
အသင်းအကြောင်း အိုလစ်ဆီကို နားလည်စေချင်တဲ့အရာကို ပြောကြားလာတဲ့ ရစ်ဘာရီ
ဘိုင်ယန်ဂန္ထဝင်ဟောင်း ရစ်ဘာရီက အိုလစ်ဆီတစ်ယောက် အသင်းနဲ့ပတ်သက်ပြီး နားလည်စေချင်တဲ့အရာကို ထုတ်ဖော်ပြောကြားလိုက်သလို ကမ္ဘာ့အကောင်းဆုံးကစားသမားတွေထဲကတစ်ဦးဖြစ်လာအောင် ဘယ်လိုလုပ်ရမလဲဆိုတာကို အကြံပေးလိုက်ပါတယ်။ ရစ်ဘာရီက အိုလစ်ဆီနဲ့ပတ်သက်ပြီး သူ့အမြင်ကို ထုတ်ဖော်ပြောကြားခဲ့သလို ပဲလေ့စ်ကနေပြောင်းလာပြီးနောက် ပွဲဦးထွက်ရာသီမှာ စွမ်းဆောင်ရည်ကောင်းတွေပြသနေတာဖြစ်ပါတယ်။
ပြီးခဲ့တဲ့အင်တာဗျူးမှာ ရစ်ဘာရီက အိုလစ်ဆီအနေနဲ့ ဘိုင်ယန်မှာ အောင်မြင်ချင်တယ်ဆိုရင် နားလည်ရမယ့်အရာကို ပြောကြားခဲ့သလို ကမ္ဘာ့အကောင်းဆုံးကစားသမားတစ်ဦးဖြစ်လာအောင် ဘယ်လိုလုပ်ရမလဲဆိုတာကို ရှင်းပြလိုက်ပါတယ်။ အိုလစ်ဆီဟာ ဒီရာသီဘိုင်ယန်ရဲ့အကောင်းဆုံးကစားသမားတွေထဲကတစ်ဦးဖြစ်ပြီး ပြိုင်ပွဲစုံ ၄၁ ပွဲမှာ ၁၃ ဂိုးသွင်း ၊ ၁၄ ဂိုးဖန်တီးထားနိုင်ခဲ့ပါတယ်။ ကွင်းအတွင်းမှာ အောင်မြင်နေပေမယ့် အချို့အဖြစ်အပျက်တွေမှာ အိုလစ်ဆီတစ်ယောက် ဂျာမန်မြေမှာ အပြည့်အဝအထိုင်မကျသေးဘူးဆိုတကာကို ပြသနေပါတယ်။
အိုလစ်ဆီရဲ့အခြေအနေနဲ့ပတ်သက်ပြီး ရစ်ဘာရီက “ကျွန်တော် မပြောနိုင်သေးပါဘူး။ ဘာလို့လဲဆိုတော့ သူအသင်းမှာရှိနေတာ ၁ နှစ်တောင်မပြည့်သေးပါဘူး။ အိုလစ်ဆီက ငယ်ရွယ်နေသေးသလို အခုလိုအသင်းကြီးအတွေ့အကြုံ သူ့အတွက် ပထမဆုံးပါ။ကျွန်တော် အရိုးသားဆုံးပြောမယ်ဆိုရင် သူ့အကြောင်း ဘိုင်ယန်မလာခင်အထိ မသိပါဘူး။ဒါ့အပြင် သူအကောင်းဆုံးလုပ်ဆောင်နေပါတယ်။ နိုင်ငံအသင်းမှာလည်း အတူတူပါပဲ။
ကျွန်တော် သူ့ကိုဆန်းစစ်နေါတယ်။ သူကစားတာကိုကြည့်ရတာ နှစ်သက်ပါတယ်။ ဒါပေမယ့် သူ့အနေနဲ့ကမ္ဘာ့အကောင်းဆုံးကစားသမားတစ်ဦးဖြစ်ချင်တယ်ဆိုရင် လက်ရှိစွမ်းဆောင်ရည်ကို သူဆက်ထိန်းဖို့ လိုအပ်ပါတယ်။
၁နှစ်တည်းတင်မဟုတ်ပဲ လာမယ့် ၃ နှစ် ၊ ၄ နှစ် ၊ ၅ နှစ်လောက်အထိပါ။ အဲ့တာက စိတ်ပိုင်းဆိုင်ရာနဲ့ သက်ဆိုင်ပါတယ်။ မှန်ပါတယ်။ သူ့အနေနဲ့ ဂျာမန်စကားလည်း သင်ယူဖို့ လိုအပ်ပါတယ်။ ဒါမှလည်း အသင်းအကြောင်းနားလည်မှာဖြစ်ပြီး ကျွန်တော် အဲ့တာပဲ အကြံပေးနိုင်ပါတယ်။ သူ့အနေနဲ့ စကားနားလည်အောင် ကြိုးစားသင့်သလို အဲ့လိုမှလည်း ဆက်ဆံရေးတွေမှာ အဆင်ပြေလာမှာပါ”လို့ ရစ်ဘာရီက ပြောကြားခဲ့ပါတယ်။
အိုလစ်ဆီဟာ စိန့်ပေါလီအသင်းကို ၃-၂ နဲ့အနိုင်ရခဲ့တဲ့ပွဲမှာ ၂ ဂိုးဖန်တီးပေးနိုင်ခဲ့ပြီး လာမယ့်ဧပြီလ ၄ ရက်နေ့ အော့စ်ဘတ်နဲ့ပွဲမှာလည်း အခုလိုမျိုးစွမ်းဆောင်ရည်ထပ်မံပြသနိုင်ဖို့ မျှော်လင့်နေပါတယ်။