အက်သလက်တီကိုမက်ဒရစ်နည်းပြ ဆီမြွန်နီက အယ်လ်ဗာရက်ဇ်ရဲ့ပင်နယ်တီဂိုးကို ခွင့်မပြုခဲ့တဲ့အပေါ် ဒေါသထွက်မိသလို မမျှတသလို ခံစားမိကြောင်း ပြောကြားလိုက်ပါတယ်။ တီကိုဟာ မြို့ခံပြိုင်ဘက် ရီးရဲလ်ကို ချန်ပီယံလိဂ် ၁၆ သင်းအဆင့်မှာ ပင်နယ်တီနဲ့အရေးနိမ့်ပြီး ထွက်ခွာခဲ့ရတာဖြစ်ပါတယ်။

အဆိုပါပွဲမှာ အယ်လ်ဗာရက်ဇ်ရဲ့ပင်နယ်တီဂိုးကို VAR က ၂ ချက်ထိခဲ့တယ်ဆိုပြီး ပယ်ဖျက်ခဲ့တာက ပြောစရာအချက်ဖြစ်လာခဲ့ပါတယ်။ ရက်အတော်ကြာ အဆိုပါဖြစ်ရပ်က ပြောစရာဖြစ်ခဲ့သလို ဆီမြွန်နီကလည်း အခဲမကြေဖြစ်နေပါတယ်။

ပင်နယ်တီဖြစ်ရပ်နဲ့ပတ်သက်ပြီး ဆီမြွန်နီက “ကျွန်တော် ဘာစီလိုနာအကြောင်း အမြဲပြောလေ့ရှိပါတယ်။ ဒီအချိန်မှာ ဒီအခြေအနေနဲ့ပတ်သက်ပြီး ကျွန်တော့်ခံစားချက်ကိုပြောရမယ့်အချိန်ပါ။ အဲ့တာက ဒေါသထွက်စရာဖြစ်ခဲ့သလို မမျှတသလိုခံစားရပါတယ်။ ဒါပေမယ့် ကျွန်တော့်အနေအထားအရ တစ်ခုတည်းသောလုပ်ရမယ့်အရာက ကျွန်တော့်အလုပ်ကို အကောင်းဆုံးလုပ်ပြီး အသင်းကို တိုးတက်အောင်လုပ်ရမှာပါ။ အဲ့တာမှ အသင်းက ပြိုင်ပွဲတိုင်းမှာ ဆက်လက်ယှဉ်ပြိုင်နိုင်မှာပါ။ ပရိသတ်တွေဘက်ကိုလည်း ကျွန်တော်နားလည်ပါတယ်။ တီကိုမှာ ဒေါသထွက်စရာတွေအပြင် မမျှတတာတွေရှိခဲ့ပါတယ်”လို့ ဆီမြွန်နီက ပြောကြားခဲ့ပါတယ်။ အဆိုပါဖြစ်ရပ်နဲ့ပတ်သက်ပြီး ဖီဖာ နဲ့ တာဝန်ရှိသူတွေက ၂ ချက်ထိခဲ့တာရှင်းလင်းခဲ့တယ်လို့ ပြောကြားခဲ့ပါတယ်။