အာဆင်နယ်အသင်းခေါင်းဆောင် အိုဒီဂတ်က အသင်းမှာအတူတူတွဲကစားချင်တဲ့ရီးရဲလ်အသင်းစတားနာမည်ကို ထုတ်ဖော်ပြောကြားလိုက်ပါတယ်။ အိုဒီဂတ်ဟာ ၂၀၁၅ ဇန်နဝါရီ အသက် ၁၆ နှစ်တုန်းက ရီးရဲလ်အသင်းထံပြောင်းရွှေ့လာခဲ့တာဖြစ်ပြီး အငှား ၄ ရာသီမတိုင်ခင် စီနီယာအသင်းမှာ အနည်းငယ်ပါဝင်ခွင့်ရခဲ့တာဖြစ်ပါတယ်။

အဲ့နောက် ရီးရဲလ်စီနီယာအသင်းထံ ပြန်လာခဲ့ပေမယ့် ပုံမှန်ကစားခွင့်မရတာကြောင့် အာဆင်နယ်ထံ ၆ လအငှားနဲ့ ပြောင်းရွှေ့လာခဲ့ပါတယ်။ အဲ့နောက် ရာသီအကုန်မှာ အာဆင်နယ်ထံ အပြီးသတ်ပြောင်းရွှေ့ခဲ့ပါတယ်။ အဲ့ကတည်းက အိုဒီဂတ်တစ်ယောက် စွမ်းဆောင်ရည်ကောင်းတွေပြသနေပြီး ပြိုင်ပွဲစုံ ၁၈၅ ပွဲအထိ ပါဝင်ကစားခဲ့ပါတယ်။

နိုင်ငံတကာရက်သတ္တပတ်အပြီးမှာ အိုဒီဂတ်ဟာ ချန်ပီယံလိဂ်ကွာတားဖိုင်နယ်ပွဲအဖြစ် အသင်းဟောင်း ရီးရဲလ်အသင်းနဲ့ ပြန်လည်တွေ့ဆုံရမှာဖြစ်ပါတယ်။ အာဆင်နယ် နဲ့ ရီးရဲလ်အသင်းဟာ ၂၀၀၆ မတ်လတုန်းက ချန်ပီယံလိဂ် ၁၆ သင်းမှာ တွေ့ဆုံခဲ့တာဖြစ်ပြီး အခုတစ်ကြိမ်က ဒုတိယမြောက်တွေ့ဆုံမှုဖြစ်လာခဲ့ပါတယ်။ အင်တာဗျူးမှာ အိုဒီဂတ်က အာဆင်နယ်မှာတွဲဖက်ကစားချင်တဲ့သူအဖြစ် ရီးရဲလ်စတား ဗင်နီဆီးယက်စ်ကို ရွေးချယ်ခဲ့ပါတယ်။

“အခုချိန်မှာ ဗင်နီက ကမ္ဘာ့အကောင်းဆုံးလို့ ကျွန်တော် ပြောချင်ပါတယ်။ကျွန်တော် အာဆင်နယ်မှာ သူနဲ့အတူတူတွဲဖက်ကစားချင်ပါတယ်။ မှန်ပါတယ်။ ရီးရဲလ်နဲ့ပွဲစဉ် ၂ ပွဲက အရမ်းအရေးကြီးပါတယ်။ ကျွန်တော့်အတွက် ပုဂ္ဂိုလ်ရေးအရ အဲ့တာက အသင်းဖော်ဟောင်းတွေနဲ့ပြန်လည်တွေ့ဆုံရမှာဖြစ်တာကြောင့် ထူးခြားပါတယ်။

ကျွန်တော်တို့ ကိုယ့်ကိုကိုယ်ယုံကြည်မှုရှိပါတယ်။ ကျွန်တော်တို့ ဘာလုပ်နိုင်လဲဆိုတာ ကျွန်တော်တို့သိပါတယ်။ ချန်ပီယံလိဂ်မှာ ကျွန်တော်တို့စွမ်းဆောင်ရည်က အရမ်းကောင်းပါတယ်။ ၁၀ ပွဲမှာ ၇ ပွဲအထိ အနိုင်ရရှိထားခဲ့ပါတယ်။ကျွန်တော်တို့ ပထမအကျော့ကို အမ်းမရိတ်မှာ ကန်ရမှာပါ။ အဲ့တာက တကယ့်ကြီးမားတဲ့ညနေခင်းဖြစ်လာမှာပါ”လို့ အိုဒီဂတ်က ပြောကြားခဲ့ပါတယ်။

အာဆင်နယ်ဂိုးသမား ဒေးဗစ်ရာယာကတော့ သူ့အနေနဲ့ ပြီးခဲ့တဲ့ရာသီတုန်းက ဘိုင်ယန်နဲ့အရေးနိမ့်ခဲ့တဲ့အတွေ့အကြုံကနေ သင်ခန်းစာယူနိုင်ခဲ့ပြီလို့ ယုံကြည်နေပါတယ်။ “ဒီအသင်းက ထိပ်တန်းအသင်းဖြစ်သလို ကြီးမားတဲ့စွမ်းဆောင်ရည်တွေလည်းပြသထားနိုင်ပါတယ်။ ကျွန်တော်တို့ အောင်မြင်နိုင်မယ့်လမ်းကြောင်းအပေါ်မှာရှိနေပါတယ်။ အချိန်တော့ယူရပါမယ်။

လူတိုင်း ချန်ပီယံလိဂ်အောင်မြင်ချင်ပါတယ်။ ဘယ်လောက်ခက်ခဲလဲဆိုတာကို ကျွန်တော်သိပါတယ်။ ပြီးခဲ့တဲ့နှစ်တုန်းက ကျွန်တော်တို့ တကယ်ကောင်းခဲ့ပါတယ်။ ဘိုင်ယန်ကိုအနိုင်ကန်ပြီး ဆီမီးဖိုင်နယ်ကို တက်ရောက်နိုင်ဖို့ နီးစပ်ခဲ့ပါတယ်။ကျွန်တော်တို့ မှန်ကန်တဲ့လမ်းကြောင်းမှန်ပေါ်မှာရှိနေပါတယ်။ အတွေ့အကြုံလည်းရခဲ့ပါပြီ။ ကစားသမားတော်တော်များများ ချန်ပီယံလိဂ်မှာမကစားဖူးပါဘူး။

ကျွန်တော်တို့ ဆက်သွားရမှာဖြစ်သလို စိန်ခေါ်မှုအတွက် လက်ခံရပါမယ်။ကျွန်တော်တို့ ရီးရဲလ်နဲ့ကန်ရမယ့် စိန်ခေါ်မှုရှိနေပါတယ်။ အဲ့တာက ကျွန်တော်တို့ ငယ်စဉ်ဘဝကတည်းက ကစားချင်တဲ့အသင်းပါ”လို့ ရာယာက ပြောကြားခဲ့ပါတယ်။