုး ၂ ဂိုးနဲ့ ဂိုးပြတ်အနိုင်ရခဲ့တာဖြစ်ပါတယ်။ ယူနိုက်တက်အတွက်ဂိုးတွေကိုအမ်ဘွေမိုနဲ့ ဖာနန်ဒက်စ်တို့က သွင်းယူခဲ့တာဖြစ်ပြီး ယာယီနည်းပြကာရစ်အနေနဲ့ သူ့ရဲ့လက်ထက်မှာ ရာနှုန်းပြည့်နိုင်ပွဲကို ဆက်လက်ဖော်ဆောင်ထားနိုင်ဆဲဖြစ်ပါတယ်။ ယူနိုက်တက်အနေနဲ့ တိုက်စစ်ပိုင်းမှာ အခွင့်အရေးတွေကို အသုံးချနိုင်ခဲ့ရင် ဒီထက်ပိုဂိုးပြတ်ဖို့ရှိပေမယ့် လွဲချော်မှုတွေရှိခဲ့လို့ ၂ ဂိုးနဲ့သာကျေနပ်ခဲ့ရပါတယ်။ ယခုနိုင်ပွဲကြောင့် ယူနိုက်တက်ဟာ အမှတ်ပေးဇယားရဲ့ အဆင့် ၄ နေရာမှာ ဆက်လက်ရပ်တည်နိုင်ခဲ့ပါတယ်။
