ပေါ်တူဂီအသင်းက ဒိန်းမတ် နဲ့ ယှဉ်ပြိုင်ရမယ့် ယူအီးအက်ဖ်အေ နေးရှင်းလိဂ် ကွာတားဖိုင်နယ် အတွက် လူစာရင်းကို ထုတ်ပြန်ခဲ့ပြီး၊ခရစ္စတီယာနို ရော်နယ်ဒိုက အသင်းခေါင်းဆောင်အဖြစ် ဦးဆောင်မှာဖြစ်ပါတယ်။  မန်စီးတီး  နောက်ခံလူ ရူဘင် ဒီယက်စ်ဟာ ကြွက်သားဒဏ်ရာကနေ ပြန်လည် သက်သာလာပြီးနောက် အသင်းထဲကို ပြန်လည် ပါဝင်လာခဲ့ပါတယ်။ ဒါ့အပြင် စပို့တင်းလစ္စဘွန်းက လူငယ် တိုက်စစ်မှူး ဂျီယိုဗန်နီ ကွင်ဒါလည်း ပထမဆုံးအကြိမ် အသင်းမှာ ရွေးချယ်ခံခဲ့ရပါတယ်။  

နည်းပြ ရောဘတ်တို မာတီနက်ဇ်က “အရည်အသွေး၊ စိတ်ဓာတ်နဲ့ ကြိုးစားအားထုတ်မှုတွေက အဓိကပါ။ ဒီလူစာရင်းကို ရွေးချယ်တဲ့ လုပ်ငန်းစဉ်ဟာ သေချာစွာ စီစစ်ပြီး ပရော်ဖက်ရှင်နယ်ကျကျ လုပ်ဆောင်ခဲ့တာပါ” လို့ ပြောကြားခဲ့ပါတယ်။  ကန်ဆယ်လို နဲ့ အော်တာဗီယိုလို အဓိကကစားသမားတွေ ဒဏ်ရာရထားပေမယ့်၊ မာတီနက်ဇ်က အသင်းရဲ့ အလားအလာအပေါ် ယုံကြည်မှု အပြည့်ရှိနေဆဲပါ။ 

ပေါ်တူဂီဟာ ဒိန်းမတ်ကို မတ်လ ၂၀ ရက် ကိုပင်ဟေဂင်မှာ အဝေးကွင်းပွဲအဖြစ် ယှဉ်ပြိုင်ရမှာဖြစ်ပြီး ဒုတိယအကျော့ကို မတ်လ ၂၃ ရက် လစ္စဘွန်းမှာ အိမ်ကွင်းပွဲအဖြစ် ကစားမှာပါ။  
ပေါ်တူဂီအသင်းရဲ့ အင်အား ၂၆ ဦး လူစာရင်း အပြည့်အစုံ:

ဂိုးသမားများ:  
ဒီယိုဂိုကော်စတာ- ပေါ်တို  
ရူအီဆေးလ်ဗား - စပို့တင်းလစ္စဘွန်း  
ဟိုဆေးဆာ - ဝုဗ်

နောက်ခံလူများ:  
ဒီယိုဂိုဒါလော့  - မန်ချက်စတာယူနိုက်တက်
နယ်လ်ဆင်ဆီမီဒို - ဝုဗ်
နူနိုမန်ဒက်စ် - ပီအက်စ်ဂျီ
နူနိုတာဗာရက်စ် - လာဇီယို 
ဂွန်ကာလိုအင်နာစီယို - စပို့တင်းလစ္စဘွန်း  
ရူဘင်ဒီယက်စ် - မန်စီးတီး 
အန်တိုနီယိုဆေးလ်ဗား - ဘင်ဖီကာ  
ရီနာတိုဗီဂါ  - ဂျူဗင်တပ်စ် 

ကွင်းလယ်ကစားသမားများ:  
ဂျိုအာပယ်လင်ဟာ - ဘိုင်ယန်မြူးနစ် 
ရူဘင်နီဗက်စ် - အယ်လ်ဟီလယ် 
ဂျိုအာနီဗက်စ် - ပီအက်စ်ဂျီ 
ဗီတင်ဟာ - ပီအက်စ်ဂျီ
ဘရူနိုဖာနန်ဒက်စ် - ယူနိုက်တက် 
ဘာနာဒိုဆေးလ်ဗား - မန်စီးတီး 
ဂျာအိုဖီးလစ်  - အေစီမီလန်

တိုက်စစ်မှူးများ:  
ဖရန်စစ္စကိုထရင်ကာအို  - စပို့တင်းလစ္စဘွန်း  
ဖရန်စစ္စကိုကွန်စီဆာအို - ဂျူဗင်တပ်စ် 
ပက်ဒရို နက်တို - ချဲလ်ဆီး 
ဂျီယိုဗန်နီကွင်ဒါ - စပို့တင်းလစ္စဘွန်း  
ရာဖေးလ်လီယာအို - အေစီမီလန်
ဒီယိုဂိုဂျိုတာ  - လီဗာပူး
ဂွန်ကာလိုရာမို့စ် - ပီအက်စ်ဂျီ
ခရစ္စတီယာနိုရော်နယ်ဒို - အယ်လ်နာဆာ 

မာတီနက်ဇ်က ကွင်ဒါကို ရည်ညွှန်းပြီး “အသက် ၁၇ နှစ်မှာ အမျိုးသားအသင်းမှာ ပါဝင်နိုင်တာက သူ့ရဲ့ အလားအလာကို ပြသနေပါတယ်။ သူတို့အားလုံးကို ခေါ်နိုင်ရင် ခေါ်ချင်ပါတယ်၊ ဘာလို့လဲဆိုတော့ သူတို့က ထိုက်တန်လို့ပါ။ ဒါပေမယ့် ဒါက မဖြစ်နိုင်တဲ့ ကိစ္စပါ” လို့ ထပ်လောင်းပြောကြားခဲ့ပါတယ်။   ဒီလူစာရင်းဟာ ပေါ်တူဂီရဲ့ နေးရှင်းလိဂ် ချန်ပီယံဆုကို ဆက်လက်ထိန်းသိမ်းဖို့ ရည်မှန်းချက်နဲ့ ဖွဲ့စည်းထားတာ ဖြစ်ပြီး၊ ရော်နယ်ဒိုရဲ့ ဦးဆောင်မှုနဲ့ ဒီယက်စ်ရဲ့ ပြန်လာမှုက အသင်းကို ပိုမိုအားကောင်းစေမှာပါ။