ကမ်းခြေမှာ ရေကူးဝတ်စုံနဲ့ပြေးလွှားပြီး ရင်သပ်ရှုမောဖွယ်အလှကို ထုတ်ဖော်ပြသလာတဲ့ ဂျော်ဂျီနာ
ပေါ်တူဂီလက်ရွေးစင်အသင်းခေါင်းဆောင် ခရစ္စတီယာနိုရော်နယ်ဒိုရဲ့ ချစ်သူ ဂျော်ဂျီနာရိုဒရီဂွက်ဇ်ဟာ ကမ်းခြေမှာ ရေကူးဝတ်စုံနဲ့ ပြေးလွှားပြီး သူမရဲ့ရင်သပ်ရှုမောဖွယ် ခန္ဓာကိုယ်အလှကို ပြသကာ ဆိုရှယ်မီဒီယာကို မုန်တိုင်းထန်လာစေခဲ့ပြန်ပါတယ်။ ယူရို ၂၀၂၄ ပြိုင်ပွဲကို ကွာတားဖိုင်နယ်အဆင့်ကနေ လက်ပြနှုတ်ဆက်ခဲ့ရတဲ့ ရော်နယ်ဒိုဟာ နွေရာသီအားလပ်ရပ်အတွင်း ဂျော်ဂျီနာနဲ့အတူ ကမ်းခြေမှာ အနားယူနေတာဖြစ်ပါတယ်။
ယခုအခါမှာတော့ ဂျော်ဂျီနာက ရေကူးဝတ်စုံကို ဝတ်ဆင်ရင်း နေရောင်အောက်မှာ နေပူစာလှုံနေတဲ့ပုံတွေကို ဆိုရှယ်မီဒီယာမှတစ်ဆင့် ထုတ်ဖော်ပြသလာခဲ့တာဖြစ်ပါတယ်။ ထို့နောက်မှာတော့ အသက်-၃၀ နှစ်အရွယ်မော်ဒယ်ဟာ ကမ်းခြေမှာ ပြေးလွှားနေတဲ့ သူမရဲ့ရင်သပ်ရှုမောဖွယ် ဗီဒီယိုဖိုင်ကို ဖော်လိုဝါ သန်း ၆၀ ရှိတဲ့ အင်စတာဂရမ်အကောင့်မှတစ်ဆင့် မျှဝေခဲ့ပါတယ်။ ဗီဒီယိုကိုမျှဝေပြီး သိပ်မကြာခင်မှာပဲ သူမရဲ့အမာခံပရိသတ်တွေက သူမရဲ့အလှကို အမျိုးမျိုးမှတ်ချက်ပေးလာကြပါတယ်။
ပရိသတ်တွေက “လှလိုက်တာ”၊ “ဒီချစ်စရာကောင်းတဲ့မိသားစုလေးကို ရိုးရိုးလေးပဲသဘောကျမိပါတယ်”၊ “အံ့မခန်းပါပဲ”၊ “အားလုံးကိုချစ်တယ်”၊ “ငါက မင်းရဲ့အမာခံပရိသတ်ပါ” စသဖြင့် အမျိုးမျိုးမှတ်ချက်ပေးခဲ့ကြတာဖြစ်ပါတယ်။ ရော်နယ်ဒိုဟာ ပြီးခဲ့တဲ့ယူရိုပြိုင်ပွဲမှာ ဂိုးသွင်းယူနိုင်ခဲ့ခြင်းမရှိဘဲ ဆလိုဗေးနီးယား၊ ပြင်သစ်တို့နဲ့သရေကျခဲ့တဲ့ ပွဲစဉ်တွေမှာသာ ပင်နယ်တီအဆုံးအဖြတ်သွင်းဂိုးတွေ ရယူနိုင်ခဲ့တာဖြစ်ပါတယ်။ ပြင်သစ်ကို ဂိုးမရှိသရေကျခဲ့တဲ့ ပေါ်တူဂီဟာ ပင်နယ်တီအဆုံးအဖြတ်မှာတော့ ရှုံးနိမ့်ခဲ့တာကြောင့် ပြိုင်ပွဲကနေ ထွက်ခွာခဲ့ရတာဖြစ်ပါတယ်။
ယခုအခါမှာတော့ မန်ချက်စတာယူနိုက်တက် ဂန္ထဝင်ကစားသမားဟာ ရာသီသစ်မှာ အယ်လ်နာဆာနဲ့အတူ ပြန်ကြမ်းနိုင်ဖို့ ကြံ့ခိုင်မှုတည်ဆောက်နေပြီဖြစ်ပါတယ်။
