ဘိုင်ယန်အသင်းနည်းပြ ကွန်ပနီနေရာမှာ အစားထိုးမယ်ဆိုတဲ့သတင်းတွေအပေါ် ပဲလေ့စ်နည်းပြ ဂလက်စ်နာက ငြင်းဆန်လိုက်ပါတယ်။ ၂၀၂၄ တုန်းက သြစတြေးလျသားကို ဘိုင်ယန်အသင်းက ချိတ်ဆက်ခဲ့တာဖြစ်ပြီး တူချယ်နေရာမှာ အစားထိုးဖို့ ခေါ်ယူချင်ခဲ့တာဖြစ်ပါတယ်။ အခုချိန်မှာလည်း ဂလက်စ်နာတစ်ယောက် ဘိုင်ယန်ကိုနည်းပြချင်နေဆဲလို့ ဖော်ပြနေကြပါတယ်။ တူချယ်နေရာအတွက် ဂလက်စ်နာကို ဘိုင်ယန်က ချိတ်ဆက်ခဲ့ပေမယ့် ပဲလေ့စ်အသင်းကခေါ်ယူနိုင်ခဲ့တာဖြစ်ပါတယ်။

သတင်းထောက် ဆာချာကတော့ ဂလက်စ်နာဟာ အနာဂတ်မှာ ဘိုင်ယန်အသင်းထံပြောင်းရွှေ့ချင်နေဆဲလို့ ဖော်ပြခဲ့ပါတယ်။ ဒါပေမယ့်လည်း ဂလက်စ်နာကတော့ အဆိုပါသတင်းတွေကို ပယ်ချလိုက်ပါတယ်။ “တစ်စုံတစ်ယောက်က ကျွန်တော်ဘိုင်ယန်နည်းပြဖြစ်ချင်တယ်ဆိုပြီး အခိုင်အမာဆိုနေတာပါ။ အဲ့တာက ကျွန်တော့်ကိုအပျင်းပြေစေပါတယ်။ ကျွန်တော် ဒီလိုမျိုးဘယ်သူ့ကိုမှမပြောခဲ့ပါဘူး။ မီဒီယာတွေကို ကျွန်တော်အနည်းငယ်လိုက်ခဲ့ပါတယ်။ အများကြီးဖတ်တာမျိုးတော့မရှိခဲ့ပါဘူး။ နိုင်ပွဲရသည်ဖြစ်စေ ရှုံးသည်ဖြစ်စေ ကျွန်တော် အဓိပ္ပာယ်မရှိတာတွေရေးတာကို သတိထားမိတာကြောင့်ပါ”လို့ ဂလက်စ်နာက ပြောကြားခဲ့ပါတယ်။

ပဲလေ့စ်ဟာ ပြီးခဲ့တဲ့အပတ်တုန်းက အဲဗာတန်ကို ၂-၁ နဲ့အရေးနိမ့်ပြီးနောက် ပြီးခဲ့တဲ့ရာသီစတင်ကတည်းက ပြိုင်ပွဲစုံ ၁၉ ပွဲဆက်အရေးမနိမ့်တဲ့စံချိန် ကျိုးပျက်ခဲ့ပါတယ်။ အဆိုပါစံချိန်ဟာ မန်စီးတီးကိုအနိုင်ယူပြီး အက်ဖ်အေဖလားရယူနိုင်ပြီးကတည်းက တင်ထားခဲ့တာဖြစ်ပြီး လက်ရှိပရီးမီးယားလိဂ်အမှတ်ပေးဇယားမှာလည်း အဆင့် ၆ နေရာမှာ ရပ်တည်နေပြီး အာဆင်နယ်နဲ့ ၈ မှတ်သာကွာဟနေပါတယ်။

ဂလက်စ်နာကို ယူနိုက်တက်အသင်းကလည်း ချိတ်ဆက်နေပြီး နည်းပြကိုယ်တိုင်ကတော့ သတင်းအမှားတွေကို ပယ်ချထားခဲ့ပါတယ်။ ဂလက်စ်နာကတော့ ပဲလေ့စ်အသင်းကို သေချာလေးတည်ဆောက်နေပြီး ဥရောပဝင်ခွင့်ရဖို့ ပစ်မှတ်ထားနေပါတယ်။